ZAMAN KISHI

PAGE 21~25

🎈🎀 *ZAMAN KISHI*🎈🎀

*WRITTEN BY*
*MOMYN MUSADDIQ/HAYDAR*✍🏻

*PAGE 21~25*

Asiyah da sulaiman sunyi shirin tafiya Abuja tsaf.

  Gaba d'ayan su suna tsaye a parlour Maryam tace
"To Dadyn Jannart Allah ya kiyaye hanya ya kaiku lafiya ku dawo lafiya ka kulamun da kanwa da kyau banson ko kud'a ya tab'a ta."

  Dariya yayi yace
"Ameen Ameen uwar gida sarautar Mata Allah yaja da ranki."

  Itama murmushi tayi tace
"Ameen mijin mata uku."

  Kallon Rukayya yayi wacce ko kallon su batayi ba yace
"To Ruky mun tafi a Mana addu'a sannan a kulamun da yara,akwai komai a gida sannan na Miki transfer kud'i ta acc din ki Koda kuna buk'atar wani abun."

  Kallo d'aya ta mishi ta d'auke kai tace
"Allah ya kiyaye."
Murmushi yayi yace
"Ameen."
  Kallon Maryam Asiya tayi tace
"Aunty mun tafi me kikeson na kawo miki a tsaranki?"
Murmushi tayi mata tace
"Duk abinda kikaga ya dace dani ki kawo mun ngd."
Murmushi tayi ta juya wajen Ruky tace
"Aunty Rukayya me kikeson nazo miki dashi?"

  Wani mugun kallo ta watsa mata tace
"Uwarki da ubanki zaki kawo mun shegiya munafuka 'yar gidan bokaye."tana gama fad'an haka ta juya tabar parlour.

  Asiyah kuwa hawaye ne suka dinga zubo mata tunawa da tayi da iyayen ta da su suka dad'e da rasuwa yau gashi ana zagin su harda wani mammunar kalma aka kira su dashi.

  Duk abinda tayi a gaban idon sulaiman dan yana tsaye Bai fita ba, ran shi a matuk'ar b'ace yazo zai shiga d'akin Ruky Asiyah ta rik'e shi tace
"A'a Dadyn Jannart dan Allah mu tafi karka mata magana kanta tayiwa."

   Kallon Asiyah yayi da idanun sa da suka chanza kala yace
"Ki matsa ki bani waje na wuce bansan shashanci." Ya fad'a a tsawace.
Duk da ta tsorata haka ta danne kukan da yake zuwa mata tace
"Na had'a ka da girman Allah mu tafi ya Sulaiman karmu makara."
Jin tace girman Allah haka yasa zuciyar sa yin sanyi ya juya ya fita.

  Kallon Maryam tayi wacce ta tsaya kallon su kamar Wanda ta samu photo tace
"Mun tafi Anty sai mun dawo."

  Dakyar Maryam tace
"To Allah ya kiyaye hanya."
A zuciyar ta kuwa mamakin Asiya take sosai dan kowa da ita Ruky tayiwa wannan abin da wllh bazata barta ba.

  Haka tayi ta jinjinawa Asiya dan kam wllh ko ita taji ciwon abin bare kuma ita kanta Asiyah.

  Tunda suka shiga hanya babu wanda yayiwa dan uwan sa magana kowa da abinda yake damun sa a zuciyar sa.

  Hawaye ne kawai yake zuba a idanun Asiyah duk da idanun ta a rufe suke bazai hanaka ganin tashin hankalin da yake cikin su ba,domin idanun ta har sun kunbura saman idon yayi jaa.

  Kallon ta sulaiman yayi yace
"Kiyi Hakuri Asiyah nasan dole wannan abu ya miki zafi sosai domin basa raye amman ba kuka ya kamata ki musu ba addu'a itace kawai abinda ya kamata ki musu Wanda zasu tabbatar da lallai sun haifi 'ya ba kuka ba.

Bud'e idanun ta tayi a hankali ta kallesa a hankali ta furta
"Insha Allah ya Sulaiman bazan sake musu kuka ba."

  Murmushi yayi yace
"Yauwa ko kefa, yanzu ban labari."

  Murmushi tayi ta shiga bashi labarai na abin dariya har suka shiga cikin garin Abuja.

_________

B'angaren Jiddah kuwa yau ta dage da gyaran gidan ta.

  Sai da ta gyara ko Ina dakyar sannan tazo ta shiga kitchen.

  Jalof din taliya tayi ta zuba maganin da boka ya bata ta rufe ta ajiye.

  Wanka tayi ta feshe jikin ta da tarare ta saka atunfa riga da zani aka sha dauri ta zauna tana jiran Kabir.