فالكوميسارية زنوبة تتندب و تغوت و قدور تيسكت فيها..
الشاف جا جلس هز تصويرتها: واش هادي هيا
زنوبة: اه اولدي هيا اناري غانتشوه فلبلاد اناري باش من وجه غانشوف فالدوار اناري بنت لحرام
تلفتات لقدور: قلتيهاليها ياك عرفات بلي غاتدي ولد الشيخ تنعرفك بغيتي تقتلني ناري غانحماق
الشاف: باركة ا لالة بنتك غانلقاوها قوليليا اش كانت لابسة و..
زنوبة: لابسة صاية قصيرة و واحد لبودي مخلية لبوط بغيت قطيب سخون يتحط عليه اهييييييي
الشاف: ااه غير تهناي ا لالة
زنوبة: زيد تما بلي راه معندهاش لبزول راه غا مركباه لا تمشيو غالطين دابا تكون حيداتو بنتلحرام ا قدور بنتلحراااام
قدور: صافي تهدني قلتليك غاتكون سمعاتنا و هربات داكشي لي وقع
زنوبة: اوا بلاتي حتا تجي غانزوجها لولد الشيخ و نكويها بسفود سخون والله اميمتها لاغابت عليها محنة
الشاف: تفضلو اي جديد غانتواصلو معاكم
قدور عاون زنوبة حتا خرجات وهيا تندب و تغوت..
وئام حلات الماريو لي فلبيت عاد سالات تنبش لقات فيه شي شراوط تاع لكلاس د شي امراة فيستات ملونين و سراول دلفصالة.. حلات واحد لمجر لقات فيه بواطة جات جلسات حلاتها فيها البوم د التصاور..
وئام: ياحليلي كيكان و مزال تيعاير حجة هاديك احسن مني طررر لا باينة هاديك عورة.. اي اي كان شهب
هزات واحد لمشوار بانو ليها مجوهرات و دارتهم ف فمها تتعض فيهم: هادشي جالوق ما ذهب ما تا لعبة قاليك جسمها زوين.. راه نتا لي جسمك مخري تفو (سيفطات ليه الدفلة مع دخل)
علاء تيشوف فيها متوثرة حيت عاد خبات لبواطة تحت ليزار..
علاء: هزي فطورك هادا الطوست عرفتك مولفة غا بالخبز واتاي
وئام تتخنزر فيه حتا خرج و جبدات البواطة تتقيس: حتا لمراية ماكاينة فهاد الخربة
مشات جيهة الشرجم مع فيه زاج مرآة فلتحت و شفاف من لفوق..
علاء جلس يفطر حاط حداه لعشوب و العصير: ههه قالتلك ب بوشونتها و بشرفها..
حدا المجموعة الراقية فين ساكن علاء.. وقفات طوموبيلة رونج روفر حمرة و طل منها يسار عيط على لعساس..
يسار: التهامي خود هاد الجوا عطيه لعلاء
التهامي خدا الجوا: واخا ا سي يسار غانعطيه ليه ولكن راه شي ربعيام ماجا للشقة ديالو
يسار: ماشي مشكل نتا الا شفتيه عطيه ليه
يسار ديمارا زوج ميترو ورجع مارش اريير: سي التهاميي
التهامي دار لعندو..
يسار: ارا الجوا حيت فيه شي حاجة مستعجلة انا عرفن فين غانلقاه..
التهامي مد ليه الجوا..
