Taeyeon ၏ စကားမဆုံးလိုက်။ နူးညံ့သော အရာတစ်ခုသည် သူ့နှုတ်ခမ်းပေါ်သို့ ရောက်လာသည်။ တခြား နှုတ်ခမ်းတစ်ခု။ Taeyeon ၏ ပိတ်လုဆဲဆဲ မျက်လုံးများမှာ ပြူးကျယ်သွားတော့သည်။
☁️
South Korea, Seoul, October 29th
"ညီမ စပိန်ကို နှစ်ရက်လောက် ပြန်ချင်တယ် အစ်မ.. အဖေ့ကို ကူပြောပေးပါလား"
Tiffany ၏ စိတ်ထဲတွင် ဖြစ်နိုင်လျှင် နတ်ဆိုးနှင့်ပင် အလဲအလှယ် လုပ်ပစ်မည်ဟုပင် တွေးနေသလား မသိ။ ယခုလည်း ဖခင်ဖြစ်သူ၏ အမျိုးသမီး က ချက်ပြုတ်နေသည်ကို အနားသွားကာ မယောင်မလည်နှင့် အကူအညီတောင်းနေပေသည်။
"အစ်မ ပြောတာကို ညီမလေးရဲ့ အဖေက နားထောင်မယ် ထင်တာလား"
"နားထောင်ရမှာပေါ့ သူများ သားသမီးကို အပိုင်သိမ်းထားတာကို သူ နားထောင်ရမှာပေါ့"
"အဲ့ဒါဆို ကိုယ်ပိုင် လေယာဉ်နဲ့သွား၊ အများစီးတဲ့ လေယာဉ်က အချိန်နဲ့ သွားလာနေတာမလား၊ ကိုယ်ပိုင် လေယာဉ်နဲ့ဆိုရင် ခုသွား၊ ခုလာ အတွက် ပိုကောင်းမယ် ထင်တယ်"
"အဖေ့ကို ပြောထားပေးမှာပေါ့ ဒါဆို"
"အင်း..."
အဖေ့၏ အမျိုးသမီးသည် Tiffany အား ပူဆာသမျှ ဝယ်ပေး၊ အလိုလိုက်ပေးရမည့် ကလေးငယ်လို ဆက်ဆံသည်။ ဖခင်ဖြစ်သူ၏ အိမ်သူသက်ထားက Tiffany အတွက်လည်း အစ်မ တစ်ယောက် ရောက်လာသလို ဖြစ်သည်။
"ဒါဆို မေမေလေး လို့ ပြောင်းခေါ်ရတော့မလား"
"ဟာ... မလုပ်နဲ့၊ ကိုယ် အသက်မကြီးချင်သေးဘူး"
အမျိုးသမီးသည် ရယ်ရယ်မောမောဖြင့် Tiffany ၏ မြင်ကွင်းမှ ပျောက်ကွယ်သွားသည်။
"Taeyeon တော့ အံ့အားသင့်သွားမယ်ထင်တယ်"
☁️
(Note: Adult warning 18+)
Spain, Madrid, October 31st
"နောက်ကျနေပြီ... ဒါမှန်းသိရင် လေယာဉ်ပေါ်မှာကတည်းက အဝတ်အစားလဲပြီး မိတ်ကပ်ပြင်ပါတယ်"
လေယာဉ်ဆိုက်သည်နှင့် Tiffany မှာ သူ့အိမ်သို့ ပြေးရသည်။ အိမ်ရောက်သောအခါ ညနေစောင်းတော့မည်။
"Laura ဆီ စာပို့ရမယ်၊ ပါတီရဲ့နေရာ မေးရမယ်... ငါ ဘာဝတ်ရမလဲ၊ ဘယ်လိုပြင်ရမလဲ..."
Tiffany ခမျာ တစ်ယောက်တည်း ဗျာများနေသည်။
YOU ARE READING
Before the clouds melt
Fanficဘုရားပေးတဲ့ အသံနဲ့ ကောင်မလေးတစ်ယောက်က သူ့ဘဝအတွက် သက်ရောက်မှု ပြင်းထန်လိမ့်မယ်လို့ Tiffany တစ်ခါမှ မတွေးမိခဲ့ဘူး။ ဘဝတစ်ခုလုံးကို တစ်ခါမှ မမြင်ဖူးတဲ့ အမျိုးသမီးဆီမှာ Taeyeon ပုံအပ်ခဲ့တယ်။ အဲ့ဒါကိုပဲ အချစ်လို့ ယုံခဲ့တယ်။ ကံကြမ္မာဆိုတာ မိုးလေဝသလို ခန့...
