#جمار
#البارت١٥
اني حامل
..شنووووو
حامل شنو ومن منو
..شنو من منو..من حاتم غير
..انتي شاي تضحكين عليه لو شنو شبساع تعرفتو وحبلتي تره مصار اربع اشهر على علاقتكم جنتو متحلفين على الحرام
...ياحرام يمعوده اني وحاتم متزوجين بعقد شيخ
... فكيت عيوني متفاجئه ... اكلج اكعدي احجيلي بالمختصر المفيد
...من رحنه لسليمانيه من جنع نطلع سوه وللمولات حسيت بنضراته تراقبني وكلما اباوع عليه يبتسم
بصراحه انعجبت بي وبشخصيته وثكله
... بشخصيه منو ؟ غراب البين؟...اي اي كملي
...باليل راسني على الفيس وسالني اذا احب نصير اصدقاء وكتله ميخالف وضلينه يوميه نتراسل يوميه
ومرات نتغافل منكم ونطلع وحدنه للمولات او المنتزهات من رجعنه لبغداد ضلينه على تواصل وجم مره نطلع وحدنه وبالبيت يوميه امي جايبتلي خطابه
واني ارفض اتحجج نفسيتي تعبانه من الزواج واني ماصار سنه من تطلكت وسيف مايضغط علي
بس امي ضلت تلح حاجيت حاتم وكتله على وضعي
كال هسه ابويه جاي يلح حتة اخذ وحده من بنات
واني مااقبل ازوجن ثنين بقت بس وحده بس خل تزوج حتى من اجي اكل لابويه عليج مايعترض ويكلي اخذ بت عمك
... بيتي وبين نفسي كلت معقوله هذا الكلام اذكره مره باجي كلتله ليش ماناخذ وحده من بنات صاحب لحاتم
كلهه ابنج ماينحمل ومااريد اتخارب ويه اخويه من ورا
...اي سوسن كملي
...كتله ميخالف راح ارفض اي شخص يجيني لحد ماتتقدملي انته وضلينه على نفس تواصلنه وطلعاتنه وكمنه نروح اني ويه لشقه صديقه نضل نسولف ونكضي وكت ونرجع وحاول اكثر من مره يتقربلي بس جنت ارفض وكال سوسن احنه ليش نضل هيج اني هم رجال ومااكدر كل مره الزم نفسي عنج وليش نضل نتقابل هيج حتى حرام خل نعقد عقد شيخ لحد ماالله يفرجه
..وافقتي موو
...كال لحد مااقنع ابويه وافقت وعقدنه عقد شيخ والشهود اصدقائه
وصرنه كل مره نروح لشقه وعشنه كزوج وزوجه لحد ماحسيت بأعراض الحمل وهو دره حامل لو كلب الدنيا وخيرني لو اسقط الطفل لو يطلكني وينكر الطفل منه
وهسه اجيتج تساعديني شوفيلي حل اني احبه ومااريد اخسره اني تعمدت احبل حته نتزوج رسمي بس هو هسه متخبل ومايقبل واذا درو اهلي والله سيف يذبحني
..واني ياسوسن شأكدر اسوي انتي عبالج حاتم مثل باقي الخوان عمره كله مايوم ضحك بوجهي عبالك اني مرت ابو مو اخته ويدور عليه الزله حتى يشبعني كتل
