نبضات القلب

البارت(3)

نبضات القلب♡

للكاتبة رقية_ليث

البارت الثالث
.
.
.
.
.
مهيمن: تحجي واني صافن عليها ما جنت متوقع تحبني جنت اشوفها كأخت و صديقة لا اكثر و لا اقل ليان بس اني....
ليان قاطعته: متحبني مووو متحبني!!
مهيمن: ليان شبيج نصي صوتج الطلاب كلها تباوع علينا ترا احنه كاعدين بالكلية حسي عل نفسج
ليان: رزان تنساها متخطبها افتهمت متخطبها مستحيل مااسمحلكم ترتبطون كدام عيني مااسمح بهذا الشيء
مهيمن: كامت و كاعد تمشي جريتها من ايدها حيل شبيج انتي تخبلتي شنو هل الكلام و الحقارة الي عندج
ليان: شتريد تكول كول حقيرة انانية اي اني هيج احبك و مااريد وحدة غيري تأخذك
مهيمن: بس اني وياج مجرد اصدقاء ماكو شيء بيناتنا و اني ما وعدتج بأرتباط او زواج حتى تجين تحاسبيني
و خرت ايدي منها و عفتها امشي بعصبية و مااشوف شيء كدامي
رجعت للبيت عصبي امي شافتني تفاجئت لان اجيت بهيج وقت
ام مهيمن: ها يمة شو راجع من وكت اليوم؟
مهيمن: ما جاوبتها عفتها و صعدت للغرفة
بقيت افتر حاير منين طلعتلي هاي المصيبة
دخلت عل حساب ليان بالفيس دخلت عل الاصدقاء و بحثت عل حساب رزان
بقيت بالنص ساعة ادور بعدين لكيته دزيتلها طلب
و دزيتلها رسالة عل الخاص
"مرحبا رزان اني مهيمن ردي اريد احاجيج بموضوع"
انتظرت ترد ماكو ظليت افتر بالغرفة و لزمت الموبايل بيدي
كل ساع اباوع ماكو ما شافت الرسالة
جنت مدد عل الجرباية و مغمض عيوني و افكر برزان

اجتي رسالة للموبايل نطزت من الجرباية و اخذت الموبايل
شفتها رسالة من رزان ابتسمت
"هلو مهيمن اسفة لان تأخرت بالرد بس جنت بالكلية"
قريت الرسالة و اتصلت عليها
رزان: الو
مهيمن: شلونج
رزان: الحمدلله انت شلونك؟
مهيمن: تنهدت وكلت مو زين التفكير راح ياكلني اكل
بقت ساكته ما ردت الوو رزان موجودة
رزان: موجودة
مهيمن: ليان شلون عرفت اني راح اخطبج؟!
رزان: اني فاتحت اهلي بالموضوع وهي عرفت بس....وسكتت
مهيمن: بس شنو ليش سكتي؟
رزان: تنهدت امي....امي ما وافقت تريد اتزوج واحد مسيحي لان كل كرايبنا متزوجين من نفس الديانه
مهيمن: بقيت ساكت بعدين كلت...اني هم نفس حالتج امي ما قبلت اخذ وحدة من غير ديانه بس وعد مني وعد راح اخطبج و تكونين اليه و محد راح يكدر يفرقنا وعد مني

مو اني الي اوعد وحدة و اخلف بوعدي
اني احبج و مستحيل اعوفج
رزان: راح ابقى انتظرك وعد...يلة اني راح اروح باي
مهيمن: اندكت الباب دخلت حنين
حنين: تفاجئت من امي كلتلي اجيت من وكت
مهيمن: رجعت شعري ليورة و كعدت لازم اشوف حل اخطب بي رزان
حنين: خليها كم يوم وامي تهدء و ارجع افتح الموضوع من جديد
مهيمن: المشكلة مو هنا المشكلة امها هم ما موافقة عن الموضوع 
حنين: تفاجئت يااا صدك يحجون هاي شبيهم يعني شنو الفرق بس اريد افتهم
مهيمن: مااعرف شلون يفكرن بس لازم اشوفلي حل لازم اني وعدتها اخطبها ولازم انفذ بوعدي
حنين: اني اكلك انت متفيدك غير نرجس هي تحل السالفة هسه اتصل عليها
رحت لغرفتي اخذت موبايلي و رجعت لغرفة مهيمن
اتصلت عل نرجس و حطيته مكرفون
نرجس: ها ولج حقيرة هسه تذكرتي عندج اخت شعجب اتصلتي
حنين: شبيج اكلتيني و شربتيني واحد يسلم بالبداية
نرجس: اسفين عيني السلام عليكم شلونج عيني
حنين: هسه دسكتي و سمعيني عدل
نرجس: اي كولي كلي اذان صاغية ولج بس لا مسويتلج مكسورة
مهيمن: هسه غير تسكت و تسمعنا
نرجس: هلا والله مهيمن أفندي موجود....طلعت العائلة كلها مجتمعة
مهيمن: شلونج ولج ام لسان
نرجس: والله يا خوية راح اشيب غير نسيبك مشيبني
مهيمن: وانتي متكعدين راحة مو زين متحمل خبالاتج ولج
نرجس: عل الاقل احترموني اختكم الجبيرة
مهيمن: هل كلاوات اختكم الجبيرة متمشي علينا
نرجس: ادري بيكم انذال...ما كتولي شنو هل الحنية الي نزلت عليكم و اتصلتوا و مجتمعين ثنينكم يعني اكو فد مشكلة واني لازم احلها