بسم الله الرحمان الرحيم
*الجهاد الحقيقي هو أن تعيش بالحلال وسط كل هذا الحرام المنتشر ⚡
*و لأننا نتحمل ... يعتقدون أننا لا نشعر 🥀
.........
# عند ليالي
كَالسة فحضنو معنقاه حاطة راسها على صدرو كيف ولات موالفة دير و مغمضة عينيها كاتسمع لدقات قلبو ، كان كايمسح بيدو على راسها بشوية و ساهي كايفكر ، ليوما ماعندوش لخدمة لداكشي مامشاش ، كان الصمت طاغي على المكان كايتسمع غير صوت انفاسهوم الهادئة تا قاطع هاد الصمت صوتو الشي اللي خلاها تحل عينيها و تسمعلو ...
ليث : كانت عندي 16 عام فاش رجعت من لمدراسة و لقيت كَنازة فدار دخلت نشوف شنو كاين لقيت لواليد مدورينو فكفن و كايبان غير بحال ناعس ماشي ميت كان وجهو ضاحك كيف ديما ، واخا كان قاسح معانا ولاكين كان حنين ... ماعرفتش شنو وقع حيت فصباح خرجت من دار خليتو كايفطر بحال كل نهار و رجعت لقيتو مات مات مقتول برصاصة وحدة داتو لقبرو ... (تنهد) مات حيت كان كايدير خدمتو كضابط فالمخابرات السرية باش يشد دوك المجرمين و لقتالين كان عندو دليل ضد واحد من زعماء المافيات فلمغرب و هو غادي باش يركب فسيارتو تضرب برصاصة هادشي اللي شفنا فلكاميرات ، من بعد فاش بداو تحقيقات الملف تسد و حنا ماعارفينش السبب ... (بعد صمت قصير كمل) جلال العمراوي اللي كان صاحب لواليد جا ودانا من وسط دارنا باش نوليو خدامين عندو هدد لواليدة بينا و واخا كنت كانخرج انا و زياد باش نقراو كان كايهددنا بلي ايلا مشينا لشي بلاصة و لا هدرنا لشي واحد على اش كايدير فينا غادي يقتل لواليدة و خوتنا و يقتلنا تا حنايا و حنا ماعارفينش علاش و تا من لورث حرم لواليدة تحكم فيه و شحال كَاليها تسيني على لوراق باش تنقل ليه لملكية ولاكين مابغاتش و كانت ديما كاتضرب بسباب هادشي ... داز لوقت قريت و بديت كانخدم ففاش ما كان وصلت ل 18 عام بديت كانمشي بتخبية لشركات ديال لواليد اللي كانو دارو الافلاس و كانعاود نخدم عليهوم و كانقرا فنفس الوقت و كانمشي ندير تدريبات باش نتأهل نكون واحد من أعضاء المخابرات السرية من بعد مدة قدرت نخرج لواليدة و خوتي من ديك دار و جينا لأمريكا و تحولت للمخابرات الأمريكية بديت كانخدم انا و زياد و نتقاتلو تا وصلنا لفين كاينين ، من بعد مدة تا زياد دخل معايا فلمخابرات و شكلنا لفريق ديالنا ... بدينا كانشدو لمافيات و العصابات و هادشي بسرية تامة كانتعرف غير بسمية النار ، رجعت حليت من جديد ملف لواليد كان عندنا هدف ناخدو حقو بدينا كانجمعو الادلة و الدلائل اللي كانو لقاوهوم شحال هادي ، بدينا كانجمعو الدلائل تا وصلنا للقاتل اللي كان جلال العمراوي صاحب لواليد الروح بالروح ، عرفنا بلي هو زعيم ديال واحد لمافيا فلمغرب و فاش لواليد لقا عليه دوك الدلائل بعد فترة من بعدما مشينا من عندو و من بعدما ماتت مراتو تحول لأمريكا باش يحيد عليه الشبوهات و الاعضاء ديال المافيا اللي كانت فلمغرب جاو هنا ، بقينا كانتبعو خطواتو شدينا كَاع الاعضاء اللي كانو معاه و بطبيعة الحال تم الاعدام ديالهوم حيت عندهوم سوابق فالقتل و ابشع انواع الجرائم ، و الفريق ديالنا مشا و دخل ضمن ديك لمافيا و بدلنا سمياتنا و لات سميتي ليث كمال هويتي تبدلات وليت كانسافر بسمية ليث كمال و الحساب البنكي بسمية ليث كمال و تا زياد نفس الحاجة حولنا كَاع الممتلكات فسمية الواليدة باش الاملاك يكونو فأمان حيت مابقاتش سميتي ليث المريني باش نتحكم فيهوم و هادشي باش لبوص اللي هو جلال العمراوي مايشكش فادنى حاجى ، دخلنا فديك لمافيا و اغلب الصفقات اللي كانعقدوهوم ماكاينجحوش حيت كايجيو لبوليس و السلعة كانديوها نحرقوها و لفلوس كايمشيو للجمعيات الخيرية ، بقينا على داك الحال و خطتنا كاتنجح ، تا لنهار بنتي نتيا ولات خطتنا فخطر كبير حيت ايلا عرفو لبوليس اش كانديرو غادي يمشيو مباشرة يلقيو القبض على لبوص و مانكملوش خطتنا ، عطيتهوم امر باش يقتلوك و انا عينيا معميين بالغضب ، فاش ماجاتش الرصاصة فيك و مامتيش زدت تعصبت و كَلتليهوم يجيبوك لعندي فاش شفتك قدامي بصفتك اللي كانت غادمر خطتي و دمر داكشي اللي خططتلو سنين هادي ماتحملتش و درت اللي درت ، حبستك باش ماتمشيش ديري شي حاجة اللي تخلي خطتي تفشل و فنفس الوقت باش ماتآدايش حيت لبوص ايلا عرفك كنتي غاتفضحيه غايقتلك بلاما يفكر ، خليتك خدامة باش نزيد نعدبك حيت كانكره شي واحد يخرجلي فنفص خدمتي ... (تنهد) كملت خطتي و بقيت فديك المافيا كانديرو الصفقات كانشدو المافيا اللي كاتعقد معانا الصفقات و بقينا هاكا ضربنا عصفورين بحجر واحد كانكملو خطتنا و كانجيبو لمافيات و كانشدوهوم ... من بعد ركزنا على الشركات ديالو اللي اساسهوم فلوس غير قانونية يعني لبوص كان كايدير غسيل الاموال ، خليناه يدير الافلاس و تاواحد ماعاونو تا من خوتو خليناه يعيش شوية لفقر و يتعدب فزناقي و من بعد شديناه و ليوما الاعدام ديالو ... (شرب من كاس لما اللي كان محطوط قدامو فوق طبلة و تنهد)
ليالي : (بعدات عليه و هي مصدومة) ناااري ا عشيري هاادشي بحال الافلام واااااو
ليث : (رسم ابتسامة خفيفة على وجهو)
ليالي : دابا نتااياا خدام فلمخابرات
ليث : (حرك راسو باه)
ليالي : وااااااااااع حلمي تحقق عرفتي كنت كانتمنى نتلاقا بشي واحد من المخابرات (ضرباتو لكتفو) و هانتا صدقتي منهوم (ناضت كاتمشي و تجي و تعبر بيديها) انا مامتيقاش هاادشي واااعر و حق مولانا (رجعات كَلسات شافت فيه بتساؤل) اجي و فين هي عائلتك
ليث : فلمغرب
ليالي : و علاش ماراهومش معاك
ليث : حيت كون بقاو معايا لبوص غادي يعرف هويتي حيت كايعرف لواليدة اما انا و زياد تبدلنا مابقيناش كيفما كنا شحال هادي و لاكين عاد غادي يجيو
ليالي : دابا فهمت عندك غير ختك و خوك زياد
ليث : لا كاين تا وائل
ليالي : (بابتسامة) مزيان الله يخليكوم لبعضياتكوم
ليث : (جرها لعندو عنقها مزير عليها)و يخليك ليا
ليالي : (فرحات ولاكين سرعان ماولات معصبة فلداخل ديالها) لا الله يخلي ليك غير حبيبتك مامات ولادك
ليث : (ضحك تا بانو نيابو) واش كاتغيري
ليالي : و علاش غانغير بسلامة انا غير كَلت
ليث : ايوا الله اعلم
ليالي : (عاضة شفايفها بعصبية) شنو سميتها ديك حبيبتك
ليث : سميتها حبيبتي و مراتي و مات ولادي و الملكة ديالي
ليالي : واا صافي عرفناها باش كايعيطو ليها الناس
ليث : ليالي المرابط
ليالي : (بعدات عليه و رغم صدمتها راسمة ابتسامة عريضة على شفايفها) بصااح
ليث : كانلعبو هنا و لا شنو
ليالي : (هزات لكاطو اللي كان محطوط فوق طبلة كاتخشي ففمها) ولاكين انا ماشي مراتك
ليث : غاتكوني مراتي
ليالي : (شافت فيه بنص عين و فمها عامر) فوقاش
ليث : ايلا بغيتي من غدا
ليالي : لا ليوما حسن
ليث : (خربق ليها شعرها) ملكتي مزروبة
ليالي : (كاتاكل) مامزروباش
ليث : من لول كان خاصنا نتزوجو ولاكين ايلا عرفوك مراتي يقدرو يآديوك و يهددوني بيك
ليالي : هادشي خااطيير (صرطات دغمة و شدات على كرشها) اويلي ياكما غانولد
ليث : (تخلع) مالكي كاضرك كرشك
ليالي : صافي مابقاتش كاضرني (جات تهز كاطو اخور باش تاكول)
ليث : حطي باراكا عليك من لحلاوة
ليالي : (شافت فيه) ااخيير وحدة مانزيدش (وخشاتها ففمها قبل ماتسمع جوابو)
أنت تقرأ
بين أحضان وحش لا يرحم
Action♤ هي فتاة جميلة ، فاتنة ،قوية ، جريئة ، لطيفة ، ذكية ، عنيدة .... تهوى الدراسة و الحواسيب ... و في إحدى الأيام شاءت الأقدار وضغطت على زر من ازرار لوحة المفاتيح الذي من المفترض ان لا تضغط عليه .... ♤ هو قاسي ، شجاع ، قوي ، عنيد .... و بطبعه هذا جعل ك...
