#جمار
البارت الرابع
ايات:-ولجن سالفه ماتسولف،،،،
احنه مدرسته جبيره ١٢ جوه و١٢ صف الطابق الفوك ودوامين ابتدائيه واعداديه
بس الاعداد جبيره مال الطالبات وتزايد سنه عن سنه واغلب المدارس من عهد النظام السابق بالرغم انتشرت المدارس الاهليه بس ماخفف من المدارس الحكوميه
الصفوف مكتظه كل صف مو اقل من خمسين طالبه والرحلات قريبه لسبوره بس مجال تفوت منه المدرسه
وزارة التربيه قررت تبني الساحه الخلفيه للمدرسه صفوف اضافيه
لطلاب السادس لان علمي وادبي والعلمي انقسم احيائي وتطبيقي
وطبعا لان احنه بالعراق العظيم بكلشي عكس الدول مابنو من جان عطله لا بالدوام
بس المدير ماقبل اتفق ويه المقاول ان يطلعون للبناء يوم الجمعه والسبت و الاحد والاثنين والثلاثاء لان صبحي الاعداديه يطلعون وره الضهر للبناء والاربعاء والخميس الصبح لان دوامنه ضهري
كال هاي عمال شباب وعندي بنات مراهقات
واذا قربنه الكبريت على النار يشتعل وذني امانه بركبتي،،،،،
وج ها ايات شكو احجي خوفتينه
-هسه تغريد سولفتلي تكول يوم الجمعه من طالعين العمال للبناء الخلفه مخابر المدير وكله تعال شوف بنات اعداديتك شيسون بالحمامات رايح المدير ولاكي كاتبات على الحيطان كلام يخزي كله حجي غير اخلاقي وفاسد
وكاتباته بالدم
-دم..منين هذا الدم
-وج حمام بنات منين الدم يعني
-عوووع شنو هاي النكاسه هاي ياعايقه هيج سوت
-تغريد تكول المدير راد ينجلط من شاف المنظر
هاي سمعه اكثر من الف طالبه هيه ومدرساته واكيد الخبر راح ينتشر وانوب
كدام العمال والخلفه يكله هنه ذني بناتك المراهقات التخاف عليهن والله هسه اني اخاف منهن على عمالي
خاف يسولهن مصيبه ويكسرن ركبه واحد منهم
.......تحجي ايات واني مصدومه..لحضات واجت المدرسه طبعا بدتهه بمحاظره عن الاخلاق والقيم
وثاني درس خلص طلعنه فرصه ورحت كعدت بالفي مالي واهس بكلشي واباوع على هاي البنات
يعني وحده سز راح تعم على الكل اكيد الخبر راح ينتشر وصير سالفه تسولف بيه الناس
وياما عوائل بطلت بناته من التعليم من امثال هيج مواقف لان تخاف على بناته تنحرف
لان الخير يخص والشر يعم
خلص دوامنه ونريد نطلع شفت بابا من بعيد يحجي ويه المدير اشر عليه
وخلاني اعتذر مره ثانيه وكال يله امشي نروح للبيت
