علاء شد وئام من ذراعها تخلعات حتا من ورقة لعشوب طيحاتها شافت فعينيه داخت و هوا عينيه على بزولها مخرجهمو لعروق خارجين فجبهتو..
وئام شداتها السخفة هاد الزين ماعمرها تلاقات بيه فلافاك ولا فالزنقة منين و كيفاش و علاش..
وئام حالة فيه فمها..
علاء: جرها بذراعها و هيا ماحاضراش و دخلها للطوموبيل حتا ضرب بالباب عاد فاقت شافت من الزاج و شافتو جايب الدورة يدخل و بدات تتضرب فالزاج..
وئام: اويلي شكون نتااا اش بغيتي راه شبهتليك لشي وحدة اناري واش تنحلم خرجني من هناااا
دخل علاء للطوموبيل و دماغو غاينفاجر..
علاء: واش انا فينما نمشي نلقاهم هاه واش مبغيتوش تحشمو ياك
وئام مفاهماش علاش داوي ديمارا بيها و هيا تتغوت و تضرب الزاج..
نرمين بدات تتفقيه ف بيت هند هزات تلفونها مكاين حتا مساج من كريم تفكرات داكشذ كامل لي وقع شداتها الهستيرية و لغوات..
جات عندها هند : واصافي تهدني اصاحبتي تهدني واش غاتبقاي تنعسي بالدوا باركة كان غا مطمعك حتا نتي غا مدرمة
نرمين جالسة تتمسح دموعها: لي بقا فيا هو علاء انا صدرتو على قبل واحد ميسواش
هند: اوا اختي رجعي ليه هوا مزال تيبغيك مغيقدرش ينساك بسهولة و شفتو تبدل حتا فورمتو تقادات رجع كيكان و احسن و هو مهندس و فاميلتو لاباس عليها مالك حمقة
نرمين: مغيقبلش عليا علاه غاينسا لي درت ليه و بلي دخلت للدار د كريم ميمكنش (نفاجرات بلبكا)
هند: شوفي نتي غاتغريه عارفة بلي جسمك تيعجبو من بعد حتا الا متزوجكش تكوني حاملة منو و هاكا مغيفرطش فيك
نرمين عضات فشفتها: واقيلة عندك لحق.. علاء من ديما كان تيبغيني و انا عارفة كيفاش غانرجعو
زنوبة عيات ماتتسنا فالشرجم حتا سمعات لحس و دخل قدور عندها: فين لبنت؟؟
زنوبة: سيفطتها للسويقة و صكعة باقي مرجعات والله اخويا حفاو ليا مع هاد لبنت هبط هبط شوف كيتدير ردهم و قوليهم يرجعو بعد ثلثيام
قدور: ك..
زنوبة: غبببببر
قدور هبط عند الشيخ لي طرمتو لصقات بالسداري من كثر لجلاس و بلار داه النعاس فوق المزوود و بيهي جاتو الحكة بكثرة لحلوة..
قدور: اوا سمحولينا اسيادنا لقينا لبنت مريضة بزاف فيها لوجع داكشي لي قالت امها ماقاداش تنوض سمحولينا ممكتابش ليوم تقدرو ترجعو بعد شي يامات نيت تبرا
بيهي : واخا اسيدي يالاه خلينالكم الراحة
الشيخ فيق ولدو بواحد لقرصة فاق و داه و هو دايخ بالنعاس..
زنوبة هبطات عند قدور معصبة..
زنوبة: شفتي اش دارت بنتك اوا الا مارجعو انا لي غاتدي ليهم قوالب السكار اوا تسناها ترجع..
