نبضات القلب♡
للكاتبة رقية_ليث
البارت الرابع
.
.
.
.
تدلل هسه اصيحها
مهيمن: راح يصيح رزان واني انتظر عل احر من الجمر
ورة عشر دقايق دخلت هي و ابوها
شفتها ضعفانة و العيون ذبلانة جان بودي احضنها و اكللها رزانتي ليش هيج ضعفانة و هاي العيون الحلوة ذبلانة
اول ما شافتني تفاجأت يمكن متدري اني الي اجت تشوفة
ابو رزان: بوية عل كيفك وياها لتضغط عليها ترا احنه حاولنا نذكرها بالماضي
بس صارت عصبية و كامت تضرب مكاعد تقبل نذكرها بالماضي
رزان: بهدوء درت وجهي مااريد اظل هنا اريد اطلع
ابو رزان: لا بوية ابقي كعدي احجي وية خطيبخ و حاولي تذكرين و تتأقلمين وية الوضع
رزان: بعصبية اني ما مخطوبة هذا مو خطيبي
مهيمن: رزان اهدي حاولت المسها ابتعدت عني
رزان بس احجي وياج وعد ماالمسج او اتقرب منج بس خليني احجي وياج
شفتها هدأت و كعدت عل القنفة
ابوها اشرلي راح يطلع و اني كعدت عل القنفة المقابيلها
ظلينا ساكتين اني اباوع عليها وهي منزلة راسها
وين حلقتج ليش ما لابستها
رزان: وليش البس حلقة!
مهيمن: غير احنه مخطوبين
رزان: نترت اني ما مخطوبة
مهيمن: هاهية هدئي هدئي اعتبرينا كاعد نتعرف من جديد
رزان: مااريد اتعرف عليك
مهيمن: ليش هيج تكرهيني؟
رزان: لان....لان مااريد اتعرف عليك ما حبيتك
مهيمن: تنهدت متحبيني يعني!؟
رزان: لا مااحبك مااريدك
مهيمن: رزانتي ترة اني والله احبج شلون اعوفج
رزان: اسمي رزان مو رزانتي
مهيمن: استغفرالله شوف اني وين احجي وهي وين تحجي
رزان: راح اكوم كافي مليت و بعد لتجي و تظل تكول مخطوبين اني ما مخطوبة
مهيمن: راحت و عافتني و اني طلعت بدون مااسلم عليهم
رجعت للبيت شفت ابن عمي مجتبى عدنا
كاعد هو و ابوية يسولفون سلمت و كعدت وياهم
مهيمن: شبيك شو مبين عليك تعبان؟
مجتبى: والله مهيمن طلكت مرتي
مهيمن: ﻻ صدك تحجي؟!!
مجتبى: اي والله
مهيمن: ليش شنو السبب ما صارلكم سنتين من متزوجين
مجتبى: يمعود ضجت منها كل يوم مسويتلي مشكلة كالت امك كالت اختك ابوك هيج اخوك هيج اني وحدي اشتغل بالبيت محد يساعدني طلعني بيت وحدي مليت من اهلك
خبلتني كل يوم متعاركة وية واحد بالبيت وكل يوم زعلانة و طالعة من البيت و تروح لبيت اهلها تاليتها هيج نهايتنا واني هم تعبت وياها اريد ارتاح
مهيمن: والله مااعرف شنو اكلك ان شاء الله تلكة بنت الحلال الي تريحك
مجتبى: والله بعد التجربة الاولى الظاهر غلقنا هذا الموضوع
مهيمن: لايمعود كول يالله
مجتبى: انت شلونها سالفتك؟
مهيمن: اوووف يا سالفتي اووف والله مااعرف بس الاوضاع متبشر بخير مكاعد تتقبلني ابد
مجتبى: تهون...ان شاء الله تهون و ترجع المياه لمجاريها
يلة اني اترخص اريد اروح ارتاح لان تعبت هاي الفترة
مهيمن: الله يعينك
مجتبى: يلة مع السلامة
مهيمن: الله وياك
حنين: رجعت من المدرسة شفت سيارة ابن عمي مجتبى هذا شجابة عدنا اول تالي
دخلت للبيت هو طلع
مجتبى: هلو حنونة شلونج؟
حنين: زينه الحمدلله انت شلونك؟
مجتبى: الحمدلله
حنين: راح طلع و عافني اول ما دخلت شفت مهيمن كاعد يصعد لغرفته صحته مهيمن...مهيمن
مهيمن: ها خير صاير شيء؟
حنين: مجتبى ابن عمي شعندة عدنه؟!
مهيمن: اجة هيج يشوفنا غير
حنين: شعجب منا من الشيطان..شعجب مو بالشغل ادري بي هو هيج وقت بالشغل!
مهيمن: مو طلك مرتة و ما طلع للشغل تعبان
حنين: انصدمت طلك مرتة!!!
مهيمن: اي والله اني هم انصدمت من سولفلي
حنين: يمعود هو صعب مينجرع اكيد ضاجت منه
مهيمن: ولج شبي مثل الوردة خطية هي مخبلته
حنين: يمعود ولا اهضمة
مهيمن: هو انتي يا يوم هضمتي واحد
حنين: غير همه مينهضمون...رزان شلونها؟
مهيمن: اووف يا رزان لحد الان سالب صفر ماكو تطور للاسوء
حنين: راح ترجع للدوام؟
مهيمن: اني سمعت تأجل السنة بس الظاهر راح ترجع ميريدون يخلوها كاعدة بالبيت خلي تختلط شوية بلكت تصحى عل نفسها
حنين: اكيد ما راح تعيفها بحالها بالكلية
مهيمن: اكيد تعرفيني زين...يلة اني راح ابدل و اروح للمحل
حنين: صعدت لغرفتي شفت موبايلي مكالمتين من حبيبي
ابتسمت و خابرته كعدنه نسولف لحد ما غفيت بدون مااحس عل نفسي
أنت تقرأ
نبضات القلب
Romanceهل حقا يمكن للانسان ان يمحو كل شيء من ذاكرته؟! هل هذا الشيء بأرادته لنسيان الماضي! ام شيء خارج أرادته!؟ هل يمكن ان ينسى اهله و اقاربه و حبيبه بهذه السهولة؟! هل يمكن ان يتقبلنا كالسابق ام يعتبرنا غرباء؟! هل سوف يتصرف معنا بعدوانية؟ هل سوف يحبنا كال...
