#جمار
#البارت٢٨
جمار...خفت اضعف كدامه واتراجع عن قراري غمضت عيوني ... وكتله...طلكني
ارام...من سمعتهه كالت طلكني جريت حسره وكتله هذا قرارج النهائي
جمار....اي
ارام...انتي طالق
جمار...من نطقهه حسيت كلبي انغز مااعرف ليش رجعت لغرفتي وكمت ابجي اجت عمتي كريمه كالت راح الولد من شافتني كالت
كريمه...ها شبيج تبجين
جمار..بس كتله طلكني بسرعه طلك
كريمه...يابسرعه الرجال رايح راد عليج وانتي مطنكره اله يطلكج وهسه كاعده تتبكبكين لان طلكج
كومي خابري هسه خل يرجعج
جمار...خل يولي راح لا رده المايريدني مااريده ونمت بفراشي وكمت اشهك شون ياربي ليش هيج سويت وخسرته وكعدت الوم بروحي
كريمه...هسه يله تندمتي العقل من الله مااكول غيرهه
جمار ...مرت الايام وحالتي النفسيه تعبانه حيل مااكوم من فراشي الا لضروره اجت ام علي جانت رايحه لعمره جدو و الناس الخيره جامعتلهه فلوس العمره ورايحه
هيه شافتني وكامت ادك نواعي وبجي بقت تنام يمي بالغرفه هيه ورقيه وعلاوي جانت ام علي تجيبلي اكلي وتغسل هدومي جنت ارفض واجرهن من عدهه بس ماتقبل تكول بت الغاليه تتعب واني موجوده
جدو جابلي تلفون ماخليت بي اي تطبيق ولا خط حتى لا التهي بي بس اليوتيوب اتابع الدروس مال السادس
كاعده اقره واجه علاوي يركض كال مرت ابوج ميديا بالاستقبال
رحت اركض واول ماشفتهه حضتنه وكمت ابجي وهيه حاضنتي وتبوس بيه جانت جايه هيه واخوهه كعدنه وكالت لجدو
ميديا...عمي اني هاي جيتي من كركوك واحلفك بروح مهدي تطلع حاتم والله ماالي احد بالدنيا غيره
وجدي تخبل من كالت هيج وكلهه من كل عقلج تحجين ولج الي يراهن على اخته بالعبه قمار ويزوجه غصب ويخسر الاول والتالي وخلاج على الحديده وفوكاهه من وره الفلوس خاطف اخته وضاربه طلقتين وشامرهه بالزباله وجايه تكليلي طلعه هاي سالفه ترجيه وشيليهه من اذنج
ضلت باجي تحاول وتبجي وتتوسل بس جدي جان موقفه ثابت ورفض يطلعه اخر شي ايست منه وترخصو يروحون لان الدرب بعيد شكد راد عمي صاحب يباتون وماقبلو
من تربد تروح اجت حضنتني وانطتني جنطه فتحته بيهه اوراق ومفاتيح كالت هاي اوراق الطابو مال شكو شي يخصج وهذا مفتاح بيت امج وابريني الذمه خاف
بعد مااشوفج
راحت واني كلبي يتكطع عليهه مهما سوه حاتم يبقى ابنهه وكلب والده ماتتحمل تشوفه بالسجن
