بسم الله الرحمان الرحيم
*ماذا تخبئ لنا أيها القدر أ أفراح كنكهة الشكولا ؟ أم أحزان كنكهة الملح مع الليمون ؟ 🦋 ♡بقلمي♡
*أستغفر الله العلي العظيم الذي لا إله إلا هو الحي القيوم و أتوب إليه
اهلا اهلا اهلا زيدو دخلو تفضلو نورتو 😂😂 كانتمنى تكون بيخير و على خير ا بطاطاتي و بصلاتي 😂 شكراااا من اعماق قلبي على الدعم ديالكوم عرفتو غي رفاش كاتقراو لقصة را هادشي كايعنيلي بزاااف و عاد ماعساك تفوطيو و تكتبو تعليق كانبغيكوم بزاااف 💛💛
نرجعو فين كنا ⏪⏪⏪
⏳ بعد يومين ⏳
# عند ليالي
كانت كَالسة فلبالكون من بعدما دارت روتينها دوشات صلات و فطرات ... كانت كَالسة بهدوء كيف كانت هاد ليومين كاتصنط غير لعقلها و قلبها رغم انها ماكاتدويش ولاكين عقلها كايدوي بزااااف ... كانت مركزة نظرها فنقطة وحدة و كاترمش مرة مرة بثقالة كايعمرو عينيها بالدموع كاتعلي راسها و كاتنهد تنهيدة طويلة بصوت مسمموع عل و عسى تخرج معاها داك الالم اللي كاتحس بيه لداخل ولاكين ماقدراتش ... ليالي بطبيعتها ماكاتشكيش لغيرها واخا يوقع اللي يوقع من غير إخلاص اللي واخا صاحبتها و بحال ختها ترباو مجموعين و لاكين قليل فاش كاتشكيلها ... فاش كاتكون مجرووحة و خاطرها ضارها بزااااف كاتبقا كَالسة بهدووء و لا كاتكتب و كاتخوي داكشي اللي فقلبها و عقلها فشي ورقة و هادو اكتر حوايج كايريحوها ، بطبيعتها قوية كاترفص تبان ضعيفة قدام واحد اخور و تا دموعها ناادراا بزاااف فاش كاتشوفهوم إخلاص و لا ماماها و خوتها و باباها و الغريب الوحيد اللي شاف دموع المها و عذابها هو ليث ليث اللي كاتكرهو و لاكين كاتكره كتر نفسها اللي ماقادراش تزيد تكرهو و تحقد عليه نزلات من عينها دمعة حارة كاتعبر على الالم اللي كاتحس بيه و لاكين ديك دمعة ماقادراش تخرج دوك الاحاسيس من قلبها تنهدات تنهدية استسلام لدموع المها بداو ينزلو الدموع شلال من عينيها و هي كاتفكر كيفاش تقلبات حياتها رأسا على عقب فرمشة عين تبدل كولشي بين ليلة و نهار تضربات صاحبتها برصاصة و ماتت و بقات عايشة على فكرة موت صاحبتها تا عرفات بانو كانت غالطة ، فقدات شرفها ، تحبسات وسط ربعة دلحيوط اه هي محبوسة فقصر ولاكين انو تفقد حريتك ماكايهمش كيف غادي يكون سجنك يكفي انك فقدتي الحرية ديك ساعة فين ما تحبستي ماغاتبدلش حقيقة انك سجين يمكن بزاف منكوم غادي يكَولو واخا نتحبس طول حياتي فقصر قدو قداش و زوين بحال ديال ليث ماغاديش نمل ولاكين تفكرو ان لكلام ساهل و التطبيق صعيب السجن ماكايتقاسش على لبلاصة اللي نت محبوس فيها يكفي انك محبوس ماشي حر ! ... تيتمات و هي فعز شبابها يلاه مولات 18 عام و اللي كايزيد يحرقها خوتها اللي تحرمو و مازال ماشبعوش من واليديهوم و هوما فعمرهوم 7 سنين و قرايتها اللي ماكانتش كاتحمل تغيب عليها تا منين كاتمرض هي كاتبغي تقرا و اوائل اهدافها كاتكون متعلقة بلقراية و ها هي دابا دازت كتر من شهر ماقراتش فيها غمضات عينيها بالم و هي كاتشهق رتافعو شهقاتها و جهاد بكاها فاش تفكرات انو من فوق هادشي كامل هي هازة طرف دلحرام فكرشها هازة طرف منو هو اللي كان السباب فهادشي كولو
أنت تقرأ
بين أحضان وحش لا يرحم
Action♤ هي فتاة جميلة ، فاتنة ،قوية ، جريئة ، لطيفة ، ذكية ، عنيدة .... تهوى الدراسة و الحواسيب ... و في إحدى الأيام شاءت الأقدار وضغطت على زر من ازرار لوحة المفاتيح الذي من المفترض ان لا تضغط عليه .... ♤ هو قاسي ، شجاع ، قوي ، عنيد .... و بطبعه هذا جعل ك...
