البارت السادس
كالت شوفي علاوي شراح يسوي
بيبي فتيله كعدت تاكل وهو كعد يمهه جان تكله هذا ياهو
مارد عليه وكام ياكل باوع على فاطمه وضحك جان الاكل مركه فاصوليا وتمن ودجاج مكلى وخضره وطرشي
علاوي بسرعه اخذ فخذ الدجاج وبلمحه وخر اللحم
وخله بس العظم فوك التمن هيه تاكل وجان تجر العظم وتصيح هاي ياهو الكلاهن ولك عليوي هاي انته
علاوي :- لاجده خاف انتي اكلتيهن وماتدرين
بروحج
-ولك شنهي ماادري بروحي انعل ابوك لابو امك الدايحه الماعرفت تربيك ياسربوت
وجان تشيل الصينيه وتشمرهه بنص الهول والاكل ترس الكاع وجان تشيل السراحيه وتشمرهه على علاوي وانا كاعده غاد منهم و يجيبه الحظ بكصتي وكمت اعيط عيني ولكم راحت عيني
يايمه عيني وكمت ابجي حسيت انطفت من صدك وفاطمه جابت ثلج وحطته عليهه
بيبي جانت رايحه لكرايبنه هيه وعمتي
وعمه فرحه ورقيه وسكينه بالدير يسدن بوب الحلال و كنون الدجاج
اجن على حسه دردم
فرح :-فطيم انتي ماتدرين بسوالف عليوي ليش خليتي يكعد ويه جدتج
هسه هذا الفراش شيغسله بهل البرد
وهاي الماعين التكسرن اوف يالله
كومي صبيله اكل جديد هسه يجي جدج وتشكيله وشيخلصنه بعد
فاطمه:-واحنه ماعدنه شغله وعمله انضل كل شويه صابين لفتيله ام نفس الدنيه وفوكاهه نشمر بالماعين وتكسر.
اني كاعده الوب من عيني اجت عليه عمه فرح وشافته وكامت تدعي،،عسنج باتايهه يفطيم طافيه عين البت من وره سوالفج الطايح حضهه
عليوي وينه دخل اكضه الا اخلص عليه ،،كومي عمه تعشي هسه احطلج عصاره وباجر الصبح كلشي مابيهه
اجت بيبي وعمتي وهيه شافتني
-ها ولج هاي شبيهه عينج جقله ياهو المنيشين عليج وجابهه بالهدف
-هههههه هاي بيبي فتيله شمرت السراحيه على علاوي وطاحت بيه
-هههههه اكيد اكل اللحمه من كدامه
-اي
-مره شكبرج الوياج كاضيته سبحه وسجاده وهيه تعارك على بطنهه الك بيه اراده ياربي
تعشينه وكعدنه بغرفه بيبي وكعدنه نسولف
-شوتعاي يبيبي خل اشوف عينج..سوده عليه اوف من سوالف فطيم وعلاوي وتالي انتي وكعتي بيهه
--ادري بيبي هيه شدعواهه هيج على بطنه تسوي
-هاي نفسيته بعد
