الحاجة زنوبة كان صدرها واصل لركابيها جات هازة قصرية كسكسو حتا دخلات بنتها و وجهها باين فيه محاملة حد..
زنوبة حطات لقصرية: مالك اهاد لمسرحة اش واقع ياكما لمتيحان
وئام: وااااااا لبزول ا مي و لبزووووورل
باها دفل كسكسو: اوااا الله يخليك بلخلا مبقيتي تحشمي
وئام تصدمات مشافتش باها لي كان جالس طلعات لبيتها تتجري
زنوبة جلسات حدا ميمونها: لبنت خصنا معاها شي حل حتا قبيلتنا تيتزوجو غا لي عندهم لبزول و هيا معرفت لمن خرجات
قدور: والله ا زنوبة الا داكشي فاش تنفكر كيغنديرو نزوجوها وهيا هاكا ولكن شبهات لعمتها السعدية حتا هيا واااالو
زنوبة تتمضغ: اوا نتوما فاميلتكم ميجي من موراها غا تمارة اما كون شبهات لنا حنا شوف (تتبندر)
قدور: اوا ا لالة هيا موافياش بحالك كون عندها بزولك مغتقدرش مزال تمشا راه خصها لي يقد معاها
زنوبة تتلحس صباعها: و مالها متوفاش هاه مقابلة الستيلو حتا شبهات ليه
قدور تسند: ولكن انا غانشوف لالة زاينة هيا لي غاتعطينا شي عشوب و ديريهم ليها
زنوبة: لالاااك زاينة هانتا لقيتيها
وئام تتسمع من حدا باب بيتها و رجعات جلسات: لخرا الا شربت شي عشبة واش بغيتو تبزلوني بزز
بدات تتبكي و تتمرغ فنموسيتها..
علاء عرقان دوش فالنادي و خرج مع صحابو..
علاء: واش الا بقيت هاكا كتضنو غانرجع عضلاتي؟
فادي: واييه و ديك نرمين غاتفقسها غير نتا تبعنا و تفرج
علاء: شكرا بزاف انا تالف و نتوما لي تقدرو تعاونوني
الصحاب تعانقو و مشا علاء بطوموبيلتو..
غالي: كتضن هادشي غايقاد لو لفورمة
فادي: اوديي ممتاكدش خصو وقت بزاف و هو زربان قالك بغا يرجع ليها قبل ما تتزوج و تضيع منو
علاء دخل للشقة ديالو لي عامرة بالمخططات و لبلانات..
علاء: اش طفرتو بهاد الهندسة د لويل
جمع لبلانات خشاهم فواحد الركنة و تكا قدام التلفزة : واخا ا نرمين الا ما وريتك بلي نقدر نرجع فورمتي منكونش انا علاء
