بسم الله الرحمان الرحيم
*سر خلف حلمك قل نعم و انس التراجع و الألم و بروعة غني التفاؤل كالنغم
*سألوني : أ تعيش كما تريد أم كما يريد الناس ، فقلت لهم : لا هذا ولا ذاك انا أعيش كيف يريد الله
هااا وااحد السلام و عليكم كانتمنى تكونو بيخير اول حاجة كانشكركوم بزاااف على الدعم ديالكوم شكرا بزاااف و سمحولي ايلا كانتعطل عليكوم وهادشي بسباب لمدراسة ايوا و نبع الحنان كالتلك حكا ما حكا غانحيدليكوم تيليفونات 😂 ولاكين ختكوم محترفة لداكشي كلتليها عندي واحد درس نقراه وراه فتيليفون ايوا وخديتو 😂😂 ايوا دابا راني كانكتب ليكوم على ما تجي ديك طرونسبور لموهيم سمحولي ايلا كانطول عليكوم فالهدرة ...
و قبل ما نبداو فلبارت خاصني نكوليكوم شي حاجة هاااااااااااااااااااااااااااااامة 😂 ... سمحوليا حيت كانطول فالحداث و هادشي غلط يعني ماخاصنيش نطول فالاحداث و ديرو عين ميكة 😂 و حاجة اخرى ... من لبارت اللي فات و خصوصا من هاد لبارت الاحداث غادي يبداو يعني تقدرو تكولو لقصة كولها اسرار ماش يكولها كولها ولاكين كاين واحد السر هو اللي غادي يغير مجرى القصة
نرجعو فين كنا ⏪⏪⏪
#عند ليالي
ليالي دوزات نهارها وهي عيانة يلاه عاد كيف قادة تخل عينيها و كاتحاول تميك على هدرة ليث و دير داكشي اللي خاصها ديرو ... و باش ماتبقاش كل نهار بحال هاكدا الحساسية خارجالها فعودها سيقات الملحق بوحدها بلا ما نهدرو على شقا د دار و واخا هلكها لمرض حاولات ماتجبدش الصداع و شقات و فالليل طاحت دودا بلعيا و نعمة د سيدي ربي ما جات ف فمها من غير لما اللي كاتشربو باش ضل واقفة على رجليها شوية ... وهاكا داز نهار عند البطلة ديالنا
#عند ليث
ليث اللي دوز اغلب نهارو فالشركة ديالو اللي متخصصة بصناعة الادوات و الملابس الجلدية و اللي سميتها 🖤Tiger L🖤 من بعد ماخرج من دار و هو مستغرب حيت ليالي ليوما باين عليها الهدوء و شي حاجة لداخل ديالو كاتاكل فيه منين شاف عينيها حمرين و كايدمعو و باين فيها لمرض ما رضاش يشوفها بديك لحالة ولاكين بالطبع قنع راسو بانها هي دابا تحت سقف دارو يعني تحت مسؤوليتو بحالها بحال كَاع الخدم و ايلا وقعات ليها شي حاجة هو اللي مسؤول عليها باش يتكلف بيها رغم العداوة اللي بيناتهوم ... و هاكا داز نهار عندو تا من لغدا مارجعش لدار باش يتغدا و بقا فالشركة تا ل ليل عاد رجع و ديك ساعة كان تعطل لحال مشا ديريكت لبيتو دوش لبس حوايجو و نعس
#عند إخلاص
إخلاص يا إخلاص 😂 تا هي نهارها مادازش حسن من لوخرين دوزاتها غير فلماكلة و نعاس ... جات عندها ماماها و خوها و جابو معاهوم ملاك و محسن اللي باين فملامحهوم الحزن و علاش لا و هوما ترزاو فواليديهوم فعز طفولتهوم و ختهوم اللي هي بمثابة السند اللي بقا ليهوم ماكايناش معاهوم و اللي زاد كملها ان لبلاصة اللي كاينة ما معروفاش ... عرفات إخلاص بلي القضية كان عندها احتمال تطور فيها الدلائل و تثبت التهمة ولاكين للاسف الامل اللي كان عندهوم تبخر و ما بقا عندو وجود ... تا قرب يطيح ضلام مشاو من عندها و ديك ساعة طلقات العنان لدموعها اللي كانت حابساهوم كاتحسر على الحالة اللي وصلو ليها
أنت تقرأ
بين أحضان وحش لا يرحم
Action♤ هي فتاة جميلة ، فاتنة ،قوية ، جريئة ، لطيفة ، ذكية ، عنيدة .... تهوى الدراسة و الحواسيب ... و في إحدى الأيام شاءت الأقدار وضغطت على زر من ازرار لوحة المفاتيح الذي من المفترض ان لا تضغط عليه .... ♤ هو قاسي ، شجاع ، قوي ، عنيد .... و بطبعه هذا جعل ك...
