بسم الله الرحمان الرحيم
*أعلم أن ملابسي لا تناسب الإسلام نوعا ما ، و لست ملتزمة إلى حد الرضا ، أحب العطور ، و أغضب أمي أحيانا ، و أسمع الوسيقى التي لا يخلو سمعاها من تأنيب ضميري ، ربما أغتاب أناسا في لحظة ما ، لكني أسعى دوما لدفن هذا الذنب ، و لكن رغم هذا كله أحب الله حبا عظيما و ثقتي به لا حدود لها ، أخاف منه و لا يخيفني أحد سواه ... الحمد لله على فضيلة الإحساس بالمعصية و اللجوء إلى باب الاستغفار ، و الحمد لله أن الحساب بيد الله لا بيد البشر 💙 ☆ منقول مع بعض التغييرات☆
.........
# عند إخلاص
كانت كاتفطر هي و ماماها من بعدما دارت روتينها فاش سالات كانت عاتعاونها لالة عايشة باش طلع لبيتها ولاكين مابغاتش حاولات تنوض من لكورسي بمشقة الانفس و فعلا نجحات بدات كاتحاول ترفع رجليها باش دير خطوة من جيهة الدروج و بصعوبة قدرات بقات هاكاك تا وصلات للبيت و هي كاتلهث ولاكين واخا هاكاك هي فرحانة و فخورة براسها على هاد الإنجاز اللي دارتو ، و تفكرو ديما انو ماكانعرفو قيمة الحاجة تا كانفقدوها و لو غير مؤقتا دابا حنايا كانشوفو و كانسمعو و كانهدرو كانتمشاو كانتحركو كيف بغينا الحمد لله و لاكين كاين اللي محروم من هاد النعم و تما فين غايعرف قيمة ديك النعمة خاصنا نحمدو الله على اي حاجة سواء زوينة او خايبة و تا لاكانت خايبة غاتكون زوينة "وعسى أن تكرهوا شيئا و هو خير لكم" صدق الله العظيم ... يكفي انك مسلم هادي الدنيا و مافيها ...
بقات مدة كاتسترجع انفاسها ، من بعد دخلات ليوتوب كاتفرج فيديوهات فيهوم تخيص الدروس اللي غايكونو كايقراو فلجامعة حيت هي ماتقدرش تمشي بسباب ظروفها الصحية ... من بعد ساعات من لحفاظة و التركيز كان وصل وقت لغدا هبطات تغدا و بنفس الطريقة باش طلعات لبيتها تغدات و عاوناتها ماماها طلع توضات و صلات و تخشات ففراشها و نعسات مافاقت غير على صوت ماماها ...
عايشة : إخلااااص نووضي را نعاس مور لعاصر خايب (فكراتني فنبع الحنان 😂 واش تانتوما كاتسمعو هاد لجملة)
إخلاص : (حالة عين و سادة عين) انزيد غير شوية احميمتك
عايشة : (حيدات عليها لغطا) نوووضي تكَعدي
و بعد صراعات ناضت إخلاص طافجة و شعرها شاد ريزو عاوناتها ماماها تغسل وجها توضات صلات ، و منبعدما سالات دارت فيديو ديال الحركات الترويضية بقات متبعة معاه و كادير بحال دوك لحركات تا ودن لمغرب بقات كاتسترجع انفاسها شوية صلات طلعاتليها ملاك كاسكروط و بقات كَالسة معاها كايهدرو ...
إخلاص : ملوكتي توحشتي ليالي
ملاك : اه بزااااااف و توحشت حتا ماما و بابا
إخلاص : (تنهدات) باباك و ماماك ا حبيبة راهوم عند سيدي ربي فرحانين
ملاك : (بتاسمات) اه ا ختي عارفة لداكشي انا و محسن ماكانبكيوش ولاكين ديما كاندعيو معاهوم كانكَولو يا ربي تلاقينا مع ماما و بابا فلجنة
إخلاص : (بادلاتها الابتسامة) امين ، درتي تمارينك
ملاك : درت غير ديال الرياضيات مافهمتش ديال العربي
إخلاص : ياك كانكَولك فاش ماكاتفهميش شي حاجة كَوليهالي ، يلاه نوضي جيبي كتوبتك نتي و محسن و اجيو عندي نفهمكوم
ملاك : واخا (مشات كاتجري و رجعات بعد دقائق قليلة هي و محسن هازين محافيظهوم فيهوم كواشي لكتب 😂)
أنت تقرأ
بين أحضان وحش لا يرحم
Hành động♤ هي فتاة جميلة ، فاتنة ،قوية ، جريئة ، لطيفة ، ذكية ، عنيدة .... تهوى الدراسة و الحواسيب ... و في إحدى الأيام شاءت الأقدار وضغطت على زر من ازرار لوحة المفاتيح الذي من المفترض ان لا تضغط عليه .... ♤ هو قاسي ، شجاع ، قوي ، عنيد .... و بطبعه هذا جعل ك...
