بسم الله الرحمان الرحيم
*لا تثق في البدايات فأصدق كلام يقال في اللحظة الأخيرة 🖤
*عندما لا تعرف أين تذهب اتجه نحو الله 🦋
.........
# عند إخلاص
فصباح مشات ل لافاك اللي جاتها بحال بلاد العجائب فيها اشكال و الوان و انواع ديال الناس و شحال كبيرة تبارك الله دير سطاش من لافاك اللي كانت كاتقرا فيها ... رجعات لدار و هي مافرحاناش حيت واحد الاستاذ عطاهوم يديرو بروجي ... كانت كَالسة فلبالكون كاتفكر فيه زعما فين غادي يكون شنو كايدير عنداك تكون واقعالو شي حاجة بحال لمرة اللي فاتت ، تنهدات حابسة دموع فعينيها ... بعد مدة قصيرة ناضت نعسات ...
# عند سمر
كانت جوج ديال الظهر و هي باقا ناعسة فاقت و رجعات نعسات مابغاتش تفكر حزنها و الكريقة باش ماتفكرس و ماتبكيش هو نعاس ، ولاكين معامن دخلات عليها ياقوت ...
ياقوت : اويليي باقا خاامرة نوووضيي
سمر : (حطات لمخدة على راسها) دابا لعطلة ا ماما خليني ننعس
ياقوت : نتي خمرتي ماشي غير نعستي نووضي تهزي دوشي و مشطي شعرك قادي حالتك (حيدات عليها لمخدة و لغطا)
سمر : (ناضت كَلسات حالة عين و سادة عين و بحالا ضربها ضو فشعرها) مااالنا على صباح
ياقوت : تهزززي نووضي دوشي و كمدي عضيماتك فلما سخون و فكي داك شعر
سمر : و علاش ا ماما بنتلك موسخة يلاه عاد كي دوشت
ياقوت : نوووضي
ناضت سمر بزعفة عمرات لبانيو و تخشات فيه ماباغاش تفكر فيه و لاكين اللي قاهرها انو ماتقدرش تكرهو و لا تحيدو من قلبها ، دوشات و خرجات نشفات شعرها و خلاتو مطلوق ، سمر ديما جامعة شعرها ماكاطلقوش الا ناادراا ... هبطات تغدات و طلعات تاني لبيتها اللي كانت جمعاتو حورية جبدات كتوباتها و بدات كادير تمارين ديال لعطلة (الله يذكرهوم بلخير 😂😂) بقات هاكاك شي ساعة كاتحاول تلهي راسها بتمارين سالات و رجعات ادواتها لبلاصتهوم و يلاه غاتلاح على ناموسية تكا تفرج و هي تحل عليها ياقوت لباب ...
ياقوت : (شادة فيدها قفطان) هاكي لبسي هاد لقفطان رانا معروضين لعرس ليوما
سمر : (حلات عينيها بفرحة) كَولي و الله غايديرو لبسطيلة
ياقوت : منين غانعرف انايا لبسي و قادي حالتك ماتعطليش و فاش نكَولك هبطي اجي
سمر : واخا (شدات من عندها لقفطان و ياقوت مشات فرحات و اخيرا غاتلقا فاش تلها ، لبسات لقفطان و كَلسات كاتماكي ، ماجلخاتش وجها دارت حاجة خفيفة و خلات شعرها مطلوق و بوكلاتو شوية من لتحت وقفات لبسات طالون و رشات ريحتها هزات واحد ساك دلعراسات دارت فيه تيليفونها و لعكر و كلينيكس و مسكة و مسكارا (مامحل اعراب لمسكة من هادشي 😂) ... حلات عليها ياقوت لباب كانت لابسة قفطان و دايرة زيفها و لكحل فعينيها و شافت فيها قرات عليها لمعوذتين و اية لكرسي (العادات و التشاقاليد 😂😂) ...
أنت تقرأ
بين أحضان وحش لا يرحم
Action♤ هي فتاة جميلة ، فاتنة ،قوية ، جريئة ، لطيفة ، ذكية ، عنيدة .... تهوى الدراسة و الحواسيب ... و في إحدى الأيام شاءت الأقدار وضغطت على زر من ازرار لوحة المفاتيح الذي من المفترض ان لا تضغط عليه .... ♤ هو قاسي ، شجاع ، قوي ، عنيد .... و بطبعه هذا جعل ك...
