بين أحضان وحش لا يرحم

الجزء 39 🖤🖤

بسم الله الرحمان الرحيم

*{قُلْ يَا عِبَادِيَ الَّذِينَ أَسْرَفُوا عَلَى أَنْفُسِهِمْ لَا تَقْنَطُوا مِنْ رَحْمَةِ اللَّهِ إِنَّ اللَّهَ يَغْفِرُ الذُّنُوبَ جَمِيعًا إِنَّهُ هُوَ الْغَفُورُ الرَّحِيمُ [الزمر:53]} صدق الله العظيم
(كاين اللي تلقاه كايكَول اودي درت بزااف ديال دنوب فحياتي ربي موحال واش الله يغفر ليا واخا صليت و درت اللي درت اللهما نبقا هاكا ... عمرك ماتكَول هاكا وخا تكون داير شنوما درتي ان الله غفور رحيم ، يكفي انك توب لله ماشي تكَول بحال ديك لهضرة الله ماكاينسا حد ماكاينساش عبادو و لكن العبد كاينسا ربو اللي خلقو من نطفة قد قطرة لما و هاهو كايمشي على رجليه قدو قد سخك ... الله كايكَولك {فإني قريب أجيب دعوة الداع إذا دعان} و نتا و لا نتي ماكاتصلي تا كايقرب الامتحان نتا كاتصلي فديك اللحظة و كاتدعي الله ينجحك حيت عارفو غادي يستاجب دعائك باش تعرف انو مهما كبرات معاصينا و اخطاءنا كايبقا شوية دلإيمان فقلوبنا ، علاش ماتبقاش ديما تصلي و تدعي الله اش خاسر ايلا صليتي حيت عكَزتي و لا غاضيع عشرة دقايق من وقتك و لا حيت راك كاتلعب طرح ففري فاير و ماخاصكش تخسر ايلا كان على قبل هادشي خاصك تفكر انو دنيا فانية و غايبقاو غير اعمالك ...)

.........

بعد 3 أيام ⏳⏳⏳

# عند زياد

الايام بتلاتة دازو عليه بشكل عادي من غير انو حبو لإخلاص كايتزاد كل نهار بمجرد ماكايسمع صوتها و كايشوف فعينيها كايحس بلي ملك الدنيا و ولات من ضمن مخططاتو الاساسية صوتها هو بحال جرعة كوكايين خاصو يسمعو كل نهار و ولات من ضمن مخططاتو المستقبلية انو يتجمعو بجوج ولاكين تا تستاقر الاواضاع فحياتو و يحقق هدفو .....
كان هو و ليث فلبيرو كايهدرو ...

زياد : منين عرفتي هاد لمعلومات كاملين ا خويا كيدرتي وصلتي للموقع ديالو
ليث : مرات خوك لمستقبلية هي اللي دارت هادشي
زياد : (ضحك) ناااري ماتكَولهااش
ليث : (رسم ابتسامة على شفايفو) واييه
زياد : بيني و بينك تيتيزة و حق رب واش دايرة ليلونتي
ليث : (خنزر فيه) جمع راسك
زياد : عشت و شفت سي ليث كايغير
ليث : باراكا من لهدرة لخاوية
زياد : (رجع ملامحو للجدية) هاني
ليث : بما انو تاكدنا بلي جلال العمراوي هو نفس الشخص اللي كانقلبو عليه غادي نبداو نضربو ضربتنا غير بشوية فلول الصفقات كولهوم غايتخربو من بعد الاملاك حاجة بحاجة تا يدير سيزي و ولدو يمشي للحبس و فتالي غادي يبقا الجزء الاساسي من هادشي هو القتل
زياد : كيفما حرقلينا قلبنا غادي نحرقوه
ليث : (عينيه حمرين) بالضبط

بقاو كايهضرو فلخدمة و فالفرع ديال الشركة اللي فلمغرب اللي تحسنات من بعدما خدم عليها زياد منين كان تما .... فوقت معطل من ليل كان كَالس كايتفرج ففيلم فبيتو سالا لفيلم و نعس ...

# عند إخلاص

دازو هاد تلتيام عادي كانت كاتوجد فيهوم حوايجها و ماماها كاتوجد حوايج محسن و ملاك و طبعا تعرضات لأسئلة من طرف خوها بخصوص فين غاتمشي عندمن غاتمشي فوقاش غاترجع و تم ختم الاستنطاق بالتوصيات بعدم التاخر كثيرا و اعطائه لها خمسمئة درهم كي تشتري ما تريده فعنقته شاكرة اياه 😂😂 ... كانت فرحانة لابعد الحدود فاش شافت صاحبتها كاتحس بلي شي قرن ماتشاوفوش و على قبلها حاولات توقف على لعكاز و مابغاتش تستعمل لكرسي المتحرك باش ليالي ماتحسش بتانيب الضمير حيت داتها معاها داك نهار و فهاد تلتيام كانت كاتفورصي على راسها كانت كادير ترويض بشكل مضاعف الشي اللي خلاها تقدر توقف و لو غير شوية ... فاش شافت ليث جاها تيتيز واااعر لعضلات و طولة و تجريدة و زين و تبوكَيصة و لاكين ماقدراتش تبغيه كاتحش بلي قلبها ولا فيه شخص واحد هو زياد اول مرة كاتحس بحال هاكا شحال عجبوها ديال دراري و شحال كان كايعجبها ولد حومتهوم لمخنن صلاح و محمد ولد لكوميسير اللي كان كايقرا معاها و كل نهار كان كايجيب ليها شكلاط و بيموات و لمسكة و كايجيب معاه لمينوط دباه و كايكَوليها اللي قرب عندك نربط ليه يديه ، و جلال (الله يذكرك بلخير ا استاذي الكريم 😂😂) اللي طلع شفار من صغرو كان كايسرق الذهب لمو و يجيبوليها و كل يوم يطلب منها زواج فاش كايكَلسو بجوج فلفرونسي و كايكَوليها "est ce que tu peux me tzwji moi et ndiro les poutits enfants" و زيد و زيد ... كاتعتارف بكل قواها العقلية انها اول مرة كاتبغي شي واحد قد زياد رغم انو كان سباب فأديتها الا انو كان سباب فإنقاذها اهتمامو كلماتو مساندتو ليها خلاوها تبغيه بلا هواها ...