كلشي نشط و كلشي فرح سروال لعروسة خرجوه يشطحو بيه و دراري لاعبين و احواش..
خرجات زنوبة معمرة ميكة د دجاج و لخبز هازة قشابتها..
وئام تابعاها من اللور هي و قدور حتا وقف عليهم الشيخ و ولدو تيطل من موراه حشمان (باينة لحشمة عل وجه الطراح)..
قدور جا عندو : اوا ا سيد الشيخ خليناليكم لهنا
الشيخ تيطل على وئام: اوا ا سي قدور لهنا هوا لي غيكون من هنا لقدام بيناتنا و ماتعرف نكونو كاع نساب هههههه
قدور ممتيقش راسو ضرباتو التلفة: كك ك كيفاش؟
زنوبة تقدمات تتضرب فصدرها: هادشي خليه على حسابي اسيد الشيخ علاه ولد الشيخ رخيص علينا (تلفتات تتغمز قدور)
وئام تتفرج فيهم و مرة مرة تجبد تلفونها تطل واش علق ليها شي حد على تصويرتها بالقفطان و البونج..
مسمعات حتا كلمة من هضرتهم و معرفاتهم كاع علاش داويين..
ركبو الطرونزيت و قدور ماقاداه فرحة تيهز فيديه و يشير للشيخ..
بلار: لواليد عرفتي الا ديت وئام غانهرس بيها كاع لكركاع و اللوز لي فلبحيرة باش نوريها ماتتحملش لغبابر
الشيخ بتاسم: انا لي عليا غانزوجها ليك ونتا ديك الساعة حرث بيها حتا جنان الكرموص
الشيخ قاد سلهامو و مشا و خلا بلار بابتسامتو الخبيثة..
علاء ناعس ف فراشو و صاحبو غالي جالس حداه تيكمد ليه بالثلج..
غالي: ياك قلتليك متسواش عطيها التيساع واش معندك نفس
علاء: ااييي بشوية.. و علاش انا تنتريني و ناخد لبروتين علاش.. صدقات متسواش لهاد الدرجة اايي
غالي: واييه تتدير عليك شريفة دابا خصك تعطيها التيساع و تديها فصحتك
علاء: لا ا خويا غانديها فصحتي ولكن غاتبقا تابعها حتا تخلص هادشي لي دارت بيا..
وئام مسرحة فوق نموسيتها تتقرا التعاليق.. و مفرنسة..
وئام: شفتي ها الدنيا تتزيان الطلبات عليا بحال الشتا ما حكل نيرمين قالتهاليا ايهايااا كنت غنضيع..
هزات طراف لبونج عنقاتهم و داها النعاس..
دازو ليام و دازت سيمانة و زنوبة تتواصل مع الشيخ على عرس لولاد و تافقو بعد اسبوع يجيبو معاهم لعدول..
وئام مدوزة خمسطعاشر يوم تاع التمختير فلافاك و الطايح كثر من النايض و العجيب ان تاواحد ماعمر ليها لعين.. كل واحد و اشمن عيب طيحات فيه..
واحد النهار مع الظهر رجعات للدار بطوبيسها كالعادة.. كان اخر نهار فالامتحانات د الدورة الثانية دوزات الراطراباج و رجعات تتمختر حتا بانت لها طرانزيت حدا دارهم فيها ريحة المازير د لبهايم و مدورين ليها ايزار تيلمع.. تتدور عليها و تتشم ريحة لبخور.. بان ليها الباب محلول مترع و تكركير مها واصل لبرا..
دخلات بشوية عليها لابسة كسيوة قصيرة مبينة فريقشاتها و الصدر مبندر.. غاشافها بلار ضرب التحية.. شافتو هيا كحلات بلعما..
زنوبة: اجي فين غادة سيري لبسي (تتغمز) لبسي قفطانك واجي جلسي مع الناس
وئام منطقات بحتا كلمة و طلعات لبيتها..
الشيخ تيفرنس: تبارك الله تبارك الله
