وئام داخلة لواحد الطواليت تاع عهد الاستعمال مجرجر ليها لقفطان: اوا لبزول هاهوا و لكرش لي لاصقة على ظهر شندير ليها وكلت عليك الله ا زنوبة بنت البشير
وئام جبدات البونج قاداتو و قادات لكحل لي سال ليها و سعرها لي لصق بلعرق د الطرونزيت.. و تمات خارجة معرفات باش تبلات حتا تساطحات مع واحد الشاب مبيهش عاطي للعين بجبدورو لبيض و بليغتو تقول هو لعريس..
وئام تتفرنس ليه و هو مخرج عينيه فصدرها..
وئام مع راسها: با قدور عندو لحق هاد الرجال فالدوار مهاوشين على الرضاعة
بلار: واش هادي وئام ولا كذبت
وئام مبتاسمة مخلوعة: هاه اه شكون نتا بعدا
بلار تيدفل فيدو و يمسح كصتو لكحلة الغرية: انا بلار ولد شيخ لقبيلة با هو شيخ الشيوخ فالدواور و من عندو تيتزططو لقوافل انا ولدو لبكر تنعرف نحصد و ندرس نسقي و نحرث.. نعرف نفك القلم و مخالط الدوار بحال نجوم الليل.. لسان الدوار كولو يقولوها فيا زينة و ياويل لي حل فمو بالعار و الخطية
وئام: وتتعرف تكوي؟ اه بغيت نقول زعما علاش تتعاود ليا قصة حياتك انا جيت غااا نحضر لعرس و نزيدك راه معنديش مع هاد لغبابر و الا كنتي نتا حادك انا متنعرف نقلي حتا بيضة
وئام غادية و شدها من ذراعها: تي مالك قاسحة عرفتي بلي هادا موسم السقير و لولد فدوارنا الا عجباتو لبنت تيتسامر معاها اجي نتسامرو يا لغزال
وئام تصدمات تتشوف ممتيقاش راسها حتا بانت ليها مها جاية و جرات تخبات موراها..
زنوبة: اتي مالك هاكا مخلوعة ياكما شفتيه؟
وئام: شفتو ا مي مافيه ميتشاف
بلار تيبتاسم و مشا..
وئام: علاه نتي ماشفتيهش شو كيداير
زنوبة: يا لخسارة كافحة رزقك علاه مالو واخا خلعك دابا تولفيه علاه انا ملي تزوجت باك غا جيت و ولفت واهلييي شحال دوزت د لغراز
وئام مافاهمة والو و مشات مع امها للخيمة دلعرس..
