#جمار
#البارت١٧
دريد..اكيد تزوير اني راح اشكل محامي مو عبالكم تريدون تحوشون على البيوت والاراضي والاسهم مالت اختي
حاتم..اعلم مابخيلك اركبه بدل المحامي خلي عشره
كله تره مسجل بالطابو
سعاد ماتملك فلس واحد
طلع خالي وركع الباب ورا
حتى ماصاحلي وسلم عليه مويكولون الخال والد
اشو هذا اجه متحلف يدور ورث والله يالله
وهذا اول الناس الي وكع قناعه وانكشف وجه الحقيقي
بعد وفاة اهلي
بالرغم جانت امي شكد حنينه عليه ودوم تخابره و تحوله فلوس تكول خطيه وعايش بالغربه
وهسه بس طلع اربعينهه اجه علمود الورث
اما جدي وبيبتي اهل امي فبين فتره وفتره يخابرون شلونج ما لونج وبس
هزيت ايدي على الوضع
بس شون يكله حاتم امي ماتملك فلس
سنين طويله امي دكتوره اختصاص ومعروفه والا بالحجز المسبق يله تحصل المراجعه موعد وياههه
واداوم بمستشفى اهلي
ودوم جانت تستثمر فلوسه تشتري بيوت وتاجره اراضي اسهم بشركات ومولات
ولحد هسه مااعرف شكد عدهه شون لعد ماتملك فلس
ضليت احوص بيه طبع اذا دريت بسالفه وماكملته ماارتاح ابد
رحت وسالت باجي على الموضوع
ميديا... قبل جم يوم سوه حاتم قسام شرعي و سويتله وكاله عامه بحصتي من الورث لحاتم حتى يدير املاكنه والمعرض وسأل حاتم المحامي على حصتج كال هسه هيه قاصر بعده مامكمله ١٨ سنه
تكدر تسوي وصايه عليه وادير املاكه منا لما تكمل السن القانونيه
اما املاك امج الله يرحمهه فكله مسجلته بأسمج
تدرين جمار هذا البيت ابوج الله يرحمه مسجله باسمي
وبيتكم سجله بأسم امج وهي محولته بأسمج
يعني راحت لدار حقهه وهيه ماتملك شي باسمه غير بس سيارتهه
...هيه تحجي واني دموعي تصب عفته ورحت ركض لبيتنه وصعدت لغرفه امي دخلت وقفلت الباب طلعت هدومه حطيتهن وكعدت اشم بيهن
جانو يكولون امج بخيله وام فليس
كله عافته الي جانت دوم تكول مااخليج تحتاجين بس الله
يمه مااريد فلوس ولا املاك يمه اريدج بس انتي
محتاجتج يمه اااااااخ ياكسرتي بيج
