جمار

البارت ١٨

#جمار

#البارت١٨

واني دموعي تصب وشريط حياتي ويه سيف يمر من كدامي وشون هسه راح اتزوج غيره مااكدر اتخيل هذا الموقف يتحقق ابد

اجيت احجي وارفض واكول جاي يغصبوني

بس حاتم شال اصبعه واشر على ركبته بمعنى اذبحج

كمت اناشغ وسمعني الشيخ من وره الباب

وكال شنو البنيه مجبوره تره اذا مجبوره مااعقد لان مايصير الزواج بالاكراه

حاتم..لا شيخنه شنو مجبوره بس تبجي لان ابويه توفى وماموجود بهيجي يوم

الشيخ..الله يرحمه .....بنتي اذا مجبوره احجي واذا لا فرددي وراي

من كال هيج حاتم قوه قبضته على شعري لحد ماحسيته يتكطع

وجان يشاورني ويكول

..قسما بروح ابويه اذا ماوافقتي هسه اذبحج من الوريد

ومايرفلي جفن

مااكدر اوصف الخوف والرعب بذيج اللحضه ومن يحجي حاتم ينفذ

شخص من زغري زرع الخوف بكلبي وخلاني كل مااشوفه اكوم ارجف

شكد تمنيت اكول لا بس مااكدر

منين اجيبك يابه تعاي وتشوف ابنك شسوه بيه
تعال وشوف السند العفته اليه شسوه بيه

اوووف يمه وينج تعالي ليه اريدج هسه اريظ اختل بسدج يمه اوووووف هيج اليتيم يصير بعد موت اهله

من شفته معصب وجنه مجرم وجه مابي كل نور ورحمه

اجت فكره ابالي

_______

حاتم.....كاعد بالكوفي بعد يوم متعب واني امشي معامله نقل الملكيه وحولت بيه حصه امي من ورث ابوي الي بموجب الوكاله الانطته الي اكيد مراح تعترض لو درت هو اني ابنهه الوحيد

بقت العله بت سعاد كلت يالله خلصت من امهه العشت كل عمري احقد عليهه لان اخذت ابويه من عدنه وخلت ليالي دمعه امي مانشفت كرهته بكد حب ابويه الهه ليش شبيه امي ويتزوج عليهه جمال واخلاق وراح اخذ عليه الدكتوره سعاد شكد حجه ابويه ايام وليالي وياي بس اني مايوم كلبي رف عليه وبسببه حتى اختي كرهته الي مايوم حطت عينه بعيني ولا رفضتلي امر

مشيته مثل الساعه مع ذلك كرهتهه على كره امهه

وماكفاهه الورثته من امهه اجت وشاركتني بورث ابوي

بس شسوي تسمه اختي وابوي وصاني عليهه اتحمله لحد ماتروح لبيت رجلهه

كاعد واشرب نركيله وسمعت مصايح وثنين تعاركو رحنه اني وباقي الشباب وفاككناهم وسحبت واحد منهم وكعدته وهديته