#جمار
#البارت السابع
شنو تريدون تحركوني
-لاجده شنو نحركج
ماكلتي يم محمد ليش تجوي
-بيه تيفو قديم ومنه مجاي تصحى
جمار:- ياتيفو واحنه بعز الشتا كومي بيبي نروح لاتخوفيني تجوي ماتجوي
-دصبري ياعيني خل نشوف تاليته شنو ،،اذاوهيج يم امحمد جويهه
-تجويني شنو يمعوده
-ومرض ينام بفادج اسكتي ولاتلغين
كامت وجابت جدر مي يفور اني اباوع وكمت ارجف من الخوف
انوب جابت وصله وخلت بيه جف شعير وسدت الوصله سوتهه مثل البقجه بس زغيره وحطته بالمي الحار وكالت يله يخاله وخري شالج
-شراح تسولي يم عودات
-وج جده بس اسكتي ولاتعلين كلبي تعاي يم امحمد شوفي شغلج وخرت الشال وحلت شعري وجان تجيب البقجه وحطته على راسي من وره واني صحت وردت اكوم ولزمنيي وانوب شالته وحطته على يافوخي كمت ابجي وحليت روحي منهن اخذت شالي وطلعت
كامت بيبي تصيح وراي ماانداريت اله لبست شالي واني احس دماغي يفور اجت وراي بيبي وادردم وتحجي رجعنه للبيت واشوف عمي صالح بالباب
اني شفته ورحت حضنته وطكيته بجيه
صالح-شبيج عمو منو وياج كولي
-عمو جووني وراسي يوجعني التفت على بيبي وكال
هاي شمسويه بيهه
-وديته لام محمد شافته وكالت بيه تيفو جوته على النص وشردت مكصوفه الركبه
-جووي شنو يمه البنيه منشوله تيفو شنو هو ياهو اليجي صار براسنه دكتور هسه لو صاير بيه شي
شيخلصنه من مهدي بعد
-دخل نفوت يايمه متت برد نعلاعلا دفه اهلج لو ادري مارايحه هسه شستفادينه
جمار:-واني عاتبه عليج لو ادري هيج فلا اروح
دخلت سلمت على البنات وتعشيت ونمت مشت الايام..... على نفس الروتين لحد ماسمعت هلاهل ركضنه على بيت عمي صالح جايبين غرفه اخشاب لشنشول وطشو جكليت وودبج وركص
من شافني عمي صالح اجه يمي وحط اديه على جتفي وكال ياعمو والله ردتج لشامل بس شسويله ابوج ماقبل
جان ينط شنشول افندي
حتى اذا ابوهه مانطاني هي الي يعني الي واي واحد يمشي عليهه اني انهي
باوعت عليه صفح واجت بحلكي حجايه شكبره بس سكتت لاني بنيه مؤدبه ومااسوي مشاكل
طلعت للحديقه وشفت محسن جايب الديج مالته يسمي شعواط ولد عم ابويه هم جايبين ديجهم ومعارك وهمه ملتمين بله ذوله مو بطرانين
