ဖုန်းယောင်လည်း ရှောင်းလျန်ပြောတဲ့အတိုင်း အိမ်တော်ကို ပြန်လာတယ်။မျမ်မျမ်က ဒဏ်ရာ ဘယ်လို ရသွားပါလိမ့်။ဖုန်းယောင်လည်း တံခါးခေါက်တော့ ရှန်းရှန်း လာဖွင့်ပေးတယ်။
"အကိုလေး ပါလား "
"အင်း မျမ်မျမ် ဒဏ်ရာရနေတယ်ဆို ဘယ်လို ဖြစ်တာလဲ "
"ပြီးရင် ပြောပြပါ့မယ် အခု အထဲကိုလာဦး"
အိပ်ရာပေါ်မှာ လှဲနေတဲ့ မျမ်မျမ်ဘေးကို ဝင်ထိုင်ပြီး သွေးခုန်နှုန်းတစ်ချက်စမ်းလိုက်တယ်။ဆူးပန်းကျိန်စာမိထားတာပဲ။မျမ်မျမ်က နားရွက်တွေနဲ့ အမြီးကို ဖျောက်ဖို့တောင် မလုပ်နိုင်တော့ဘူး။အရမ်းအားနည်းနေတာပဲ။
"ရှန်းရှန်း မျမ်မျမ်ကို မှောက်လိုက် သွေးကြောတွေကို ထိန်းထားရမယ် ရေနွေးယူလာခဲ့ အပ်တွေယူလာ ဆေးပုလင်းတွေ ငါဖော်ထားတာရှိတယ် သွားယူ "
"ဟုတ် အကိုလေး ရှန်းရှန်းသွားယူလိုက်မယ်အခန်းထဲမှာ မဟုတ်လား "
"အင်း အပ်တစ်ချက်ယူပေး "
ဖုန်းယောင်လည်း ဘေးမှာ ရှိနေတဲ့ လူကို ခိုင်းလိုက်တယ်။
"ဓား အသေးဆုံးအရွယ်ကို ယူပေး "
နောက်ဖက်ကနေ နှလုံးနေရာကို မှန်းပြီး ခွဲလိုက်တယ်။
"ရေနွေးများများယူလာ"
သွေးတွေက အမည်းရောင်ပြောင်းနေတာပဲ။
"ခွက်အလွတ် တစ်လုံး ယူလာ"
သွေးတွေ အကုန် ညှစ်ထုတ်လိုက်တယ်။
"အပ်တွေကို အပေါ်ဆုံး အစဥ်တိုင်းပေး "
ရှန်းရှန်းက ဆေးယူပြီး ပြန်ရောက်လာတယ်။
"အကိုလေး ဆေးရပြီ"
"အေး ပေး ရှန်းရှန်း ခေါင်းကို ကိုင်ထား "
မျမ်မျမ်ကို အမြီးကို လှုပ်ယမ်းနေတာကြောင့်
ဘေးက တစ်ယောက်က ကိုင်ထားပေးတယ်။
"ကျေးဇူးပဲ "
ဖုန်းယောင် ဆူးပန်းရဲ့ အဆိပ်တွေကို ဖောက်ထုတ်ပစ်ပြီးဆူးတွေကို နှုတ်ပစ်လိုက်တယ်။
ဒါပေမဲ့ အဆိပ်က သူ့ရဲ့ ယင်ဓာတ်နဲ့ ပေါင်းပြီးသွားပြီ။ဒီထက်လည်း အဆိပ်ထုတ်လို့ မရတော့ဘူး။ဆေးထည့်ပြီး ဒဏ်ရာကို ပြန်ချုပ်တယ်။မျမ်မျမ်ကို အာဟာရဆေးလုံး ၃ လုံးလောက်ကျွေးထားလိုက်တယ်။ဒီအချိန်မှာ သူအိပ်နေတာက အကောင်းဆုံးပဲ။
အိပ်ဆေးပါ တိုက်ထားလိုက်တယ်။လှုပ်ရှားမှုနည်းလေ အဆိပ်ပြန့်မှု နည်းလေပဲ။
YOU ARE READING
သူဖန်တီးသော ကျွန်တော့်လက်ရာ
RomanceName - သူဖန်တီးသော ကျွန်တော့်လက်ရာ Main characters - လီပိုင်ဟွေ့ ၊ ရှောင်းလျန်ရှာ Type - historical , magical bromance and romance Version - Both Unicode and Zawgyi Version Description - အေးချမ်းသာယာစည်ပင်လှသော ချီရှန်းပြည်တွင...
