بسم الله الرحمان الرحيم
*نفس عميق ، و تستمر الحياة 🌈
*و لنا في الخيال حياة ❤
...........
# عند ليالي
فاقت على ضريب إخلاص كاتكَوليها يلاه نفطرو را تعطلنا و دابا ياكلو كولش يو مايخليولناش حقنا ، ناضت غسلات وجها و حكات سنانها بدلات حوايجها و ماصلاتش حيت اصلا كانت فاقت للفجر هي و إخلاص ... هبطو بجوج و ليالي كاتعاون الانسة اللي معاها باش تهبط ... لقاو طبلة كَالش فيها كولشي زياد و ليث كايهدرو و ملاك و محسن كايتناقشو شكون يتجرأ و يهز لكَاطو اللي كان بعيد 😂 ... كَلسو
ليالي : السلام و عليكم (ردو عليها السلام و كَفضات كمايم يديها و بدات تخشي فوجها)
إخلاص : صباح لخير (جاوبوها و بقات مدة هي و زياد كايشوفو فبعضياتهوم و هو يغمز ليها عاد حنات راسها كاتاكول (عايشين الحب و حنايا كَالسين نتفرجو فيهوم)
زياد : إخلاص (شافت فيه) بغيتي تخرجي
إخلاص : (صرطات دغمة) الله اودي
زياد : منين تسالي لبسي حوايجك و نخرجو
ليالي : و انااا ديوني معاكوم
ليث : (خنزر فيها) ريحي بلاصتك
ليالي : علاش هوما يخرجو و انا نبقا فدار تا انا نخرج
ليث : يلاه عاد كيخرجتي
ليالي : بغيت نخرج عاود ماشغليش
ليث : هدرة وحدة كَلتها (ناض وقف) زياد غانمشي باش نقضي داك لغاراض
زياد : الله يعاون ا خويا
ليالي : (زفات عليه بكاس جاه فضهرو)سير ا لحكَااااار تفووو علييك
ليث : (دار عندها مخنزر و معصب مارضاش ضربو قدام الناس)
ملاك و محسن : (كانو لاهيين كاياكلو و يديرو بحال ماستر شاف كايحكمو على الاطباق و كاينقطوهوم على عشرة تا سمعو صوت تهراس لكاس و هوما يشوفو فليث كايشوف فختهوم شافو فليالي) و مشييتيي فييها و لغلطة درتييها كنتيي حفرتيي حفرة و ليووما طحتيي فيهاا
ليالي : (صرطات ريقها من نظراتو عرفاتو ماغاديش يدوزها ليها شافت فخوتها) سكتو ا لبراهش خشيو فوجهكوم و سكتونا
ليث : (بعصبية و حدة) طلعيي عنديي للبييرو
ليالي : لااا
ليث : هدرة وحدة كَلتهاااو ماغانعاوودهااش (عطاهوم بظهرو و مشا و تكَولو زعما تجرح ولا شي حاجة حرام واش تخبش غير خبشة)
ليالي : (شافت فإخلاص) اختشي في الله موسامحة دعي معايا بالمغفرة (شافت فزياد) اخي في الله موسامحة و تهلا فاختي في الله ترحمو عليا (ناضت غادة للبيرو و هي كاتخيل مختلف انواع سقلات غادي يجيو فكمارتها)
إخلاص و زياد شافو فبعضياتهوم و ضحكو و إخلاص بقات كاتاكل و زياد كايشوف فيها تاوحلها ليها و عاونها باش تمشي لبيتها تبدل و خرج كايتسناها ، ملاك و محسن فاش شافو طبلة خوات شافو فبعضياتهوم ...
محسن : باش نبداو
ملاك : (شيراتلو لواحد لعصير) هاداك لعصير و من بعد هديك اللي دايرة بحال ميلفاي
بقاو تما كايفتارسو حيت موالفين كايفطرو غير بداكشي المغريبي وعمرهوم شافو هاد لعجب غير فلمسلسلات و الافلام ...
أنت تقرأ
بين أحضان وحش لا يرحم
Action♤ هي فتاة جميلة ، فاتنة ،قوية ، جريئة ، لطيفة ، ذكية ، عنيدة .... تهوى الدراسة و الحواسيب ... و في إحدى الأيام شاءت الأقدار وضغطت على زر من ازرار لوحة المفاتيح الذي من المفترض ان لا تضغط عليه .... ♤ هو قاسي ، شجاع ، قوي ، عنيد .... و بطبعه هذا جعل ك...
