#جمار
#البارت٢٠
مثل المخبله اشك واشمر
حتى السيم مال البدله طلعته
وجان ينفتح الباب
...لايامكصوفه الركبه هااااي شسوووويتي
شيخه..ولج ليش هيج مشككه البدله هاي ماركه عالميه
انتي مو شكول نعمه
جمار ...عفت النعمه الج ولو هو وجهج يطرد النعمه
شيخه ...الزمي احدودج واحترمي افتهمتي لو لااستغفر الله مااريد احط عقلي وياج
جمار. .من الحر احس جسمي دبك راسي كام يحكني من العرك.... كتله اريد اسبح وين هدومي
شيخه...تقصدين الجنطه الجبتيهه وياج
جمار..اي
شيخه...ذبيته بالزباله
جمار....ليييش
شيخه...كلهن هدوم سود
جمار ..غير حزنانه على اهلي
شيخه...بس هسه انتي عروس واستاذ ارام مايحب اللون الاسود
جمار....ههههههه ضحكت باستهزاء ياعروس ياقندره انتي وذاك ارام مدري ورور مصدكين نفسكم اكو عرس وزواج يابه اصحو على هاي المهزله وعلى هاي التمثيليه البايخه
اباوع عليهه لمت البدله وهيه تمشي وكفت بالباب واندارت عليه
شيخه...احسلج تبطلين عناد وتسمعين الكلمه لستاذ ارام مايحب العنوديه
جمار امشي انعل ابوج لابو حتى ورور وياج ودنكت نزعت حذائي وشمرته عليه بس حرامات سدت الباب قبل مايوصلهه الحذاء
شون ياالله اريد اسبح رحت فتحت الكنتور وضليت مصدومه تجهيز مال عروس كامل فساتين ملابس طلعه وبيت والمصيبه ملابس النوم خانه كامله الهن اشكال والوان وكله فضيحه مشلتح ومخشلع
فتحت المجرات واشوف درازن مال ملابس داخليه اشكال والوان وكله من هذا الكح........ ماتلبسه اخ يالساني خل اسكت احسن
اشيل بايدي وارفعهن بالهوى هي هي هو اني من اشتريت جهاز عرسي مااخذت من الهاي المفضوحات
واكول اعيب اخجل شون البسهن كدام سيف
وهسه ورور افندي ايريد البسهن اله باحلامه يصير هذا الشي
طلعت الملابس الداخليه كلهن ورحت فتحت البلكونه والشمس بوجهي جانت الدنيا العصر بحدود الاربعه او اكثر وبعز الصيف بالعراق وشون جو يخبل
على كولت ام علي تخلي الزمال يبول دم من الحر
اباوع على البيوت منطقه راقيه وبيوته كله حديثه وكلهه شاده كاميرات بس مومثل مناطقنه الشعبيه
