#جمار
#البارت١٢
.كتله دروح يمعود وادفع بي راح وسديت الباب ورا
وضليت افكر بالعطله وشون راح نكضيهه اني وسيف
والساعه السوده الرحنه بيهه
لو ادري حاتم راح يسوي بلوه فلا اروح
بدت الامتحانات وامي اخذت التلفون وكالت لسيف ماتحجون منا لوره الامتحانات لان تضل تصفن وماتقره صدك ذبيت جهدي حتى اكمل واطلع درجات زينه بالامتحانات علمود اروح العطله واني مرتاحه
جنت اجاوب ومكيفه واعرف راح اجيب نتيجه زينه وايات هم مثلي بس لمى خطيه جانت يدوب تقره لنجاح لان بيت وزجهه تكول ماجاي الحك اقره
وحتى كالت اشك بروحي حامل بس تخاف تروح تحلل خلته لوره الامتحانات وجانت تدعي ماكو حمل
خوفتني من هذا الشي وقررت مهما ضغط عليه سيف راح ابقى لحد مااخلص السادس يله ازوج
زينب ماتختلط بينه وحتى ايات ولمى هم مايحجن وياهه العرفته حاجيه عليه كدام البنات ومتعاركات
وياهه بس ماعرفت شحاجيه مارضن يكولن كلت بسيطه بعدين اتصرف وياهه خل اخلص الامتحانات على خير
......
كملت جان اخر يوم فيزياء انعل يوم الاخترع الفيزياء
شكد.اكرهه مااطلع بيه معدل زين لو اموت بس اقراهه من ضيمي
كملنه وبدينه وحده تسلم على الثانيه لان خلص الدوام وراح تبدي عطله نهايه السنه انطونه موعد نروح نستلم بي النتائج تقريبا كلهه خلصت بس البنات باقيات بالساحه اغلبهن ينتضرن الخطوط مالتهن
نمشي بالساحه اني ولمى وايات ونضحك ونسولف وفتنه من يم بنات واكفه يمهن زينب اني فتت
وجان تكول بصوت مسموع صدك لو كالو
حظ العواهر جواهر
اني بعد مااتحملت انداريت وكتله عليمن تبسمرين ولج
كالت وانتي منو يمج لو الي بعبه صخل يمعمع
مثل وكلته واريد وحده ابالي تسمعه
هاااا كلتي مثل اني هم عندي مثل واريد البالي تسمعه شيكول لمى وانداريت لمى
لمى..شيكول
...يكول البعير لو شاف حدبته جان انكسرت ركبته
زينب..جمار شقصدج
جمار ..والله قصدي يعرفونه الي قصدتهم بي
زينب ..ولج انتي فد وحده كح.... وساقطه ومامتربايه
جمار ..لاوالله اخذ التربيه منج وج لو اريد افتح دفاترج اسويج فرجه بس لخاطر امج واهلج الواكفين بعيني
بس مادام كلشي ما وكف بعينج اليوم اريد اراويج الساقطه شسوي ...وشمرت روحي عليه جريت شعرهه
وهيه هم ضلينه كفخه الهه وكفخه الي هيه تجر بهدومي واني اجر بشعرهه البنات يريدن يفكنه وماكو اذا اني اوخر هيه تهجم علي واذا هيه وخرت اني اهجم وتالي وكعنه بالكاع ثنينه هيه نامت على بطنه واني من شفته هيج ذبيت روحي عليهه واجيبه بعضه من
