بسم الله الرحمان الرحيم
*وقد سألت الدنيا لما لم تسعفيني ؟ لم تسمعي كلامي حين قلت زمِّليني ، أبيتِ أن تضمدي جروحك في قلبي ، في العسر العسر لم أجدك ِ أطفأتِ نور دربي 🥀
(الدنيا فانية و ماهي إلا محطة اختبار نحن بني آدم و أصلنا من الجنة و ماهذه الدنيا إلا محطة عمل و اختبار و ابتلاء ... هذه الدنيا و ما فيها لا تساوي عند الله و لو جناح بعوضة يا لدنائتها لذلك سمية ب دنيا و ليست بعليا ... قال الله تعالى {كُلُّ مَنْ عَلَيْهَا فَانٍ* وَيَبْقَى وَجْهُ رَبِّكَ ذُو الْجَلالِ وَالإِكْرَامِ[الرحمن(26)(27)]} )
سااااالاااااام هاني جيت و جبت معايا لجديد و كانتمنى تكونو بيخير و بالف خير و نتوما كاتقراو هاد لبارت كانشكر اي وحدا كاتقرا لقصة و متبعاها و كانشكر اي وحدا دارت نجمة او كتبات كومونتير شكراااا من كل قلبي 💛💛 و ماكرهتش تشاركوني اراءكوم و توقعاتكوم
نرجعو فين كنا ⏪⏪⏪
# عند ليالي و ليث
هبط لقاها عاود شعلات تلفازة كاتفرج فطر ... وصا لخدمات عليها و تم خارج ... ليث مشا قضا شي شغل بخصوص لخدمة و توجه لشركة ديالو اللي متخصصة فالمجوهرات بقا كايشوف و يختار سناسل باش يصوروهوم و يدفعوهوم باش يتخدمو ... لمح واحد سنسلة كانت زوينة و فنفس الوقت بصيطة كان مكتوبة فيها Queen و فيها حبيبات الالماس و زمرد لونو ازرق كايشبه ل لون عينيها ابتاسم فاش شافها و سرعان ما مشا تفكيرو ليها طلب من سكرتيرة باش ديرو فلبواطة ديالها و جابتهالو دار لبواطة فجيب دلمونطو و كمل خدمتو ... تا جا وقت لغدا لبس مونطوه ركب فسيارتو و تاجه للقصر باش يتغدا ... وصل عطا للكَارد لكونطاكط باش يبلاصي لوطو تم داخل لدار و هو يسمع صوت ضحكها فجردة عقد حواجبو باستغراب و مشا متبع صوتها ... كانت كَالسة مربعة رجليها فلرض كاتلعب مع داك نمر صغير ... حل عينيه على جهدهوم بسباب الصدمات اللي تصدمهوم
كيفاش عرفات بلي عندو نمورة ... اش داها لديك لبلاصة ... واش ماكاتخافش منهوم هاد سؤال بالضبط هو اللي دار ليه طننن فراسو
ليث : (وقف عليها كي قباض رواح) شنو كاديري
ليالي : تفوووو خلعتيني واش ماكاتعرفش دير لحس
ليث : (تنهد) مابغيتش نضربك ... ماتبقايش تكَولي تفوو
ليالي : واخا مانعاودش (و رجعات كاتلعب مع داك نمر بلعات ريقها فاش تفكرات بانو ايلا عرف يقدر يدير ليها الاعدام حيت ديما كايكَوليها حاجتي ماتقربيلهاش او ايلا بغيتي شي حاجة اجي سوليني ... هزات عينيها فيه لقاتو مزال واقف ناضت وقفات و تعلق فيها داك نمر نقز عليها و هي تهزو)
ليالي : (شافت فيه) احم هانتا شوف ماضربنيش الله يسامح را غير داك نهار كنت كانتمشا فجردة و لقيت داك لباب حليتو لقيت فيه نمورة و انا كايعجبوني بزااااف و بقيت كل مرة كانلعب معاهوم و صافي را مادرت ليهوم والو غير كانلعب و صافي و الله
ليث : (خاشي يديه فجيابو) و علاش ما كَلتيليش هادشي
ليالي : غير نسيت
ليث : (بعد صمت) واش ماكاتخافيش منهوم
ليالي : لاا كايعجبوني بزاااف ماكرهتش نربي شي نمر صغير و لا شي ديب حيت كايعجبوني
ليث : (بصدمة) تا دياب
ليالي : (بتاسمات) اااه و بزاااف ... (حنات راسها) ديما ماما الله يرحمها كانت كاتكَولي لواحد كايبغي لحاجة اللي كاتشبهلو و نتي كاتبغي دياب و نمورة حيت كاتشبهيهوم بدوك لعينين وبداك لعقل (نزلات من عينها دمعة حارة و علات عينيها فيه) حرام عليك علاش قتلتيهوم هوما مادارولك والو
ليث : (زير على سنانو) شحال من مرة كَلتلك انا ماقتلت حد ما قتلتهومش هوما ماتو بكسيدة
ليالي : كيفاش بكسيدة
ليث : ماعرفتش ولاكين ماتو بكسيدة دخل فيهم كاميو
ليالي : (ماعرفاتش علاش فرحات فاش كَاليها بانهم ماتو بكسيدة و ماقتلهومش و الاهم علاش تيقاتو بهاد البساطة علاش ماشكاتش فكلامو و هي اللي كانت قبل ما تيق شي حاجة كاتسول راسها مية سؤال ... عضات على شفتها تحتانية فاش حسات راسها اتبدا تبكي ولاكين هادشي مامنعش انو دموعها ينزلو)
ليث : (ماكايحملش يشوفها كاتبكي ماحس براسو تا حيدليها نمر من بين يديها و حطو يلعب ... و جرها لعندو عنقها)
ليالي : (زادت تخشات فيه مزيرة على بيديها على قاميجتو) اهئ توحشتهوم بزااااف
ليث : (حس بغصة فقلبو) شششش (كايمسح بيديه على شعرها) ماتبكيش دعي معاهوم
ليالي : اهى ولاكين انا توحشتهوم بزاااف
ليث : (بعدها عليه شد وجها بين يديه مامسوقش لديك لكحولية دلماسكارا اللي مجلخة وجها ... وكيفاش غايفكر فهادشي قدام شوفة عينيها اللي كاتسحرو) بانليا لحمالة اترات عليك ... هادي ماشي ليالي لقوية اللي كانعرف اللي مستاعدة تواجه اي حاجة هادي ماشي ليالي اللي ماخافتش نهار لول فاش بحتات على لمافيا و دخلات لداك لعالم مانبغيش نشوفك كاتبكي
ليالي : (بتاسمات وسط ديك اللوحة الفنية السوداء اللي فوجها) ماعرفتش اش كايوقعلي وليت كانبكي دغيا
ليث : (بتاسم ملي شاف ابتسامتها (ايييه ابتسمت له فابتسم لها و انا كانبتاسم حيت شتهوم بتاسمو😂😂) و حيد يديه على وجها) تا انا ماعرفتش اش كايوقعلي فاش كانشوفك كاتبكي
ليالي : (حسات بنمر كايتعلق فرجليها تحنات و هزاتو كاتحك فراسو) شحال زوين واش شريتي دوك نمورا
ليث : لا شريت غير ماماهوم
ليالي : عندك دياب
ليث : اه
ليالي : (لمعو عينيها) حلللف
ليث : (طلع حاجب و هبط لاخور) لا كنت كامكَول صراحة علاش غانحلف
ليالي : زيد زيد را فيا جوع
ليث : رجعيه لبلاصتو باش ياكل (كايقصد نمر)
ليالي : واخا
أنت تقرأ
بين أحضان وحش لا يرحم
Action♤ هي فتاة جميلة ، فاتنة ،قوية ، جريئة ، لطيفة ، ذكية ، عنيدة .... تهوى الدراسة و الحواسيب ... و في إحدى الأيام شاءت الأقدار وضغطت على زر من ازرار لوحة المفاتيح الذي من المفترض ان لا تضغط عليه .... ♤ هو قاسي ، شجاع ، قوي ، عنيد .... و بطبعه هذا جعل ك...
