#جمار
#البارت٢٥
كامران شبيك تخبلت ليش هيج تضربهه
ارام...عووووفني خل اموووته لهاي الساقطه
ولك حامل منييييبن
منيييبن حامل واني عقيم
اكيد من ذاك المدرس عوفني خل اذبحهه
كامران... ضربته بوكس حتى يصحى
ولك كافييي كافي شنو حامل من المدرس لهاي الدرجه ماعندك ثقه بيهه ضلمك تعدى الحدود دفعته ورحت علة جمار جان راسه ينفض دم طلعت جفيتي وخليته على الجرح
وردت اشليه اوديهه للمستشفى لان الجرح يرادله خياط
ارام ...من شفت كامران يريد يشيله بسرعه دفعته منهه وشلته ونزلت وكامران وراي هو صعد يسوق
واني صعدت ليوره وخليته بحضني مااعرف شنو تفكيري بهذاك الوكت بس كلبي جاي يحترك مشت بينه السياره وقبل لانوصل المستشفى حسيت برطوبه
على رجليه مديت ايدي وهذا دم جاي تنزف
صحت على كامران يسوق بسرعه
دخلت للمستشفى واني شايلهه ..مستشفى اهلي جان كام كامران يصيح جابو سديه وخلوهه كمت اوزع فلوس للفراشات والممرضات حتى يدارنه
.ضلينه ننتضر كامران كل مايشوفني بوده ياكلني
خليت راسي بين اديه واني افكر معقوله الطفل مني لا مستحيل لعد من المدرس بس جمار مو رخيصه لهاي الدرجه هيه شريفه وماطخ راس لاحد
اخ ياشيخه شدعي عليج من دخلتي الشك لكلبي
ضلينه ننتضر لحد مااجت الدكتوره وسالناهه عن حالته
كالت صاير عدهه نزيف واجهضت سويناله كرداج
والضربه براسه قويه والجرح عميق حولناهه للاانعاش
كامران..بلا زحمه دكتوره ممكن تكولين شكد حان عمر الجنين
كالت ثمانيه اسابيع تشكرتهه وراحت
سمعت ارام عمر الجنين شكد والمدرس شهر درسهه وطردته
وين جان عقلك من سويت هيج لو سممتك ذيج الحيه
وتمشى وراهه عمياوي
ارام..كافي الله يخليك تره راسي راح ينفجر
رحت لغرفته واشوف وجهه اصفر وشبه الميته
اباوع عليهه ودموعي نزلت شسويت اني بيهه جانت مثل الورده المفتحه وعطرهه يفوح بكل مكان ماصدكت شون خليت كلبهه يدك الي ماصدكت
ضحكه المالي البيت حتى شقاوته وخباله جان يسليني ليش ياارام سويت هيج ليش
بقيت يوم كامل باامستشفى وهيه ماصحت حاجيت الدكتوره على وضعه كالت الضربه على راسه قويه واحتمال دخلت بغيبوبه من سمعت هذا الكلام انهد حيلي
