نبضات القلب

البارت(9)

نبضات القلب♡

للكاتبة رقية_ليث

البارت التاسع
.
.
.
.
مهيمن: عطت كتلج لييييان ويييين؟؟؟
أديل: موجودة بالبيت
مهيمن: نهيت
المكالمة و طلعت من المحل و ركبت بالسيارة
توجهت لبيتهم و اسوق بسرعة بس اريد اوصل
حتى اموتها عل ايدي
وصلت لبيتهم و دكيت الباب حيل
فتحتلي ليان الباب
ليان: اووو مهيمن اليوم منورنا
مهيمن: دخلت و ركعت الباب حيل و خنكتها بأيدية
والله اليوم لاموتج بيدي يا ساقطة
ليان: عزززة ولج يمة لحكيني راح يموتني الحقير
مهيمن: لج اني مهيمن تلعبين علية لج ما شفت احقر منج
ام رزان: يااا ياا يمة بنيتي ولك وخر راح تموت انت شجابك يعني ما راح نخلص منك
مهيمن: لا ما راح تخلصون مني و اليوم ليان اموتها عل ايدي
ام رزان: وكفت كباله شبيك جاي تحجي و تهدد شكو شصاير
مهيمن: سألي بتج الساقطة شمسوية
ام رزان: ولج ليان شمسوية
ليان: والله يمة كلشي ما مسوية
مهيمن: يعني ما حجيتي لرزان و كتيلها مهيمن متحارش بيج و انخطبتي اله غصب و هذا شخص مو زين و يدور بنات
شوفي بتج شمسوية
ام رزان: بتي ما مسوية هيج شيء منو كلك هذا الكلام؟
مهيمن: ادافعين عنها لان تدرين بسوالفها الطايح حظها مثلها
ام رزان: احترم نفسك ترة انت بيتنا و كاعد تهدد و تصيح و احنه نسوان وحدنا بالبيت
مهيمن: ماشي بسيطة لعد راح يصير غير حجي بعدين
عفتهم و طلعت اتصلت عل حاتم
و حجيتلة السالفة
حاتم: شكاعد تحجي مهيمن متأكد من هذا الشيء؟!
مهيمن: و متأكد و اصلا هذا الكلام وصلني من أديل
حاتم: انصدمت أديل؟!
مهيمن: اي هي اتصلت علية و كلتلي هذا الكلام
حاتم: ماشي مشكور عيف الباقي علية اني اتصرف
مهيمن: رجعت للمحل و اني طول الطريق افكر برزان و هسه فهمت سبب كرهه اليه

أديل: خفت من ردة فعل مهيمن و عرفت راح تصير هوسة و اني راح اكون السبب
اندكت الباب حيل و قلبي كام يرجف
و كمت اسمع صوت عياط مهيمن عل ليان
وراها طلعت عمتي و صار صايح بينها وبين مهيمن
اول ما راح اجت ليان ركض علية
ليان: لججج حقيرة سويتيها مو كلتيلة لمهيمن عل الي سويته مو و جريتها من شعرها
أديل: جريت ايدها و بعدتها من شعري اي اني كتلة عل افعالج الي وكعت بينه وبين اختج يالظالمة
ليان: وانتي شدخلج عسى ما اكتلها انتي معليج...بس خلي يجي حاتم و شوفي شراح اسوي بيج
أديل: ما خايفة منج شتسوين سوي
عفتها و رحت لغرفتي و خايفة خاف حاتم ميصدكني
ورة ساعة اجة حاتم و جان كلش عصبي
حاتم: أدديل أددددييل
أديل: بخوف ها
حاتم: صدك انتي مخابرة مهيمن و هيج كايلتله؟
أديل: اي اني
حاتم: وهذا الكلام صح؟
أديل: ما جذبت بحرف حتى اذا تريد اسأل رزان اذا ليان هيج حاجيتلها لو لا
حاتم: اني ليش مااعرف بهذا الموضوع ليش ما حجيتيلي بالاول؟
أديل: خفت...خفت خاف متصدكني
حاتم: اني يا يوم ما صدكتج تدرين بية اثق بيج و احبج بيوم من الايام اذيتج؟
أديل: لا عمرك مااذيتني دومك زين وياية
حاتم: لعد ليش تروحين تحجين للغريب واني متحجيلي
أديل: كمت ابجي سامحني والله ما اعيدها غلطة و متنعاد
كام و طلع و عافني و اني ظليت ابجي مااريد اخسره
حاتم: بعصبية ليييان لج ليييان
ليان: ها حاتم شكو !!
حاتم: هذا الكلام الي سمعته صح؟؟؟
ليان: جذب كلة جذب هاي مرتك اخترعت هذا الكلام اني ما حجيت هيج شيء
حاتم: خلي تجي رزان من الكلية و نعرف الحقيقة
ليان: شنو يعني متثق بية؟؟
حاتم: كلت تجي رزان و نفتهم السالفة
أديل: كعدنا ننتظر رزان و جنت اتمنى تعترف بكلشي و متتستر عل اختها لان راح اروح بيها و اطلع جذابة
اول مااجتي شافتنا كلنا كاعدين ظلت صافنه علينا لان مسطرين و كاعدين
حاتم: تعاي رزان كعدي اريد احجي وياج
رزان: عفت الملازم و الجنطة عل جهه و رحت كعدت يم حاتم بدون مااحجي شيء
حاتم: شوفي حبيبتي راح اسألج سؤال و جاوبيني بصراحة
رزان: هزيت راسي بمعنى اي
حاتم: صحيح ليان كلتلج مهيمن حاول يتحارش بيج و انتي انخطبتي اله غصب؟
رزان: تفاجئت من سؤاله ظليت ساكته بعدين كتلة اي صحيح
ليان: جذذذابة والله جذابة ولج ليش اتجذبين مو اني اختج
رزان: اني مكاعد اجذب انتي اجيتي و حجيتي هيج بلسانج واني صدكتج
حاتم: كمت من مكاني بعصبية ليان انطيني موبايلج
ليان: ليش شتسوي بي؟
حاتم: عطت انطيني موبايلج كلت
ليان: هاك انطيته موبايلي
حاتم: سمعيني عدل موبايل ماكو طلعة من البيت ماكو لحد ما تعقلين و اذا ما عقلتي اتصرف وياج غير تصرف
عفتهم و طلعت
ليان: يمة شنو هل الحجي شنو يعني ياخذ موبايلي و يمنعني من الطلعة خلي يربي مرتة بالاول
حاتم: اني سمعت كلامها لو طكن عندي
ولج هاي عل منووووو كاااعد تحجين ضربتها راشدي و جريتها من شعرها و سحلتها للغرفة شمرتها بالغرفة و قفلت الباب عليها
اخذت المفتاح وياية
لتفتحولها الباب خلوها بالغرفة مثل الجلب خلي تتربى
أديل: ظلت تصيح و تضرب بالباب بس محد اهتم رزان صاحتني حتى افهمها شنو صاير و رحنا لغرفتها
رزان: فهميني شنوو صاير؟
أديل: حجيتلها كلشي
رزان: وليش خابرتي مهيمن و حجيتيله؟
أديل: لان جان يستحق يعرف بهذا الشيء واني اصلا غلطت من ظليت ساكته جوز جان هسه انتوا ما منفصلين
رزان: بس هذا الشيء جان بطلبي و ارادتي
أديل: بس ما راح تلكين احسن من مهيمن رجال و النعم منه يحبج و راح يحافظ عليج
رزان: سكتت ما حجيت شيء
أديل: ها شو سكتي
رزان: مااعرف شنو احجي لان مااعرف مهيمن شنو و اذا صدك شخص موثوق و يستحقني ما صارت فرصة اتعرف علية
أديل: انتي الي ما سمحتي لهاي الفرصة تتحقق دائما جنتي تبعدي عنج
رزان: وين تريدين توصلين بكلامج
أديل: الي اريد اوصله الج مهيمن يحبج و يستحق تنطي فرصة و تبدون من جديد فكري بالموضوع
عفتها و طلعت اتصلت عل حاتم ماكو ميرد ادري زعل مني
رجع بليل و جان ضايج حتى ما تعشى
نزع ملابسة و مدد عل الجرباية و غمض عيونة
تقربت منه و مددت بصفة
حاتم حبيبي...ليش متحجي وياية؟
ما رد علية نمت عل صدرة و هو ما حجة شيء ولا تحرك
تدري بية احبك و مااكدر عل زعلك
ادري غلطت و اعترف بهذا الشيء
حاسبني صيح بس لتظل ساكت
حاتم: أديل تعبان اريد انام درت وجهي و نمت
أديل: درت وجهي عل الجهه الثانية ضجت كلش منه و كعدت ابجي
بدون مااطلع صوت مااريدة يسمعني
ورة ربع ساعة سمعت نفسه قريب مني
حاتم: يعني تدرين بية نقطة ضعفي من تبجين مااتحمل اشوفج تبجين ليش هيج تسوين و قلبي ينمرد عليج
دوري وجهج يلة خلي اشوف كافي بجي
أديل: ظليت ابجي اكثر و ما سمعت كلامة
حاتم: ولج كافي تبجين هاي كلة لان ما حجيت وياج
أديل: سامحتني؟
حاتم: سامحتج والله سامحتج بس كافي بجي
أديل: درت وجهي علية مبتسمة و الدموع عل خدودي
حاتم: مسحت دموعها و بستها من راسها ليش هيج تسوين بية
أديل: وعد بعد مااسوي شيء بدون علمك وانت اول شخص راح تعرف
حاتم: حضنتها حيل تدرين شكد احبج
أديل: ابتسمت لا شكد؟
حاتم: احبج لدرجة كل ثانية تمر واني افكر بيج احبج لدرجة مااكدر اشوفج زعلانة احبج لدرجة احبج لدرجة اتنفسج احبج لدرجة هسه اريد احضنج و ادخلج بين ضلوعي
أديل: ابتسمت و بسته بوسة خفيفة احبك