نبضات القلب♡
للكاتبة رقية_ليث
البارت العاشر
.
.
.
.
حنين: لميت غراضي الي احتاجهن و لبست ملابسي و انتظرت اهلي ينامون
حسيت بعد ماكو صوت جوة هدوء نزلت عل اطراف اصابعي حتى محد يسمعني و قلبي يدك بسرعة اخاف احد يسمعني
اخذت الجنطة و طلعت فتحت الباب شفت الشارع فارغ ماكو احد
و الدنيا ظلمة و ليل و اسمع صوت الجلاب كمت اخاف
ترددت اطلع لو لا
بعدين تشجعت و طلعت ظليت امشي و اتلفت اخاف
بقيت امشي امشي لحد ما صار الفجر واني ماادري وين اروح
جعت طلعت من الجنطة اكل اخذت وياية فواكة
وكعدت اكل بالشارع
بدء الشارع يصير بي حركة و ناس الكل تمشي و تباوع علية مبين من وجهي حالتي مو طبيعية من الارتباك و الخوف
صارت الساعة بال٩ موبايلي دك شفته مهيمن ما جاوبت و وراها دك ابوية ما جاوبت غلقت الموبايل و بقيت امشي
المي مالتي خلص اشتريت بطل ثاني
حسيت نفسي غلطت من طلعت لان مااعرف وين اروح
بقيت افكر وين اروح بعدين تذكرت صديقتي شروق و توجهت لبيتهم
بقيت بالساعة امشي يلة وصلت لبيتهم
دكيت عليها بالموبايل
الو شروق اني بالباب
شروق: يا باب؟؟
حنين: يعني يا باب غير بابكم
شروق: يا صدك تحجين شجابج هسه ولج شو ما كتيلي
حنين: ولج دطلعي فتحي الباب و اكلج
شروق: طالعة طالعة
حنين: انتظرتها ورة شوية فتحتها
دخلت جان ماكو احد بالبيت لان اهلها موظفين بالدوام بس هي
شروق: ولج تعاي احجيلي شجابج
حنين: حجيتلها كلشي
شروق: يااا صدك تحجين شلون تسوين هيج
حنين: مااعرف ما فكرت بغير شيء بوقتها
شروق: و شراح تسوين هسه؟
حنين: ماادري حايرة من هسه حركوها علية اتصالات
شروق: عندج مكان تبقين بي؟
حنين: حاليا ماكو
شروق: دتعاي خلي نتريك اني وياج وعود الله كريم
حنين: كعدنا نتريك اني وياها اني جنت مااشتهي كلش اكلت شيء و شربت جاي
ظليت كاعدة افكر شسوي وين اروح
اخاف ارجع لاهلي والله بنفس اليوم يزوجوني
صار الظهر واني يم شروق كاعدة و ساكته مااعرف شسوي
بال١ الظهر سمعت الباب اندكت خفت لان الدكة جانت قوية طلعت
شروق و مااسمع غير صوت مهيمن و مجتبى
حسيت نفسي اريد اختفي مااعرف وين اروح مااشوفهم غير فوك راسي
مجتبى: لججج حنين....وينج حنين
مهيمن: حننننييين
حنين: كاعدة ارجف حسيت راح يغمى علية
مااحس غير مهيمن يجرني من شعري
مهيمن: ولج حنين وين وليتي ها فهميني شلون تشردين من البيت
حنين: كمت ابجي لان تريدون تجبروني اتزوج شخص مااحبة ولا اريدة شتريدني اسوي مثلا
مااحس غير يضربني راشدي
مجتبى: مهيمن عل كيفك وياها مو هيج
مهيمن: امشي يلة بسرعة كدامي يلة
حنين: امشي و ابجي خدي صار احمر من الراشدي
مجتبى اخذ الجنطة مالتي و طلعنا
ركبت بالسيارة واني اشهك من البجي
مهمين: لج بسببج ابوية ضربته جلطة لج متفكرين بينا هاي نتيجة دلالنا الج
حنين: ما جاوبته منزلة راسي و ابجي و مجتبى يسوق بدون مينطق شيء بس مبين علية ضايج و اعصاب بس ما حجة شيء و ما صيح
وصلنا لبيتنا و اول ما دخلنا امي استلمتني رزايل و ضربتني راشدي و لزمتني من زندي و دخلتني للبيت
شفت ابوية مدد و نايم ركضت علية ابجي
سامحتني والله مجان قصدي أذيك سامحني
ميباوع بوجهي و لا يحجي وياية واني متت بجي
مهيمن: لو ما صديقتج جان ما عرفنا انتي وين متكليلي وين مولية بالشارع وحدج تفترين ما خفتي عل نفسج يروح واحد يخطفج يتحارش بيج
حنين: انصدمت شنوو شروق هي الي كلتلكم اني عدها
مجتبى: اي وصلتني رسالة منها و كاتبة حنين عدنا بالبيت و دزت عنوان بيتهم
حنين: انصدمت من كلامة معقولة شروق هيج تسوي بية واني كتلها اخاف ارجع
حقدت عليها لان هيج سوت و طعنتني بظهري
مهيمن: امشي ولي لغرفتج طلعة من البيت ماكو و حسبي حسابج بعد اسبوع زواجج من مجتبى
أنت تقرأ
نبضات القلب
Romanceهل حقا يمكن للانسان ان يمحو كل شيء من ذاكرته؟! هل هذا الشيء بأرادته لنسيان الماضي! ام شيء خارج أرادته!؟ هل يمكن ان ينسى اهله و اقاربه و حبيبه بهذه السهولة؟! هل يمكن ان يتقبلنا كالسابق ام يعتبرنا غرباء؟! هل سوف يتصرف معنا بعدوانية؟ هل سوف يحبنا كال...
