بسم الله الرحمان الرحيم
*ذهب الرازيّ يوما إلى نيسابور فتراكض له الناس ، فقالت امرأة عجوز : من هذا ؟
فقيل لها : هذا الرازيّ الذي يحفظ ألف دليل على وجود الله
فقالت : لو لم يكن في قلبه ألف شك ما احتاج إلى ألف دليل !
فلما بلغه قولها قال : اللهم إيمانا كإيمان العجائز !
......
# عند ليالي
فاقت ليالي و كيف لعادة خاصها تقيا 😂 (حاشاكوم) دارت روتينها و مادوشاتش حيت لبارح دوشات بدلات حوايجها باخرين سخونين مشطات شعرها جمعاتو كودشوفال و هبطات معولة تفطر و تكتب شي حاجة ... بعض لمرات كاتفيق من النعاس كاتبغي تكتب و لا كاتكون كَالسة ما عليها ما بيها تا كاتبغي تكتب شي حاجة و هادشي ماكايعنيش انو ديما فاش كاتجيها هاد الرغبة كاتكون مقلقة ولا هازة فقلبها شي حاجة ... وصلات لصال ا مونجي لقات ليث كَالس كايفطر (ماشي كاس د اتاي و زيت و لفرماج و لخبز لا لا داكشي بلفرشيط و لموس ، ايوا هادا فطر بكري ايلا كلا بلفرشيط و لموس 😂😂) ...
ليالي : (جرات كورسيها) السلام و عليكم
ليث : (طلع فيها عينيه) و عليكم السلام
كَلسات كاتخشي فوجها و عينيها غير فلماكلة مادارت لا هاك لا هاك ماكاين غير مضغ مضغ 😂 و هو كايشوف فيها و ساهي و راسم على شفايفو ابتسامة خفيفة على شفايفو ، بعد مدة قصيرة فاق من سهوتو و كَال
ليث : ليوما غادي نمشيو لطبيبة
ليالي : (طلعات فيه عينيها و فمها عامر لماكلة (راهي ماكاتاكلش بلفرشيط و لموس كاتاكل بيديها 😂) و علاش بسلامة
ليث : باش نشوف صحة ولدي
ليالي : ماتخافش راه بيخير
ليث : (بحدة) هدرت هدرة وحدة ... طلعي بدلي حوايجك و لبسي شي حاجة طويلة
ليالي : (حبسات لماكلة و هدرات مطلعة حاجب و مهبطة لاخور) علاه بنتلك كانخرج مقزبة الحمد لله كانغطي لحمي و تا شعري غايجي النهار اللي نغطيه فيه لا ماكتابش و مت الله يسمحليا ... ايوا و اللي شاف لحمي بزز مني الله ياخد منو حقي (ناضت وقفات غادية لبيتها فرحانة حيت كَالتلو دوك لكليمات 😂 اما هو مارضاش ، لحاصول السلامة يا ربي 😂)
بعد دقائق ⏳⏳
هبطات لابسة سروال كحل مع قبية سخونة فزرق غامق فوقو مونطو كحل و سبرديلة كحلة (شتو لابسة كولشي كحل ماعرفت كي دارت لبسات ديك لقبية زرقة) و بعد تفكير عميق قررات دير الايلاينر ... لقاتو كَالس فصالون كايبقشش فتيليفونو تا كاتوقف عليه
ليالي : ساليت (تا سير مسحليها را كاتسناك 😂😂)
ليث : (دار ليها سكانير بعينيه و هدر بحدة) زيدي قدامي و عنداك يكَولك داك راس ديري هاك و لا هاك و تا لاكَالهالك و جربتي تهربي ماغاتقدريش
ليالي : و ماغانهربش
ليث : (بشوفات و صوت حاد) تحركي
ليالي : (تمشات قدامو و هي كاتافف حيت ماكاتحملش يآمرها شي واحد و عاد دوك الشوفات اللي كايدير فيها كايخوفوها لداكشي ماكَالت والو ... ركبو فسيارة اللي كان ليث موصي باش يخرجوهاليه من لباركينغ و طبعا مانحتاجشش ندوي على فخامتها يكفي ان مالكها هو ليث كمال ... طريق كاملة و هوما ساكتين ليث كايسوكَ و مرة مرة كايخطف شوفات من ليالي و هي حاطة راسها على الزاج و كاتشوف فالطريق و مرة مرة كاتبتاسم و هي حاطة يدها على كرشها فاش كاتفكر انها غاتولي ام و يولي عندها بيبي صغيور تبقى تلعب معاه و النقطة السوداء فهادش يكولو انو باباه ليث ، ماعرفاتش علاش كاتحس انو غايكون ولد ماشي بنت و ايلا كان حدسها صادق غادي تربيه و يكون راجل و نص و تعلمو مايتعداش على بنات الناس و يتفلى عليهوم بحال باباه ....
أنت تقرأ
بين أحضان وحش لا يرحم
Action♤ هي فتاة جميلة ، فاتنة ،قوية ، جريئة ، لطيفة ، ذكية ، عنيدة .... تهوى الدراسة و الحواسيب ... و في إحدى الأيام شاءت الأقدار وضغطت على زر من ازرار لوحة المفاتيح الذي من المفترض ان لا تضغط عليه .... ♤ هو قاسي ، شجاع ، قوي ، عنيد .... و بطبعه هذا جعل ك...
