نبضات القلب♡
للكاتبة رقية_ليث
البارت الثاني عشر
.
.
.
.
.
.
رزان: انصدمت انخطبت لمنو!!!
ليان: لابن خالتي سرمد
رزان: شنوووو لسرمد؟!
ام رزان: اي شبيج انصدمتي هو خوش شاب ادب و اخلاق و نعرفة بعد شكو
رزان: ﻻﻻ مستحيل مااتزوجة
ام رزان: وليش متزوجي؟
رزان: مااعرفة اصلا بس من طلعنا شفته و تعرفت علية
ام رزان: اي بالخطو بة تعرفي علية
رزان: لا مااريد اتزوج هيج اريد اتزوج من شخص احبة
ليان: شستفاديتي من قصص الحب
رزان: انتي بالذات تسكتين مااريد اسمع كلامج
من هسه اكلكم مااريد اتزوج و هذا الموضوع مااريد ي1نفتح مرة ثانية و لا اي شخص يعرف بي
عفتهم و رحت للغرفة تمنيت لو ما نفصلت عن مهيمن جان هسه هو خطيبي ومحد يكدر ياخذني منه
ردت اتصل بي و اكلة بس بعدين تراجعت خفت من ردة فعلة
بقيت ساكتة و ما حجيت شيء احسن بالليل اجت أديل وماكو غيرها اكعد احجي وياها
رحت لغرفتها لكيتها ما موجودة بعدين طلعت بغرفة جهالها كاعد تنيمهم
رزان: هلو أديل شلونج
أديل: هلو حياتي بخير وانتي؟
رزان: مو زينه
أديل: ليش شبيج!!
رزان: من ينامون الجهال تعاي لغرفتي اريد احجي وياج
أديل: اي تدللين
رزان: رحت لغرفتي و كعدت انتظرها شوية واجت
أديل: ولج خير خوفتيني
رزان: تعاي كعدي حتى اسولفلج كعدت يمي و سولفتلها كلشي
أديل: وليش هيج خايفة اذا انتي ما موافقة علية محد راح يكدر يجبرج
تزوجي
رزان: خايفة من ليان خاف تسوي شيء او امي تقنع ابوية عل هذا الزواج
أديل: لتخافين ما راح يصير هيج شيء بعدين انتي اذا بديتي تحبين مهيمن ليش متكليلة يجي يخطبج و تخلص السالفة
رزان: مااعرف ما متأكدة من مشاعري تجاه
أديل: لج كل هذا و ما متأكدة من مشاعرج لعد شتسوين
رزان: ابتسمت يعني برأيج احبة؟
أديل: شيء اكيد تحبي وهو معروف بعد مو بس يحبج يعشقج و هايم بيج
حاتم: ولج أديل صارلي ساعة انتظرج بالغرفة و تاليتها ادور عليج الكاج كاعد تسولفين وية رزان واني كلت هسه تجي مشتاقتلي
أديل: ضحكت هو نص نهار غبت عنك شبسرعة اشتاقيتلي
حاتم: غير اني مااكدر بدونج بس انتي متحسين و ضاربتها هنا سوالف
صدك شو اول ما دخلت وجوهجن جانت متبشر بخير شكو
دخلت للغرفة و سديت الباب
شكو احجن؟ صاير شيء؟
رزان: حجيت كلشي لحاتم
حاتم: لتخافين محد راح يجبرج عل شيء اني وياج شتقررين اني وياج
اذا جنتي تريدين تتزوجين سرمد او لا اني وياج ومحد راح يكدر يسويلج شيء اني موجود
رزان: حضنته اشكر ربي لان انطاني اخو مثلك
حاتم: وهسه عيني استأذن واخذ مرتي منج
رزان: اخذها عيني مرخوص
حاتم: لا هم رايدلج مترخصيلي اخذها
رزان: ضحكت
أديل: حاتم شكد عيب والله اخجل
حاتم: دمشي امشي اني مو رجلج من شنو تخجلين
رزان: ظليت اضحك عل سوالفهم وافكر هم راح يجي يوم اني و مهيمن راح نصير بي هيج
كتبتلة رسالة عجبك العطر؟
مهيمن: جنت كاعد ادخن بالحديقة واجتني رسالة من رزان ابتسمت من شفت الرسالة و كتبتلها كلش عجبني راح اكوم اشتري منه دائما
رزان: فرحت لان حبيته
مهيمن: واني فرحت لان فرحتي
رزان: دائما تخجلني بكلامك
مهيمن: واني احبج اكثر من تخجلين
رزان: شوكت تبطل رومانسية و غزل؟
مهيمن: ماابطل للموت حتى واني ميت اجيج بالحلم اتغزل بيج
رزان: لتحجي هيج اضوج لتجيب طاري الموت
مهيمن: ليش تخافين علية؟
رزان: اكيد
مهيمن: يعني تحبيني؟
رزان: ماادري
مهيمن: استغفرالله مو راح اطك مرارتي وانتي بعدج متدرين
رزان: راح اروح انام تصبح عل خير
مهيمن: كالعادة هيجي مشاعري و روحي
أنت تقرأ
نبضات القلب
Romanceهل حقا يمكن للانسان ان يمحو كل شيء من ذاكرته؟! هل هذا الشيء بأرادته لنسيان الماضي! ام شيء خارج أرادته!؟ هل يمكن ان ينسى اهله و اقاربه و حبيبه بهذه السهولة؟! هل يمكن ان يتقبلنا كالسابق ام يعتبرنا غرباء؟! هل سوف يتصرف معنا بعدوانية؟ هل سوف يحبنا كال...
