بسم الله الرحمان الرحيم
*لا تعاشر ثريا ، فإن سايرته في الإنفاق أَضَرَّ بك ، و إن أنفق عليك أَذَلَّك ❤
*فالخوف من الموت ، موت يمتد مدى الحياة 🖤
.........
نرجعو فين كنا ⏪⏪⏪
# عند زياد
داز نهارو عادي ما بين لخدمة فالشركة و دار اللي كايرجع ليها باش ينعس و ياكل ... فليل صونا عليه ليث ...
ليث : الو
زياد : خويا لاباس
ليث : الحمد لله و نتا
زياد : لاباس ، امدرا كاين شي جديد
ليث : مابقا والو قريب
زياد : (ضحك) و هادي خبار زوينة الحمد لله ، صبار صبار صبار كيدرتي ليها
ليث : ماشي انا
زياد : و شكون
ليث : من بعد و تعرف يلاه الله يعاون
زياد : بسلامة
من بعد بقا شحال خدام فلبيسي و مشا نعس ...
# عند إخلاص
إخلاص ماكاينش شي جديد فحياتها كاتقرا من الانترنت و كاتحاول دير ترويض و كلات و نعسات و فالليل هدرات شوية مع زياد و نعسات ...
# عند سمر
كانت داخلة مع باب لمدراسة دايرة لكيت فودنيها و مجهدة لموسيقة خاشية يديها فجيابها و كاتمشا ... قبل ماكانتش هادي عادتها و لاكين دابا ولات كادير لكيت فودنيها و طلق لموسيقى مجهدة باش ماتسمعش تعليقات لبنات عليه فاش كايشوفو تصاورو فالانستاgرام ، ولا فاش شي وحدة فيهوم كادير راسها مافاهماش درس و كاتدخل عندو للبريفي كادير السبة انو مافهماتش باش تهدر معاه ... المرات الاوائل فاش كانت كاتسمع هادشي كولو ماكانتش كاتستحمل و بزز كاتحكم فراسها باش كاتمشيش تنتف شي وحدة ولاكين دابا ولات باش ماتسمعش داكشي اصلا كادير لكيت و تجهد لموسيقى تا كاتبدا لحصة عاد كاتحيدهوم ... كانت عندها حصة الفلسفة
سالات الحصة اللي كانو كايديرو فيها لفرض ، و دخل استاذ ديال الرياضيات اللي هو أسامة بطبيعة الحال فاش دخل عينيه مشاو نيشان لعندها كانت كاتجبد شي حاجة من لمحفظة ، لقا السلام و جبد لبيسي فتحو على الدرس و كَال للتلاميذ باش يجبدو دفاترهوم باش يراقب التمارين ... بقا كايدور على التلاميذ تا وصل لعندها لقاها كيف عادتها كاترسم شاف فلورقة كانت كاترسم وجه شي راجل شاف فيها ...
أسامة : فيناهوما تمارين
سمر : (ببرود و عينيها فلورقة كاتفادى تشوف فيه) مادرتهومش
أسامة : (عقد حواجبو) و علاش
سمر : ما بغيتش
أسامة : و علاش خوك دارهوم (شاف فيه) فكرني فسميتك
وائل : وائل المريني
أسامة : شتي خوك دار تمارينو (تعصب فاش شافها مامصوقاش ... بحدة) فاش نكون كانهدر معاك شوفي فيا
سمر : مابغيتش
أسامة : (خدا ديك لورقة و قطعها) باش لمرة جاية تعلمي تسمعي لهدرة
سمر : (عينيها عمرو بالدموع و هي كاتشوف الورقة اللي رسمات فيها اغلى شخص بالنسبة ليها مرمية فلرض ... علات فيه عينيها) علاش قطعتيها حرام عليك
أسامة : (بحدة) نوضي تبعيني وماتخلينيش نعاود هدرتي جوج مرات حيت ديك ساعة غانكتبلك مخالفة ...
أنت تقرأ
بين أحضان وحش لا يرحم
Action♤ هي فتاة جميلة ، فاتنة ،قوية ، جريئة ، لطيفة ، ذكية ، عنيدة .... تهوى الدراسة و الحواسيب ... و في إحدى الأيام شاءت الأقدار وضغطت على زر من ازرار لوحة المفاتيح الذي من المفترض ان لا تضغط عليه .... ♤ هو قاسي ، شجاع ، قوي ، عنيد .... و بطبعه هذا جعل ك...
