نرمين فاقت فالبيت ديال كريم لي مكانش ناعس حداها و بقات تتجبد حتا سمعات شي صداع على برا ناضت ب بينوارها و خرجات.. لقات كريم تيلبس سبرديلتو و حاط حداه الفاليزات و على الطبلة الباسبور و بسطامو..
نرمين قربات جلسات تتحاك معاه: فقتي بكري ماقلتيهاش ليا باش نوجد ليك لفطور ههه
كريم بشوية عليه حتا حيد ذراعها من بين كتافو و بتاسم: انا صايم ليوما
نرمين جمعات الضحكة: ههه صايم؟؟ و مقصر معايا الليل كامل زوين عندك هاد صيام ههه
ناضت تتخوي من الويسكي لي بقا من لبارح..
كريم دار رجل على رجل و شبك صبعانو: امتا ناوية ترجعي لداركم؟
نرمين دارت مستغربة: كيفاش؟
كريم: ااه ترجعي لداركم علاه معندكمش الدار
نرمين جمعات عينيها مع الطبلة بان ليها لباسبور و الفاليزات جنب لحيط..
نرمين: كريم فين غادي؟
كريم وقف و قرب منها بشوية: غادي لدارنا ياك قلتهاليك لبارح
نرمين : ولكن لبارح كنتي سكران مديتش على هضرتك
كريم: ايوا راني ا حبي متنسكرش من يامات المراهقة وانا تنشرب و دارنا كلهم تيدوزو الدواز بالشراب فهمتي
نرمين تترمش: كيفاش انا مفهمتش واش غاتمشي و ترجع ولا كيفاش ياك تافقنا تديني معاك و لوراق متصاوبوش و حتا الزواج مدويناش فيه
كريم تيشوف فيها بنظرات مستغربة: دابا علامن تتضحكي؟ واش انا نتزوج بوحدة بحالك؟
نرمين عينيها تيلمعو: ولكن.. و داكشي لي وقع بيناتنا و هاد ليامات لي دوزنا
كريم: اااش وقع انا غا واحد من بين لي سبقو بيك احسابليك انا هو علاء
كريم جبد من بزطامو شي فلوس مطويين ولاحهم ليها فوق الطبلة: هادو تاع الطاكسي و غير حيت بقيتي فيا اما خلاصك خديتيه ملي دخلتك لهنا ونتي مكحطة.. دابا هزي سليباتك و ضربي لباب
نرمين محساتش هزات يدها جمعاتها معاه بطرشة..
كريم دار يدو على خدو و جمع فمو تيحرك فراسو هز لفلوس رجعهم لبزطامو و شدها من شعرها تتغوت و خرجها مع لباب لاحها بالجهد حتا طاحت على وجهها لخنونة تخلطات ليها مع الدموع..
جا العساس تيجري بغا يعاونها..
نرمين تجرحات فجبهتها: بعددددد منيييي بعد مني غانقتلووووو غااانقتلوووو كريييييم ولد لحرام غانقتلك خرج لعندي هنا..
كريم تيشوف فيها من الشرجم مبتاسم: قالت لك نتزوج بيها.. لواسعة لخرا
نرمين هزات بينوارها تتعفط فجلايلها حتا طاكسي مبغات تهزها ضرباتها بالرجل حتال درب النواورية حدا السقاية لقديمة فين ساكنة هند..
هند حلات لباب طاحت عليها سخفات..
هند: نرمين هادي نتي اناري شكون دار ليك هاد لحالة اويلي زيدي زيدي..
وئام باقة بصايتها و تيشورتها مخلية لبوط و صدرها مبندر بالبونج..
دخلات زنوبة: مزيااااان ملي باقة بحوايجك
وئام لي تتطل من الشرجم تلفتات.. خشات ليها زنوبة ورقة فيدها و خمسين درهم..
وئام: اشهادشي (بغات تحلها)
زنوبة: الااا متحليها حتال السوق و متنساي حتا حاجة
وئام رجعات لبسات سبرديلتها وخرجات لقاتها سبة باش تتمختر تاني فالزنقة..
