بسم الله الرحمان الرحيم
*السم قلب يليق بقائك ⚡ (عندي مع هاد لمقولة تف تف تف تفكرتو تاني 😂)
*ليس كل ما في البال يقال 🥀
.........
# عند إخلاص
النهار داز عندها زوين بزاااف و علاش لا و هي كانت مع حبيب قلبها (حبقلبها زعما 😂😂) إخلاص نهار على نهار كاتزيد تبغي زياد باهتمامو و بكلماتو ليها ماكرهاتش تبقا ديما معاه و مايتفراقوش و السؤال اللي ولا شاغل بالها زعما هو يكون كايبادلني نفس الاحساس و شي نهار يطلب الزواج مني ... فكرة انهوم يتفارقو كاتخلي عينيها يغرغرو و كاتحس بقلبها كاتزير عليها ... كانت متكية فوق ناموسيتها من بعد نهار طويل ديال التسركيل (كنت باغا ندير التجول و التنزه و انا نكَول حيد عليا زمر نهضرو بالدارجة حسن 😂) كانت مبتاسمة كاتشوف فلبراصلي اللي فيدها مكتوب فيه حرف I و Z اول حرف من سميتها و سمية اللي ملك قلبها (ركزولي على لقافية الله يخليكوم 😂😂) لبراصلي عطاهليها زياد وبقا كايوصيها ماتحيدوش من يدها ... كاتحس بفرحة كبيرة لداخل ديالها ، و بعد مدة قصيرة غفات و هي كلها أمل أن الغد أجمل 🖤
# عند سمر
كانت عندها لفلسفة و الاستاذ كَالس كايتفلسف عليهوم تما و هي فاهمة غير انا و الغير و زعما بلي كاين اللي كايكَول الأنا لا تتحقق الا بوحود الغير و كاين اللي كايكَول العكس ، حاطة يدها على حنكها و حالة فمها و عينيها كاتحاول تفهم شي حاجة كاتحس بعقلها غايتفركَع بكترة ماكاتركز و كاتحاول تفهم رفعات صبعها و كَالت للاستاذ بلي مافهماتش تنهد و رجع كايشرح من اول و جديد عاد بدات كاتفهم شي لعيبات ... سلات الحصة دلفلسفة و كاتحس بعقلها كايضرها كانت عندهوم رياضة مشات للفيستيير بدلات حوايجها بحوايج رياضة و خرجات بداو كايديرو تسخينات و من بعد عطاهوم الاستاذ يلعبو لباسكيط بداو دراري ماكاين غير من سمطة لتحت و الاستاذ مالقا اش يكَول حيت يقدرو يجمعوه و يرجعوه بلاصة لكورا ، واخا كايقراو فلبريفي ضااسرين و فمهوم خاسر تكَول ماعرفت فين عايشين ... سالاو دراري لماتش و بداو لبنات يلعبو و كانت معاهوم تا سمر طبعا بداو كايلعبو دازت مدة تا كايتسمع صوت غوات سمر ...
سمر : (و هي كَالسة فلرص حاطة يدها على رجلها اللي تلوات حيت دفعاتها هاديك لبنت اللي نتفاتها) اااااي رجليي
الاستاذ : مالكي ا بنتي
سمر : رجليي (شافت فديك لبنت و عينيها مغرغرين بدموع بكترة الالم) لحمااارة لبغلة غااانورييك ا لكللبة غير تسناااي
كانت فبيتها متكية على لكادر دناموسية و مسرحة رجليها اللي كانت وحدة منهوم فيها جبيرة و حاطة لبيسي على فخادها كاتفرج فلمسلسل فرحانة حيت ماغاتبقاش تمشي للمدرسة تا تصح رجلها غايبقا وائل يراجع معاها و فنفس الوقت ماعاجبهاش الحال حيت ماغاتبقاش تشوف حبقلبها (كانو عينيها على شاشة دلبيسي كاتشوف البطل و البطلة كايتعانقو) ...
أنت تقرأ
بين أحضان وحش لا يرحم
Hành động♤ هي فتاة جميلة ، فاتنة ،قوية ، جريئة ، لطيفة ، ذكية ، عنيدة .... تهوى الدراسة و الحواسيب ... و في إحدى الأيام شاءت الأقدار وضغطت على زر من ازرار لوحة المفاتيح الذي من المفترض ان لا تضغط عليه .... ♤ هو قاسي ، شجاع ، قوي ، عنيد .... و بطبعه هذا جعل ك...
