#جمار
#البارت١٠
ان شاء الله هذا هم اخذله جم صوره من تلفون ارشد
وجاي يهدد بيه
اوووف شون اخلص من هاي البلوه
كلت خل ارد عليه هو ساعدنه بلكن يطلع مو مثل ارشد
كتله هلوو
..شونج
..بخير الله يسلمك
..عرفتيني
اي انت النقيب الي البارحه ساعدنه
..اهاا ماشاء الله عليج ماناسيه
..لا شون انسى والله موقفك ماانساه ابد
..لاعادي هذا واجبنه انتن عرضنه ولازم نحميجن من هيج انجاس
..تسلم حضره النقيب الله يخليك
..اسمي النقيب سيف ..وانتي شسمج ؟
..جمار
..عاشت الاسامي حلو مثلج
..مارديت عليه
..يله اني اترخص عندي شغل
..الله وياك
سديت التلفون ورديت اقره بس ماعندي واهس ضليت افكر ليش راسلني معقوله بس يطمئن عليه
ضلت فكره تروح وفكره تجي خليت ونمت
ثاني يوم داومنه نص الطريق وكفت زينب
شوفي زينب هلمره الله ستر ولطف بينه مره الثانيه اذا انعادت ولي رفع السما بدون عمد اخنكج لحد ماتطلع روحج الخوفه والرعب الشفته بالايام الراحت كبرني عشر سنين لذلك احذرج
زينب..لاماتنعاد والله يكفي الي شفته وحتى التلفون ضميته ومااستخدمه بعد واذا عدتهه سوي التريدي
..خل نشوف
ايات ..شنو السالفه شجاجن جنه مثل الورد سوالفنه وضحكنه هسه صار مكافشنه يوميه شكل
لمى ..كل من وره التلفونات الدمرتنه الناس تستخدمه لضروره واحنه بيش حايرين
جمار..هذا الحجي لاتوجهنه الي وجهي الهه بلكن تحط عقله براسهه وتفكر زين تره بهاي السوالف تضر نفسه
واذا تدري بهذا الشي ومستمره فطبهه مرض بس لادخلني ولاادخل اي وحده بينه عود من نجي نبجيلهه وندور رجال نتمعشكله عود ذاك الوكت خل ادورلنه على واحد من اربوعتهه
زينب..شنو هذا الحجي جمار موعيب شلكيتيني يوميه ويه واحد ادري غلطت واخذت درس بعد شنو هذا الحجي الماصخ مالتج
جمار..مو انتي التعلميني العيب ومادام كلتي اخذت درس خل نشوف الايام الجايه تعلمتي درس لو لا
دخلنه للمدرسه ورحت لصفي
ياااا ناسيه احل تمارين قواعد العربي بسرعه طلعت دفتري وكمت احل طبعا مو بس اني ثلث الصف كاعدات يحلن لو وحده تنقل حل من الثانيه شون ياربي بلكن ماتكومني بالاعراب المدرسه
