#جمار
#البارت١١
دخلت من المطبخ العوبه دطبي بغرفتج وسدي الباب
كبل رحت لدرج اريد اصعد لغرفه امي بعندي بثالث بايه
وحاتم لزمني من شعري ونزلني سحل
كام لف كصيبتي على ايده ويضربني ويدفر واني اصرخ واتوسل بي واجت ام علي تريد توخره مني وهو مابطل ضرب كضه بيه التوبه ويصيح ولج ساقصه صخمتي وجهنه متواعده ويا وبالشارع وكدام المنطقه
اذا امج ماعرفت تربيج اني اربيج اليوم واني ابجي واتوسل بي
واكله طلب مني رقم بابا وانطيته اله بس مايسمعني وكعت من طولي من الضرب وشفت باجي ميديا دخلت من المطبخ تركض وذبت العلاليك يمكن جانت بالسوك واجت جرته من عندي وكامت تصيح وتغلط عليه
وهو يكلله هاي الدايحه بعد اكسر رجله اذا طلعت من البيت
ام علي خابرت امي وكلتلهه على الصار
حاتم عافني وكعد على الكرسي
ويكول اليوم اسويله حل لهاي الدايحه بس خل يجي ابويه
يحجي ويغلط واني جسمي كله يون حتى عيني قفلت لان اجت ضربه بيهه ام علي وباجي يحاولن يكومني واني شبه الجثه لابيه اشيل ايد ولا رجل ماخله بيه مكان صاحي
واسمع باجي تحجي وتغلط عليه وهو ينتر عليه ويكلله لاتدخلين
كومني لغرفتي نمت تمددت واني عيوني تجري
حسبي الله عليك ياسيف كله من وراك
نص ساعه واجت امي يمي باجي وام علي وبعده حاتم كاعد بالصاله ينتضر ابوي
اول مادخلت امي وشافتني هيج الوجه مزورك والعين وارمه وخشمي سادته بكطن من الدم
وهيه تخبلت وردت طلعت لحاتم وهيه تصيح
...ولك حقيييبر ياكللللب تمد ايدك على بنتي اباوع عليه من غرفتي وهيه تتلاوه ويا وتضرب بي وحاتم يوخر باديهه
وهو يكله جاي تحاسبيني روحي ربي بنتج الساقطه هاي الصخمت وجوهنه كدام المنطقه كله روحي كليلهه ويامن تتواعد
وهيه ترجع تغلط وتصيح صوته رج البيت
..ولك حقير هاي اختك اكو واحد هيج يسوي باخته
شنو من اخ انت بعدني ماغمضت عيني ولا عين ابوك لو متنه شسوي بيهه
...اني مايشرفني يكون عندي اخت مثلهه
ميديا ..كافي سعاد الله يخليج انفضحنه الجيران تصنت علة حسنه
..بعدي ايدج عني كله من وراج انتي وهذا ابنج الخايس طول عمركم تكرهونه يله امشي طلعي بره
.حاتم:- منو التطلع ها هذا بيت ابويه واذا اكو احد يطلع فهو انتي هذاك الباب يفوت جمل لان ماعرفتي تربيلج بنت وحده لعد لو عندج ثلاثه لو اربعه جان اشون
