بسم الله الرحمان الرحيم
*و إن ضحك ثغر أبي يفنى الحزن 🥀
*الكلمات غيوم تمطر الدمع فيما بعد 🍂
........
# عند إخلاص
داز نهارها مع زياد حبقلبها 😂 داها للترويض و من بعد فطرو حدا لبحر و بقاو كايدورو شوية و فلعشية رجعو بقات كَالسة فجردة فاش مالقاتش ليالي و فاش جا ليل و وقت نعاسها نعسات (شتو شتو دغيا داكشي مشات مع زياد و كَليات فجردة و نعسات صافي هاهو نهار كمل 😂😂) ... تبدلات مابقاوش التيتيز كايلفتو انتباهها (السيدة تعمات واش من نيتها مايلفتوش انتباهها التيتيز 😂) زياد اللي قدر يملك قلبها فظرف قصير ، ولات كاتبغيه بزااااف و ماتقدرش تنعس بلا ما تفكر فيه ...
# عند سمر
كانت كَالسة متكية على لكادر د ناموسية مسرحة رجليها و حاطة فزق فخادها لبيسي كاتفرج فلمسلسل تا كايدخل عليها وائل ماحساتش بيه حيت كانت دايرة لكيت فودنيها و زايدة الصوت تا للخر و كاتبكي حيت البطل و البطلة تفارقو ... عيط عليها وائل والو ماجاوباتوش لاهية كاتمسح خناينها بكم يدها عاود لمرة تانية والو و تالتة و رابعة غوووت بجهد سااامااااار
سمر : (حيدات لكيت من ودنيها و حبسات لمسلسل) اويلي اش واقع
وائل : من قبيلة ا لمرض و انا كانعيط مالكي صمكة
سمر : مالك تاني
وائل : استاذ أسامة جا
سمر : (حيدات لبيسي على فخادها و كَلسات) اويلي على جا
وائل : جا باش يديرلك السوايع مالكي فيك زهايمر
سمر : (و هي كاتصايب فشعرها) فينو
وائل : لتحت
سمر : واش انا اللي غانطلع و لا هو
وائل : (تنهد) ماعرفتش
سمر : مافيا اللي يهبط كَولو هو يطلع (شافت فبيتها لمرون و رجعات شافت فوائل) خويا زوين لبوكَوص طرف شوية حالة لبيت ختك مهرسة احميمتك (شافت فيه دوك شوفات لبريئين)
وائل : (بعد تفكير قصير بدا يجمع شوية لبيت كايهز لحاجة اللي مامقاداش كايخشيها فلماريو هز المعطر و رش مزيااان و ها هو لبيت تنقا
سمر : الله يحفضاااك ا توأمي الجميل
وائل : (بتاسم ليها) غانمشي نعيطلو
سمر : سير
قدات شعرها بيدها و عاود جمعاتو كودشوفال و مشات كاتنقز برجلها كَلسات فوق لكورسي ديال لبيرو جبدات كتوبتها و حطاتهوم كادير راسها مجتهدة زعما ، تا كايتم باناقتو المعهودة و وسامتو الطاغية داخل شافت فيه و بتاسمات ابتسامة عرييضة و هو بادلها ابتسامة خفيفة ... شيرات بيدها للكورسي اللي كاين حدا طابلو درسم ...
سمر : ها هو لكورسي
أسامة : (جاب لكورسي و حطو حداها و كَلس حاط محفظتو فوق لبيرو شاف فيها) لاباس عليك
سمر : الحمد لله و نتا
أسامة : الحمد لله ، كايبان ليا كنتي كاتراجعي
سمر : اه
أسامة : اممممم مزيان (شاف فلبيسي اللي محطوط فوق ناموسية و مشعول على المسلسل) و هاداك كان كايحفظ معاك
سمر : (بضحكة صفرا) قبيلة كنت كانتفرج و دابا كانحفظ فهمتي
أسامة : واخا اذا غانبداو بالدروس اللي مافهمتيهومش
سمر : كولشي كولشي مافهمتوش انا عارفة الاعداد و ناقص و زائد لباقي كولشي ماعارفاش
أسامة : (شاف فيها بصدمة) كيفاش نجحتي
سمر : دعوة الواليدة و شوية دلحروز
أنت تقرأ
بين أحضان وحش لا يرحم
Action♤ هي فتاة جميلة ، فاتنة ،قوية ، جريئة ، لطيفة ، ذكية ، عنيدة .... تهوى الدراسة و الحواسيب ... و في إحدى الأيام شاءت الأقدار وضغطت على زر من ازرار لوحة المفاتيح الذي من المفترض ان لا تضغط عليه .... ♤ هو قاسي ، شجاع ، قوي ، عنيد .... و بطبعه هذا جعل ك...
