نبضات القلب♡
للكاتبة رقية_ليث
البارت الثامن
.
.
.
.
حاتم: أديل حضروا نفسكم اليوم راح اطلعكم نروح نتعشى برة و مناك نفتر
أديل: فرحت من كال هيج صارلنا هواي ما طالعين اي هسه اكللهن للبنات و نتحضر
حاتم: يلة اني شوية و اجي
أديل: فرحت و رحت
لرزان كتلها رزان رزان
رزان: ها خير شكو ؟
أديل: تحضري راح يجي حاتم و نطلع
رزان: لا طلعوا انتوا اني عندي امتحان وكاعد ادرس
أديل: يلة يمعودة دعيفي الامتحان امشي نتونس
رزان: مالي واهس و كاعدة ادرس و كلشي ما فاهمه حاسه نفسي راح ارسب
أديل: لعد دمشي غيري جو و من ترجعين اقري ترتاحين
رزان: يلة تمام راح اطلع وياكم
أديل: فرحت و كتلها عفية هيج صيري من البداية
رحت لغرفة ليان لكيتها ما موجودة سئلت عمتي طلعت طالعة وية صديقاتها
كتلها لعمتي تروحين ويانه كالت مابية حيل
بدلت لجهالي و رزان هم بدلت كملنا كلنا اجة حاتم
غسل بسرعة و بدل و طلعنا
جنه فرحانين لان صارلنه هواي ما طالعين
رحنه لمول المنصور افترينا و اشترينا كم شغلة و تعشينا
و حسيت رزان نفسيتها تغيرت و تونست غيرت جو
ورة ما كملنا اخذنا حاتم للكورنيش و كعدنا ناكل موطة و الجهال يلعبون اكو العاب بي
مهيمن: كملنا عشة و دخلت للحمام غسلت من طلعت شفت مكالمتين من مجتبى
خابرته رد علية ها مجتبى خير خو ماكو شيء؟؟!
مجتبى: لا ماكو شيء بس كلت اذا ما عندك شيء نروح لمكان لان اريد احجي وياك بموضوع
اذا عندك وقت هسه و اذا ما عندك عادي خليها عل غير يوم
مهيمن: لا ما عندي شيء هاهية كول وين نلتقي و اني جايك بالطريق
حددنا المكان بدلت و سشورت شعري و رحت
رحت للمكان الي كال علية شفته كاعد ينتظرني
سلمت علية و كعدت
مجتبى: حجيت وية حنين عل شروق؟؟
مهيمن: اي حجيت وياها
مجتبى: ومنو طلعت!؟
مهيمن: صديقتها
مجتبى: شنوو صديقتها طيح الله حظها شكد حقيرة حتى غدرت بيها هيج
مهيمن: بس خلتنا نعرف بعلاقتها وية هذا الساقط
مجتبى: بس هاي حقارة منها جانت تكدر تنصحها او
تكلنا بغير طريقة مو هيج
مهيمن: هو الصوج من حنين كم مرة كتلها لتثقين بأحد بسرعة بس جيب الي يقنعها بيها سالفة مو حلوة بسرعة تثق بالناس
خليها تأخذ درس من هاي السالفة بلكت اتوب و تتعض
مجتبى: عل كيفك وياها لتعاملها بقسوة ترة تزيد
مهيمن: والله من خوفي عليها هيج اتعامل وياها
اريدها تصير قوية ما اريدها هيج ضعيفة
صدك التهينا بالحجي عل حنين و نسيت اكلك شنو الموضوع الي ردت تحجي وياية!!
مجتبى: الموضوع هو....
مهيمن: كعد يحجيلي الموضوع كلة
مجتبى: ها شو صافن!!
مهيمن: والله ماادري فاجئتني بس هذا الشيء مو اني اقررا لازم استشير الوالد
مجتبى: طبعا لازم تاخذ رائي عمي بس اني حبيت اكلك الك بالاول
مهيمن: بس انتَ متأكد من هذا الموضوع؟؟
مجتبى: اي متأكد ولو ما متأكد جان ما كتلك
مهيمن: هاهية اكلة لابوية و يصير خير
كعدنا ندخن اني و مجتبى و لمحتها من بعيد
جان عسبالي اتخيل بس من ركزت عرفت اني مكاعد اتخيل هاي هي متأكد هي رزانتي
مجتبى: هاي شبيك ليش صافن؟؟
مهيمن: ولك هاي مو رزان
مجتبى: درت وجهي و شفتها اي ولك هاي هي
مهيمن: راح اكوم اروح اسلم عليهم
مجتبى: جريته من ايده ولك وين رايح لتنسى انتَ هسه مطلكها و منفصلين و ماكو شيء يربطكم سوية
مهيمن: اي بس اني راح اروح اسلم عل اخوها
مجتبى: هاي الكلاوات علينا انتَ بحال اخوها
مهيمن: رجعت كعدت و عيوني عليها هي لحد الان مشافتني
واني قلبي نار عليها من الشوق جنت مشتاقلها كلش
و محتاج اشوفها جنت اخاف اروحلها للكلية خاف ترجع نفس حالتها القديمة
يأكلون موطة و اني ادخن و صافن بيها
شفتها صافنه و حسيتها كاعد تفكر رفعت راسها و انتبهت علية و شافتني صافن عليها
هي هم ظلت صافنه علية بس مثل المستغربة
اني ما وخرت عيوني منها ظليت اباوع عليها و ادخن جكارة ورة جكارة من ورة النار الي بقلبي
و خرت عيونها مني بس كل شوية و ترجع تباوع علية
أنت تقرأ
نبضات القلب
Romanceهل حقا يمكن للانسان ان يمحو كل شيء من ذاكرته؟! هل هذا الشيء بأرادته لنسيان الماضي! ام شيء خارج أرادته!؟ هل يمكن ان ينسى اهله و اقاربه و حبيبه بهذه السهولة؟! هل يمكن ان يتقبلنا كالسابق ام يعتبرنا غرباء؟! هل سوف يتصرف معنا بعدوانية؟ هل سوف يحبنا كال...
