جمار

البارت الثاني

#جمار

#البارت٢

شويه واجت امي رحت

-هلو حبببتي شلوني

-بخير...مامي ماميتي

-ها بلا لواكه من الاخير شرايده

-اريد ٥٠ الف -شسوين بيهن مو جاي انطيج مصرف مدرسه

ملابس وعندج قرطاسيه كامله اشريتلج قبل ماتبدي المدرسه بعد شسوين بالفلوس

-يعني اريد اشتري مكياج عطور شي يعجبني

-ليش شعندج حفله ودورين مكياج بعدين احنه من نطلع جاي تخلين من مكياجي اكول خطيه بنيه واتريد تفرح هم جنت بعمرج وحاسه بيج

بعد شتريدين اسكتي وكعدي لايشوفج حاتم رايحه للمدرسه ومتمكيجه اله يكسر راسج ومابيه حيل مشاكل ويه ابوج ويطلع الغلط كله بيج

-اهووووو هسه شطلبنه... انطيني عاد ١٥

-شسوين بيهن

-اريد اشتري صور جان شوك بطل مسلسل انتي جميله والزكهن بالكنتور مالتي اشو تلفون وتنطينيا بس بالعطله

-وليش بله

-هيج احبه وترتاح نفسيتي من اشوفه

-طاح حضج امشي ولي ماعندي

-هنه ١٥ الف لوما يوميتج كونيه فلوس

-ياااا هاي منو كلج بله

-ام مهند الفراشه

-وهاي شمدريه كاعده يمي

-غير اخته علياء التشتغل بالعياده عندج يايمه

-وهذن شنو عينهن على مالي استغفر الله بعدين كولي ماما شنو يمه

-لا ياالله كوه تريد تضيع السالفه عمي مااريييييد

شون بله سعوده مااطلع الفلس اذا دخلني سين وجيم دكول الامن العامه

رحت للمطبخ..شفت ام علي مسويه كبه ولحم بعجين
ومقبلات وكاعده تاكل تصبيره للعشا

-شوكت نتعشى تره جعت

-خل يجي ابوج ياعيني

رحت اقره شويه كملت قرايتي وكمت اقره فيزياء طلعت ملازم واسئله واني بس الحفظ مدبرته اما المسائل اخيط واخربط كله من ست سناء جنهه ابو الزعر كلشي ماافهم منه وكاضيته صياح

رحت نزلت جوه لكيت ابويه جاي وكاعد ماما ادلكه امتونه اي عيني دلعي بي دلعي ليش لا

-يمه ام علي تصيحلج ..راحت .ركضت على ابويه

-بابا .بابا انطيني ٥٠ الف

-شسوين بيهن

-محتاجه شغلات للمدرسه ..طلع ٥٠ الف وانطاني بست وركضت من الفرح ..خل اضمهن بس تشوفهن امي تكعد تحجي عليه ..مدللهه وطلعت عينهه خل افلت احسن