نبضات القلب♡
للكاتبة رقية_ليث
البارت السادس
.
.
.
.
.
دورت عليها الكلية كلها ماكو اختفت اخر شيء شفتها
كاعدة وحدها بنهاية الحديقة و صافنه
شكاعد تسوين هنا؟
من حجيت وياها فزت
رزان: شكاعد تسوي هنا؟
مهيمن: اجيت اشوفج
رزان: اني مو كتلك مااريد اشوفك و حجيتلك كلشي عل الموبايل اتمنى تستعجل بالموضوع
مهيمن: كعدت يمها ليش كاعدة هنا وحدج و منعزلة عن باقي الطلاب
رزان: هذا شيء ميخصك
مهيمن: تعرفين اول مرة شفتج ما كدرت اوخر عيني عنج مااعرف اكو شيء جذبني بيج جنتي هادئة كلش و تجين مرات تشوفين ليان و اني موجود يمها لان جنه اني وياها اصدقاء كلش مقربين
سكتت ما حجت شيء اني سكتت شوية و بعدين رجعت كملت
ظليت الحكج وين متروحين و حتى اعترفتلج بحبي بس انتي رفضتيني
لحد بيوم من الايام رحنا للمطعم احنه مجموعة طلاب و انتي اجيتي وية ليان و هناك هم رجعت اعترفتلج مرة ثانية بهاي المرة صدمتيني و كلتيلي اذا تحبني و تريدني تعال اخطبني من اهلي و طبعا اني فرحت
بس كالعادة فرحتي ما كملت امي ما وافقت اتزوج وحدة مسيحية و بقيت احاول اقنعها و من اقتنعت و خطبنا صار الحادث المشؤؤم و فقدتي ذاكرتج
رزان: جنت احبك؟
مهيمن: اكثر مما تصورين جنه واحد متعلق بالثاني حتى شوفي طلعت موبايلي من جيبي و دخلت عل محادثاتنا
و انطيتها الموبايل اخذت الموبايل و كعدت تقرا المحادثة
تقرا و مصدومة
رزان:لا لا لا مستحيل هاي مو اني مو اني
مهيمن: ظلت تصيح و تكول مو اني بعدين حسيتها شلون الداخت خلت ايديها عل راسها و تصيح مااعرف شصار بيها بسرعة شلتها و اخذتها للمستشفى
وهي مستمرة تصيح
وصلنا للمستشفى و همزين جان دكتورها موجود
انطاها ابرة مهدى يلة هدئت و كدرنا نسيطر عليها
مهيمن: دكتور شبيها ليش هيج صار بيها فجاءة؟
الدكتور: حجيتولها شيء يخص الماضي يعني حاولتوا تذكروها؟
مهيمن: سكتت بعدين كتلة اي قبل شوية حجيتلها شلون تعرفنا و شوفتها محادثاتنا
الدكتور: هاي الحالة طبيعية من حجيتلها شيء يخص الماضي صار عدها تضارب بالذكريات بدت تذكر شوية شوية بس عقلها رافض هذا الشيء او الاصح هي رافضة تذكر هيج شيء
مهيمن: يعني رجعت ذاكرتها؟
الدكتور: لا ما رجعت بس انت الي حجيته الها خلاها تذكر شوية من الماضي بس هي الظاهر رافضة تذكر و ما كاعد تتقبل هذا الشيء
مهيمن: حالتها هسه شلونها؟
الدكتور: لتخاف هسه تستقر مابيها شيء هذا الشيء طبيعي نتيجة تذكرها شغلات من الماضي
مهيمن: زين من تكعد راح تذكر هاي الذكريات الي تذكرتهن؟
الدكتور: مجرد مقتطفات لا اكثر و لا اقل
مهيمن: راح الدكتور واني بقيت كاعد يمها مااعرف شنو احجي ظليت ساكت اباوع عليها و اتمعن بتفاصيلها
تمنيت لو متذكرة كلشي و متذكرتني
بقينا بالمستشفى تقريب الساعة سمعت صوت موبايل
انتبهت موبايلها كاعد يدك طلعته من الجنطة شفت مكتوب حاتم
رديت علية
حاتم: الوو رزان وينج؟
مهيمن: الو حاتم اني مهيمن
حاتم: مهيمن!!
رزان وين و موبايلها ليش عندك؟
مهيمن: حجيتلة الي صار و كتلة هسه احنه بالمستشفى انتظرها تصحى
حاتم: خرب مهيمن شلون تسوي هيج شيء و تدري بيها مكاعد تتقبل نذكرها بأي شيء مو احنه حجينا و كلنا من نذكرها تصير عصبية
مهيمن: ما جنت متوقع هيج كلت بلكت تتقبل و متصير عصبية
حاتم: وين انتوا بيا مستشفى؟
مهيمن: نفس المستشفى الي تعالجت بيها
حاتم: جايكم بالطريق اني لتطلع
مهيمن: نص ساعة و اجة حاتم
حاتم: ها لساعها ما صحت
مهيمن: لا
حاتم: مهيمن لتعيد هاي الغلطة مرة ثانية
مهيمن: شلون لعد نخليها هيج عايشة بفراغ كلشي متتذكر
حاتم: اذا نذكرها وهي رافضة حالتها راح تصير للاسوء
مهيمن: بس مكاعد اتحمل رفضها اليه و فوك هذا تريد نفصخ الخطوبة
حاتم: شوف مهيمن اني احبك و احترمك و ادري بيك تحبها بس اذا هي جانت تريد تفصخ و تنهي كلشي و هذا راح يخليها احسن فأني اوكف وية اختي
مهيمن: انصدمت من كلامة يعني انت موافق نفصخ الخطوبة؟
حاتم: كتلك اذا اختي تريد هذا الشيء اني اوكف وياها رغم ادري بيك تحبها بس بعد هي مو من نصيبك
مهيمن: ما تحملت كلامة حسيته يضغط علية طلعت برة الغرفة كعدت انتظرهم
صحت رزان و فحصها الدكتور شافها ما بيها شيء كتبلها ادوية جديدة و طلعنا
راحت وية حاتم واني رحت للمحل
الطريق كلة افكر بكلام حاتم يعني معقولة ينتهي كلشي بهاي السهولة
أنت تقرأ
نبضات القلب
Romanceهل حقا يمكن للانسان ان يمحو كل شيء من ذاكرته؟! هل هذا الشيء بأرادته لنسيان الماضي! ام شيء خارج أرادته!؟ هل يمكن ان ينسى اهله و اقاربه و حبيبه بهذه السهولة؟! هل يمكن ان يتقبلنا كالسابق ام يعتبرنا غرباء؟! هل سوف يتصرف معنا بعدوانية؟ هل سوف يحبنا كال...
