အခန်း ၈
"အာ အဲ့လိုပြောကြေးဆိုရင် ဟိုတစ်ခေါက် ကိုယ့်သားကိုပြန်မုဒိမ်းကျင့်တဲ့ လူက ပိုပြီးတော့ အပြစ်ကြီးတာပေါ့ ။ အဲ့လိုကတော့ မဟုတ်သေးပါဘူးကွာ အောက်သားတွေကလည်း တစ်ခါတစ်ခါသောက်ရမ်းမျက်နှာလိုက်တာပဲ ။ "
ခန်းမထဲ၀င်လာတာနဲ့ အော်ကြီးဟစ်ကျယ် တစ်ယောက်တည်း စကားပြောနေတဲ့ ဒါအီ ကိုတွေ့ရသည် ။ သူက အခုလည်း အဲ့ဒီငရဲပြည်ကနေ တိုက်ရိုက်ထုတ်လွှင့်ဆဲ အပြစ်ဒဏ် ဆုံးဖြတ်တဲ့ အခမ်းအနားတွေကို ကြည့်နေပြန်ပါပြီ ။
"ကိုးလ် ထူးထူးဆန်းဆန်း ဘာလာလုပ်တာလဲ ? လာထိုင်လေ ။ အတူတူလာကြည့် ။ "
ဒါအီက ထိုင်နေရာမှ ဟိုဘက်ကို နည်းနည်းတိုးပေးတယ် ။ သူမကို လာထိုင်ဆိုတဲ့သဘောနဲ့ ဆိုဖာကို ပုတ်ပြတယ် ။
မြင်နေရတဲ့ ဖန်သားပြင်ထဲမှာ လူတစ်ယောက်ကို လက်နှစ်ဖက်နဲ့ ခြေထောက်နှစ်ဖက်လုံးမှာ ကြိုးနဲ့ဆွဲထားသည် ။ လူက လေထဲမှာ တန်းလန်းမြောက်နေသည် ။
ခဏအကြာမှာပဲ ကြိုးချည်ထားတဲ့ တိုင်တွေက လေးဖက်လေးလံမှာ ရွေ့လျားပြီးတော့ ထိုလူက ဆွဲဖြဲခံရသလိုဖြစ်သွားတဲ့အခိုက်အတန့်မှာ ကိုးလ်က မကြည့်နိုင်တာကြောင့် မျက်နှာလွဲဖြစ်လိုက်ရသည် ။ သူမက ချက်ချင်းဆိုသလို ကြက်သီးတွေတဖြန်းဖြန်းထလာတယ် ။
"ဒါအီ အဲ့တစ်ယောက်က ဘာလုပ်ထားတာမို့လို့လဲဟင် အဲ့လိုအပြစ်ပေးခံရတာက .... "
"အာ.... ဒါတောင်နည်းသေးတယ် ။ အဲ့ခွေးသူတောင်းစားက အဲ့လိုမျိူးကို အခါတစ်သိန်းလောက်ခံသင့်တာ ၊ ငရဲပြည်မှာ သူ့ပစ္စည်းကို ဓားနဲ့နှုတ်နှုတ်စင်းပြီး အပြစ်ပေးမဲ့နေရာပါ ထပ်တိုးရမှာ ..."
"ဘာလို့လဲ ? "
" သက်ငယ်မုဒိမ်းလေ ။ ကလေး သုံးဆယ့်နှစ်ယောက်ကို မုဒိန်းကျင့်ခဲ့တာ အဲ့ဒီခွေးသားက ။ "
"အင်း ခံရသင့်ပါတယ် အဲ့တာဆိုရင်တော့ ။ "
ဒါအီက ငရဲပြည်ရဲ့ အပြစ်ပေးခန်းတွေကို တော်တော်စိတ်၀င်စားတဲ့လူ ၊ တကယ်ဆို အဲ့ဒီတိုက်ရိုက်လွှင့်တာကို ကြည့်ရအောင်လိုင်စင်ရဖို့က တော်တော်ကိုခက်တာ ။ ကိုးလ်တို့လိုမျိုး စောင့်ရှောက်သူတွေဆီမှာ အိပ်မက်တောင် မမက်နိုင်တဲ့အရာပေါ့ ။
YOU ARE READING
COE (၁၉+)
RomanceCOE : Rewrite the stars This love is worth , no matter what to give up . The story explained ! [Only read this when you are 19 or above ]
