بين أحضان وحش لا يرحم

الجزء 50 🖤🖤

بسم الله الرحمان الرحيم

*السعادة طريقة لا طريق 💜
*سينجلي حزنك و يخضر كل غصن يابس 💐

...........

        # عند ليالي

كانت ناعسة حالة فمها و كل رجل فجيه و شعرها بحالا منتوف (حالتي كل صباح 😂) ... دخلات عليها إخلاص بشوية و طرشاتها ... فاقت ليالي مفزوعة كادور راسها باش تشوف المجرم و هي تلمح إخلاص شافت فيها عاضة على شفايفها ، ناضت جبداتها من شعرها و بقات كاضرب فيها ...

ليالي : ياك ا لكلبة يا لبغلة مالناا على صبااحاتو الله ماالكي
إخلاص : (و هي فشلانة بالضحك ماقادراش تا دافع على راسها) طلقي طلقي صافي سمحيلي
ليالي : (جمعاتها معاها بقرصة ففخادها و بعدات) باااش عممرك تعااودي (فاش كنت كاندير شي زبلة و ضربني ماما هادي هي الجملة اللي كانسمعها 😂 ولا فاش نبقا نجري و نطيح و نجي عندها تكَوليا هاكاك حسنلك باش عمرك تعاودي تجري بلا ماتشوفي قدامك 😂)
إخلاص : (ناضت إخلاص وقفات من بعدما كانت طايحة فلرض مشات عند ليالي و عنقاتها) وصافي سمحيلي الله يحفضااك
ليالي : بعدي مني ا لبكَرة
إخلاص : (زيرات عليها) عفااك صافي سمحيلي
ليالي : (عنقاتها (شوفولي لزبيانات 😂 غير كانضحك) ماشي موشكيل ولاكين ماتعاوديش راكي طيرتيها مني خلعة
إخلاص : واخا
ليالي : (بعدات عليها) ماغاتمشيش ل لافاك
إخلاص : لا غادي نمشي غايوصلني زياد من بعدما نفطرو
ليالي : ايوا مزيان
إخلاص : سيري غسلي وجهك و بظلي باش نهبطو نفطرو
ليالي : واخا ...

كانو كَالسين كايفطرو بهدوء ليث غادي للخدمة و زياد غايوصل إخلاص و تا هو غايمشي للخدمة و ملاك و محسن غايمشيو يقراو ايوا و ست الحسن ليالي غاتبقا فدار ، ناض ليث و عيط ل ليالي كان واقف حدا باب دار و هي واقفة اونفاص معاه كاتشوف فيه ...

ليث : بغيتي نجيباك شي حاجة
ليالي : (حركات راسها ب لا) مابغيت والو
ليث : (جرها عندو عنقها حاط ذقنو على راسها) قريب غايسالي هادشي و نعيشو حياتنا عادي
ليالي : (عقدات حواجبها باستغراب) علاياش كاتهدر
ليث : من بعد و تعرفي (باسها فراسها و بعدها عليه) غانمشي دابا ماتخرجيش صافي
ليالي : (حركات راسها باه) واخا

دار عاطيها بظهرو و هي مشات ودعات إخلاص و خوتها و طلعات للبيرو ديال ليث بقات كاتشوف شي رواية تقراها تا طاحت عينها على وحدة ■الأسود يليق بك■ شحال من مرة سمعات على هاد رواية و لاكين ماجرباتش تقراها خرجات من لبيرو سادة موراها لباب و مشات لبالكون بيتها كَلسات كاتقرا بقات شي تلاتة و لا ربعة دسوايع و هي غير كاتقرا سدات لكتاب و رجعاتو للبيرو هبطات لتحت حيت جاها جوع كلات تا عمرات كرشها مزيان و رجعات طلعات لبيتها كَلسات فلبالكون و بقات كاتشوف ، كاتموت على شي حاجة سميتها الهدوء و انها تكَلس بوحدها تشم لهوا و لا تمشى فليل بعض لمرات كانت كاتسلت بلا خبار واليديها فليل و كاتمشي تمشا و ماكاتخافش كاتلبس لباس عريض و كادير لقب فوق راسها و كاتبقا تمشى كاتبان بحال دري واحد لمرة خرجات معاها إخلاص بقاو كايتمشاو فلغابة و كل مرة تبدا تطلق حلوقها فاش كاتخيل بحالا كاينين جنون ... ليالي مختالفة بشخصيتها تفكيرها و افكارها يقدر تكون كاتشبه باباها فشي حوايج مثلا انو ماكايشكيش و كايعجبو يقرا الكتب و ماكايكدبش من نهار حلات عينيها عمرها سمعات باباها كَال شي كدبة او لا عطاها كلمة و مانفدهاش ، رغم انو كان جيبو على قد الحال الا انو كاتضرب بيه المثل كان نعن الرجل بأخلاقو و طيبتو ، و تعلمات من ماماها الصبر ، فاش كانو كايطلبو منها الاساتظة توصف شي واحد من عائلتها كانت كاتوصف ماماها بالصبر الكبيير ، و باباها بالصدق و كفاحو على قبلهوم ... حطات يدها على كرشها اللي خرجات غير شوية بحالا غير غلاضت ماشي حاملة ، بقات كادوز يدها عليها و تبتاسم مامتيقاش غادي تولي ام و غايكون عندها ولاد ، دابا مابقاتش فكرة انو ليث باباهوم كاتعصبها لا بالعكس ولات فرحانة حيت هو باباهوم ... شافت طوموبيل ديال شيفور نازلة منها إخلاص عيطاتليها بجهد باش طلع لعندها ... طلعات لعندها و بقاو كايهدرو و إخلاص كاتعاودليها على اش وقع معاها و كيدايرا ديك لبلاصة ...
كانت ليالي و إخلاص بوحدهوم اللي كَالسين على طبلة كايتغداو ليث و زياد ماجاوش الشي اللي خلا ليالي تشطن و تا إخلاص ، كلات غير بزز و كل وحدة طلعات لبيتها باش ترتاح ... ليالي بقات غير كادور فبيتها و تدعي مايكون واقع ليه والو خصوصا و انها عارفة كايخدم فلمافيا خايفة تكون وقعات ليه شي حاجة تنهدات و بدات كاتردد الحديث اللي كايريحها { يَا غُلَامُ إِنِّي أُعَلِّمُكَ كَلِمَاتٍ احْفَظْ اللَّهَ يَحْفَظْكَ احْفَظْ اللَّهَ تَجِدْهُ تُجَاهَكَ إِذَا سَأَلْتَ فَاسْأَلْ اللَّهَ وَإِذَا اسْتَعَنْتَ فَاسْتَعِنْ بِاللَّهِ وَاعْلَمْ أَنَّ الْأُمَّةَ لَوْ اجْتَمَعَتْ عَلَى أَنْ يَنْفَعُوكَ بِشَيْءٍ لَمْ يَنْفَعُوكَ إِلَّا بِشَيْءٍ قَدْ كَتَبَهُ اللَّهُ لَكَ وَلَوْ اجْتَمَعُوا عَلَى أَنْ يَضُرُّوكَ بِشَيْءٍ لَمْ يَضُرُّوكَ إِلَّا بِشَيْءٍ قَدْ كَتَبَهُ اللَّهُ عَلَيْكَ رُفِعَتْ الْأَقْلَامُ وَجَفَّتْ الصُّحُفُ} ... بتاسمات تلقائيا من بعدما سالات ترديد هاد ااحديث النبوي اللي كانت حفظاتو شحال هادي من كترة ماكاتقراه فاش ماكاتحسش براحة ... بعد مدة مشات نعسات بعدما قرات شوية دلقرآن ... فاقت على صوت ضحك ملاك و محسن فلكولوار ، ناضت غسلات وجها توضات و صلات و مشات فاتجاه بيتهوم كانو كايحطو محافظهوم تبسموا فاش شافوها و مشاو عنقوها بقات معاهوم كايعاودوليها على نهارهوم كيداز و اشنو دارو ... طاح ظلام و هو مزال ماجا كانت كَالسة تاني فلبالكون كاتشوف فسما و نجوم اللي مزينينها صلات لعشا و وصلات تسعة و هو هاد ماجا (ركزولي على لقافية الله يخليكوم 😂😂 تحملوني شوية) هبطات كلات و فنفس الوقت كاتهدر مع إخلاص و خوتها من بعد كل واحد طلع لبيتو حيت غدا غادي يمشيو يقراو الا ليالي اللي كَلسات فصالون شعلات تلفازة و كل مرة كاتشوف فساعة بقات شي ساعتين كاتفرج تاكاتمسع صوت طوموبيل ناضت بزربة وقفات فلباب كان نازل هو و زياد اللي باينة علامات الفرحة فوجهو ...