لكم انطوني زرنيخ خل انتحر
بس اريد اعرف حضي بيا طينه طامس
كمت ابجي وللوب من الوجع اباوع على ارام شو هذا يضحك كتله انته عليش تضحك
ارام... تستاهلين بطلي وكاحه
جمار ...رحت للحمام غسلت حلكي وشفت رحاتي مكسوره بس الوجع موتني
وطلعت ابجي وكتله كوم وديني لطبيب راح اموت
ارام ...وين اوديج هسه من الصبح حتى المستشفيات بعدهه مافاتحه
وينج ريتاااا اجت ريتا تركض
ريتا...نعم بابا
ارام...ساعديه خل تبدل خل.اوديه للمستشفى
جمار.. بدلت وكملت وشربت مسكن اخذني ارام بسيارته وطلعنه للمستشفى بعدهه ب ثمانيه الصبح كعدنه نتاني الطبيب و لتسعه يله اجت دكتوره زغيره انطاهه الباص ارام وكالت انتضرو هسه اصيحله
وكل شويه ارام جايبلي جاي ويكول هاج اشربي شي دافي حتى يسكن الوجع
كاعد بصفي والرايحه والجايه تباوع عليه عبالك كائن فضائي حتى الدكتوره كل شويه طالعه تباوع عليه وتوزع ابتسامات روحي طلعت منهه حاطه كيلو مكياج والعدسات ولابس جينز حصر وهيه مرببه روحي طلعت منهه بودي اكوم املخهه
صاحتني وشافت رحاتي كالت هاي متسوسه وهيج تكسرت بسرعه حتى ماينفع تحشيه لازم تنقلع
جابت البنج واني كمت ابلعم من شفت الابره كلشي ولا الابره اموت منهه
كتله مايصير اخذ علاج وتصير زينه
كالت مايفيد هم ترجع توجعج احسن شي قلعيهه استسلمت لامر الواقف وضربت البنج وطلعت يم ارام
لكيته كاعد و وحده كاعده منا والثانيه مناك يعني صاير بنصهن ويسولف ويضحك ضحكت باستهزاء عفتك شويه كعدت بنصهن لو اعوفك نص ساعه شسوي
رحت وكعدت بعيد عنهم من شافني اجه كعد يمي
ارام...ليش هنا كعدتي مو هناك مكانج
جمار... خفت اضايقك والحبايب داير مدايرك
ارام...اشم ريحه غيره
جمار...باوعتله صفح وعوجت حلكي درت وجهي عنه
شويه وطلعت الدكتوره وجت يمي تسالني تبنجت لو لا
كتله لا بعدني احس بيه اشو هاي ضلت واكفه وتسال بيي اني شايفتك هواي بمطعم ..... كاله اي على طول اروح اني او اصدقائي او اذا جاني ضيوف من الخارج
وهيه تكله اي بابا على طول ياخذنه لان مكان راقي واكله فد شي
اني ساعه اباوع عليهه وساعه عليه واحس نار تشتعل بيه شنو السبب ماادري
كله دكتوره كون ماطولين من تقلعيهه الصراحه لان عندي شغل مستعجل
كلتله لا انشاء الله مااتاخر راحت من يمنه وهيه تفر يمين يسار يسار يمين استغفر الله لو ما وجع رحاتي جان غردت الهه شويه باوعت عليه هذا عينه عليه
