بسم الله الرحمان الرحيم
*لنا حق التمني و لله سر الإجابة💙
*اطلبوا المستحيل من الله 🦋
.........
# عند إخلاص
شهر من حياتها داز قدرات فيه توقف على رجليها من جديد قدر فيه زياد يكون ملك قلبها كاتبغييه بزاااف لابعد الحدود هو اول و اصدق حب فحياتها ، اهتمامو ضحكتو شخصيتو شكلو خلاوه يستحوذ على قلبها اللي كايدق بسميتو (شتو لحب كيداير ماشي هو هظاك اللي كايكون بقلب فلواتساب و فتالي يسالي ببلوك 😂) ... تسجلات فلافاك جاتها فشي شكااال لاعلاقة مع لمغرب داكشي بعيييد ماكاين غا تقزاب و لبوسان بلعلالي دور دور و تلقا شي واحد مقنت شي وحدة و هي كي لبهلولة كاتبقا تفرج فيهوم مالها هي ماتعلمش 😂 ... فرحات بزااف حيت و اخيراا ولات كاتمشا عادي كيف قبل و هادشي بفضل الله اولا و بفضل زياد اللي وقف معاها ، فاش كانت مشللة ديك ساعة عرفات قيمة المشية عرفات قيمة النعمة اللي كانت عايشة فيها و ماحامداش الله عليها ، كاين اللي ماكايسمعش و كاين اللي ماكايشوفش كاين اللي ماكايتمشاش و كاين اللي ماكاينطقش حطو راسكوم بلاصتهوم واش تقدرو تعيشو بحال هاكاك واش تقدرو تعيشو و نتوما كاتشوفو غير ظلام غير ظلام ماتقدرش تشوف وجه الناس اللي عزازين عليك ماتقدرش تشوف اش كاتاكل ولا تشوف الطريق قدامك تا من وجهك ماتقدرش تشوفو ماتقدرش تقرا كتاب الله ... ايلا كنتي ماكاتسمعش ماتقدرس تسمع صوت الناس اللي غاليين عليك ماتقدرش تسمع صوت دقات قلبك و لا تسمع لشرح استاذتك و لا تسمع كلام زوين و محروم تسمع كلام الله كاتعيش حياة صااامتة ..... خاصنا نحمدو الله و نشكروه على اي حاجة و شحالما شكرناه ماغانقدروش نوصلو للحد المطلوب من الشكر حيت نعم الله لا تعد و لا تحصى غير تأملو شي شوية فراسكوم و فلكون اللي عايشين فيه و غادي تعرفو قيمة النعمة لكبيرة اللي عايشين فيها ... و ختمات نهارها بكلمات من كتاب الله و نعسات ...
# عند سمر
(باينة فيكوم متحمسين تعرفو اش وقع معاها 😂) هاد الشهر داز مميز عندها وعلاش لا و هي تلاتة دلمرات فسيمانة كاتشوفو و كايجي يدير معاها حصص الدعم ، ولات كاتبغيه كتر من قبل باضعاااف ، تحسن مستواها الدراسي على قبل ببزاف ديال المراحل فاش كايديرليها فرض منزلي كاتجيب فيه 11 تا ل 16 و هادا تحسن كبير ، و كايشرح ليها دروس المواد لوخرين ... اغلبية المرات كاتبقا غير حالة فيه فمها تا كايفيقها صوتو ، كايكَوليها باش تركز معاه دابا تشبع الشوفة فيه ، كاتحشم فاش كايحصلها فدوك لمواقف ولاكين ماشي لخاطرها هو اللي بوكَوص ... كل نهار كايدويو فالليل وظاكشي زعما فنطاق الاحتشرام 😂 ماكاينش حبيبي و حبي و بب و قلبي و عشقي و حبقلبي نو نو نو 😂 السيد من نهار بين ليها كايبغيها ماولات خرجات من فمو حدو كايعنقها و يبوسها فحنكها ...
لبارح حيدات جبيرة من رجلها و دارولها ترويض خفيف و دابا راها عادي توحشات تمشا على رجلها و تنقز و تجري ... بقات كاتفرج فلمسلسلات كيف عادتها مع لعشية صوناليها تيليفونها كان أسامة بقات كاتهدر معاه و كَاليها بلي غظا غادي يخطب واحد لبنت و غايتزوج بيها و يكمل حياتو معاها حيت كايبغيها و هي كَالتلو مزيان الله يكمل بلخير خاصني نمشي ناكل بسلامة و قطعات عليه حطات تيليفون مصدومة و حيدات لبيسي على فخادها بقات غادة جايو فلبيت مصدوومة كاتعظ فشفايفها حابسة لبكية تلاحت غلى كرسها فوق ناموسية زيرات على ليزار و بدات كاتبكي بحرقة كبييرة مامتيقااش تلعب بمشااعرها و ماتصوقش ليهاا بتااتااا و عاد من لفوق كايكَوليها مشاريعو المستقبلية مع حبيبتو بقات كاتشهق و تبكي بقات شي ساعة و هي هاكاك تا حسات براسها و عينيها كايضرووها بزااف ... ناضت غسلات وجها اللي كان حممر بالدموع و عينيها منفووخيين ، ماقدراتش تهبط تاكل حيت مشات ليها الشهية مابقاتش ليها لكَاانة لوالو كاتحس بقلبها كايتقطع من لداخل ماكرهاتش تحيدو و تهنا منو ولاكين ماقادراش هي دابا ماكاتكرهوش و باقا كاتبغيه وهادشي اللي معصبها بقات كَالسو فلبالكون مغمضة عينيها و الهوا بارد كايضرب فوجها ... بقات هاكاك تا سمعات الاذان ديال لعشا تنهدات بعد تفكير ناضت توضات و لبسات عباية ماماها و جابت من عندها الصلاية وراتها القبلة و بدات كاتصلي ... هي كاتعرف تصلي حيت فاش كانت صغيرة ديما كانت كاتصلي مع باباها فاش كايفرش الصلاية باش يصلي كايكَوليها اجي وقفي حدايا و صلي ، كانت كاتصلي بلا زيف بلا وضوء بلا والو غير كاتبع اش كايدير باباها و كانت عارفة عدد الركعات و حافظة شوية من لقرآن حيت تعودات تسمعو ... و لدابا عاقلة على هادشي حيت ديما كاتفكرو و لحاجة اللي كانفكرو فيها ديما ماكاتنسالناش لداكشي تا هي منساتش كيفاش تصلي ... سلمات من صلاتها هزات كفوفها و دموعها دايزين على خدودها كاتشهق و كاتدعي ربها بالرحمة لباباها و كاطلبو يعاونها بقات كاتبكي دابا عاد عرفات علاش باباها كان كايعلمها تصلي باش تحس بهاد الراحة العميقة و بهاد الطمأنينة و السكينة ... جمعات صلاية و حيدات لعباية و تلاحت نعسات ماعندها لكَانة دير والو و من كتر لبكة اللي بكاتو جاها نعاس ...
أنت تقرأ
بين أحضان وحش لا يرحم
Action♤ هي فتاة جميلة ، فاتنة ،قوية ، جريئة ، لطيفة ، ذكية ، عنيدة .... تهوى الدراسة و الحواسيب ... و في إحدى الأيام شاءت الأقدار وضغطت على زر من ازرار لوحة المفاتيح الذي من المفترض ان لا تضغط عليه .... ♤ هو قاسي ، شجاع ، قوي ، عنيد .... و بطبعه هذا جعل ك...
