قررت أن تنتقم منه من أجل شيئا في الماضي ولم تعرف بأنها في الطريق للإنتقام ستقع في حبه فيا تري من سيتفوق ويفوز نيران الإنتقام ام الحب سيكون له بالمرصاد.
بقلمي/ نوران جمال.
كان الجميع يضحك بشده علي ايهم واسيل ثم فجأه ذهب عمار الي قدر بسرعه كبيره وقام بإحتضانها بشده. عمار بحزن: ليه عملتي كده قلقتينا عليكي .. قدر بحزن: انا اسفه يا عمار .. عمار بإبتسامه: المهم انك كويسه .. وقبل ان ترد هي كانت يد غيث تسحب قدر بسرعه من بين يد عمار غيث ببرود : يالا نقعد بدل الوقفه ديه ...ثم سحب قدر خلفه وجلس علي الأريكه وجعلها تجلس بجانبه فنظرت هي له بإستغراب مما يفعله فنظر لها بإبتسامه بارده .. اما الجميع نظروا لغيث وقدر بإستغراب ثم ذهبوا وجلسوا امامهم ليحاولوا فهم ما يحدث سما بهدوء: كنا هنموت من الخوف عليكي يا قدر متعمليش كده تاني .. ايهم بإبتسامه: المرادي عدت علي خير عايزين يا جماعه ناخد بالنا اكتر من كده وانتي يا قدر خدي بالك من نفسك واسمعي الكلام .. قدر بإبتسامه: حاضر يا ايهم .. فإبتسم ايهم لها اما غيث كان يستشيط غضبا من كلامهم فلاحظه عمار ويزيد فضحكوا بشده .. ايهم بهدوء و ابتسامه: المهم انك كويسه دلوقتي بجد كنت هموت من القلق .. قدر بإبتسامه: شكرا ليك يا ايهم وانا اسفه اني قلقتك .. يزيد بهمس لعمار وسخريه: ههه كان هيموت من القلق دلوقتي هيموت من غيث .. عمار بضحك: كان راجل طيب يا جدع ههه..فسمعهم ايهم فنظر الي غيث وجده ينظر له بحده وهو يضع يده علي جيبه مكان مسدسه فإبتلع ايهم ريقه بخوف .. اسيل بمرح وهي تقف: طيب خلصنا ترحيب بالأستاذه دلوقتي عايزين نفطر بقي الواحد جاع .. قدر بضحك: عندك حق رغم ان فيه اهانه ليا في الموضوع ده بس فعلا انا جوعت يالا هاجي معاكم نعمل الفطار ..وجائت لتقف فجلست مره اخري .. قدر بهدوء: غيث سيب ايدي .. غيث بهدوء: انتي تعبانه خليكي قاعده .. فجائت لتتكلم فقاطعها ايهم ايهم بمرح: خليكي قاعده معانا واحكيلي بقي ايه اللي حصل بالظبط ... غيث وهو يترك يد قدر : قومي يا قدر شكلهم هيحتاجوكي جوا يلا ياقدر يلا ..فضحكت اسيل وقدر بشده وذهبوا الي المطبخ فوجدوا سما وسلمي قد بدأوا في اعداد الطعام قدر بتنهيده كبيره: اه وحشتوني جدا ابنات ... سلمي بإبتسامه: وانتي كمان يا قدر ..ثم بمكر: قدر .. قدر بتوجس: نبره صوتك ديه فيها حاجه بت انتي في مصيبه ولا ايه .. سلمي بإبتسامه ماكره: لا احكيلي بقي ايه اللي حصل بالظبط كده .. اسيل بمرح ومكر: خاصه بعد ما غيث لقاكي .. سلمي : بالتفصيل يا قدر ها .. قدر بمرح: لا ويالا خلصوا الأكل عشان جوعت .. سلمي : نخلص ايه يا عنيا اومال انتي جايه تعملي ايه .. قدر بإبتسامه ماكره: الجزمه وحشتك يا سلمي ولا ايه .. اسيل : غيث طبع عليكي ولا ايه يا ماما شغل التهديد ده ميكلش عيش معانا صح يا سلمي .. سلمي بمرح: صح امعلمي .. قدر وهي تخلع حذائها: يبقي وحشك يا سلمي ..فإلتفت سلمي بسرعه وهي تمسك السكينه وتقطع الخضراوات .. فنظرت اسيل الي سلمي بغيظ: يا جبانه .. سلمي وهي تضع يدها علي رأسها : اصله بيوجع اوي يا اسيل انتي مجربتيش .. فضحكت قدر عليهم ووقفت لتساعدهم .. سما بضحك: مش قولتي مش هتساعدينا .. قدر وهي تقف بجانبهم : عفوت عنكم صعبتوا عليا الصراحه ...فنظروا جميعا الي بعضهم وهم يضحكون اسيل وهي تكاد تموت من الفضول: قدر وحيات عيالك لتقوليلنا ايه اللي حصل .. سلمي بفضول: اه يا قدر كمان دخلتك انتي وغيث بالمنظر ده مقلقني .. سما بفضول: لازم تحكي يا قدر يا اختي لإلا ستصيبك لعنه من السماء .. اسيل بصوت مخيف : وتنقلبين الي قرد يتمرجح في الارجاء .. سلمي بتهديد : ستحكين ام ماذا .. فنظرت قدر لهم بسخريه: لعنه من السماء وقرد في الأرجاء وماذا الله يخربيوتكم حسه اني دخلت فيلم فجر الإسلام .. فإقتربوا منها بشده قدر بقلق: خلاص خلاص هحكي ده انتوا هتاكلوني بمنظركم ده ..ثم مسكت السكين وظلت تعد الطعام وهي تحكي لهم ما حدث بالتفصيل وهم يسمعون لها بتركيز .. وفي الخارج عمار بإمتنان: شكرا انك رجعتها يا غيث .. غيث بهدوء وثقه: قولتلك هلاقيها .. يزيد بهدوء: غيث بابا كلمني النهارده وقال ان هو هينزل بكره مع ماما .. غيث : تمام يتفضلوا .. يزيد: لا هما هينزلوا علي المزرعه .. غيث بإستغراب: اشمعنا .. يزيد : مش عارف .. غيث بهدوء: نتحرك بليل ونروح المزرعه كمان اكيد فيه حاجه مهمه تخلي والدك ينزل مصر .. فأوما يزيد له بمعني نعم .. ايهم بجديه : غيث عرفت من طقم الحراسه اللي في القصر ان كان فيه كاميرات في الجنينه غير اللي احنا حطينها وده معناه ان احنا كنا متراقبين.. عمار بإستغراب: بس ازاي قدروا يدخلوا ويحطوا الكاميرات الا لو مع عمال الصيانه .. ايهم بجديه : عموما انا شيلتهم وعرفت انهم تبع عصابه التمساح اللي خطفوا قدر .. غيث بإبتسامه ماكره: متشلش هم عصابه التمساح لأنهم خلاص اتصفوا .. يزيد بإستغراب: كلهم يا غيث كلهم ... غيث بسخريه: انت بتشك في قدراتي ولا ايه .. يزيد بإبتسامه : ابدا هو حد يقدر .. ايهم بهدوء وتفكير: بس حاسس ان في حد كان بيساعدهم .. عمار بتفكير: اكيد كان في حد بيساعدهم مش معقول عصابه واحده تقدر تتحدي الفهد الا لو في حد مشجعهم .. يزيد بإبتسامه لعمار: ابتديت تتأقلم علي حياتنا اهو .. فتنهد عمار بسخريه ..فضحك يزيد .. غيث بجديه: مافيش حد بيفضل مختفي ومستخبي لفتره طويله قريب اوي هيظهر الشخص ده ويلعب علي المكشوف.. ايهم بتوجس: بتفكر في ايه يا سفاح .. فنظر له غيث بشده ثم ابتسم مما جعلهم يخافون منه ومن معني تلك الإبتسامه .. يزيد بهدوء: عموما بالمنظر ده قدر اكتر واحده محتاجه تتأمن واضح انهم عرفوا انها نقطه ضعفك ... غيث بحده: انا معنديش نقطه ضعف انت فاهم .. فسكت يزيد بغيظ اما غيث بحده : انا معنديش نقط ضعف وبرضه مش هيقدر اي حد انه ييجي نحيتها او يئذيها ..ثم وقف حتي يذهب الي غرفته وقبل ان يتحرك سمع الجميع صوت صراخ قدر فوقع قلب غيث وذهب بسرعه الي المطبخ وخلفه ايهم ويزيد وعمار فوجدوا قدر تمسك يدها ويدها تنزف واسيل وسلمي وسما يقفون بجانبها يحاولون تهدئتها ورؤيه يدها ذهب غيث لها بسرعه وجلس بجانبها علي الأرض ورفع وجهها له فوجدها تبكي غيث بقلق وهو يمسح دموعها: ايه اللي حصل لإيديك ..ثم بحده: اسيل هاتي صندوق الإسعافات الأوليه .. قدر ببكاء: ك كنت بقطع الطماطم وجرحت ايدي بالسكينه .. غيث وهو يكاد يصاب بجلطه: كنتي ايه يا اختييي بتقطعي الطماطم واتعورتي .. قدر بحده وسط بكائها: اعمل ايه يعني السكينه هي اللي بارده جيت اقطع بيها جامد اتعورت .. غيث وهو ينظر الي الأعلي: السكينه برضه اللي بارده اشكوا اليك يا ربي اشكوا اليك خدني او خدها بنت الهبله ديه ..ثم نظر لها: يا هبله يا هبله .. فنظرت قدر له بغيظ فوجدته يحملها ويخرج بها ثم وضعهاعلي الاريكه واخذ من اسيل صندوق الإسعافات الأوليه وعالج يدها غيث بسخريه: جرحتي ايدك مرتين فضلك كمان مره وتاخدي جائزه.. قدر بإبتسامه: بجد ايه هي .. غيث بإستغراب:هي مين .. قدر :الجائزه .. فنظر غيث لها ثم قام بحدفها بالمخده بجانبه ثم وقف وذهب بإتجاه السلم ليذهب الي غرفته .. قدر بنداء : غيث مش هتاكل .. غيث بغيظ:مش هطفح ..ثم ذهب الي غرفته اما هي ضحكت بشده عليه ثم صدح صوت ضحكات الجميع تحت استغرابهم من تصرفات غيث ايهم بضحك : مش قادر اصدق ان ده غيث ههه.. يزيد بضحك: شوفته كان عامل ازاي هههه كان هيتجلط يعيني هههه.. نظر عمار الي اسيل وبقلق: بت انتي انتي عملتي ايه لأختي قدر كانت بعقلها .. اسيل بمكر: فعلا في حد خد عقلها وقلبها كمان ..فألقت قدر عليها المخده بغيظ فضحك الجميع ثم قاموا بوضع الطعام وتناولوه تحت جو ممتلى بالمرح وبعد انتهائهم قامت قدر بوضع بعض الطعام في طبق وذهبت الي السلم اسيل بمرح: لمين الاكل ده .. قدر بتوتر:ده ده .. اسيل بضحك: اطلعي اطلعي اودته اول واحده علي اليمين هههه.. فنظرت قدر لها بغيظ ثم ذهبت إلي غيث لتعطيه الطعام ..وفي الاسفل سلمي بضحك: يا زيدي يا زيدي والله وشوفنا غيث وقدر مع بعض يا ولاد .. سما بضحك: مش قادره اصدق الصراحه ههه.. يزيد بهمس لايهم: كان قلقان عليها اوي ويقولك مش نقطه ضعفه .. ايهم بإبتسامه :غيث عمره ما هيعترف بحاجه زي كده دلوقتي .. يزيد بإبتسامه : بس واضح اوي حبهم لبعض وغيث فيه حاجات كتير اتغيرت بسببها .. ايهم بقلق: في مشكله انت مش واخد بالك منها .. يزيد : ايه .. ايهم : احنا هنروح المزرعه صح وانت ناسي ان هناك ..فقاطعه يزيد يزيد بقلق: يالهوي انا نسيت خالص .. ايهم بإبتسامه ماكره : الدنيا هتولع هناك .. يزيد بإبتسامه : مستني اشوف منظرهم بفراغ الصبر" فيا تري ايه اللي هناك في المزرعه" وفي الأعلي خبطت قدر علي الباب ففتح غيث بهدوء غيث بإستغراب: في حاجه يا اميرتي .. قدر بإبتسامه: لا بس انت مش اكلت .. فإبتسم لها واخذ منها الطبق فدخلت هي خلفه وجلست علي الكرسي بجانب الباب قدر بهدوء: غيث انا مش فاهمه حاجه ارجوك فهمني انت ازاي يعني انت اللي انقذتني وانا صغيره يعني انا .. غيث بإبتسامه وهو يعطي لها بعض الاوراق: امضي علي الورق ده وانا بحكيلك .. قدر بإستغراب: ورق ايه ده .. غيث بإبتسامه: ورق الشركه متنسيش انك السكرتيره وكنتي ترجمتي الورق ده وعايز امضتك عليه عشان اعرف افرق بينك وبين السكرتيره اللي قبلك .. فأومات هي بمعني نعم وظلت تمضي علي الورق وهو يحكي لها غيث بهدوء: زمان يا قدر كنت راجع من النادي ولقيت بنت صغيره بتخرج من بيتي وهي بتضحك وبتلعب وفجأه في عربيه كانت ماشيه بسرعه وكانت هتخبطها فأنقذتها وبصيت ليها لقتها زي الملاك كانت جميله جدا وبريئه جدا زي الأميرات واتكلمت معاها وقولتلها انها اميرتي الصغيره ومن ساعتها وانا مشوفتهاش خالص وحتي مش قادر ادور عليها لأني مش عارف اي حاجه عنها حتي اسمها نسيته لأنه اي كان اسمها مش هيثبت في دماغي غير انها اميرتي الصغيره لحد ما شوفتك وقولتيلي اسمك حسيت اني سمعته قبل كده وفعلا من يومين اكتشفت يا قدر انك هي البنت اللي سحرتني اللي علقتني بيها من صغرها انتي هي اميرتي يا قدر ..اما قدر كانت تستمع له والدموع في اعينها فوقفت فجأه وذهبت وحضنته بشده فإحتضنها بقوه قدر ببكاء: انا كان نفسي الاقيك انت قولتلي انك هتحميني دايما بس هما اذوني اوي يا غيث موتوهم قدامي حاولت الاقيك عشان تحميني ومش لقيتك حتي مش قادره افتكر عنوانك فجأه لقيت نفسي لوحدي بإخواتي ومش لقيتك وانت انت عذبتني اوي يا غيث .. وكانت تبكي بشده غيث بهدوء وحزن وهو يشدد من احتضانها: اسف يا قدر اسف علي معاملتي ليكي يا اميرتي اسف اني كنت السبب في دموعك وصدقيني هنتقم من اللي كانوا السبب في حزنك وعذابك ودموعك ديه هخليهم يندموا يا قدري يا اميرتي الصغيره .. فإبتعدت هي عنه قليلا وهي تمسح دموعها غيث بإبتسامه: هديتي شويه .. فأومات هي بمعني نعم .. غيث بمرح: لأ لسه مش هديتي ..وجاء ليحضنها ثانيه فجاه وجد الباب يتم فتحه وتدخل منه اسيل اسيل بمرح : يالهوي وانا اقول البت اتأخرت ليه التار ولا العار هات البندقيه يا هريدي .. فإبتعدت قدر بسرعه بخجل وهي تبتسم اما هو نظر لها وابتسم وهنا دخل عمار وايهم عمار وهو يضرب علي صدره بتمثيل: يالهوي يا مصيبتي كده كده اهون عليكي تخونيني لا ومع مين مع غيث انا لازم اخد حقي بيدي .. وهنا اقتربت منه اسيل بتمثيل: صغيره وغلطت يا كبير اعذرها المرادي لن تتكرر العيال بيحبوا بعض .. فقام عمار بإمساك يدها بشده: طب واحنا .. اسيل بإستغراب : مالنا .. عمار بتسبيل: بنحب بعض .. اسيل بمرح: اه ..ثم بصدمه: ها ايه .. اقترب عمار منها : بحبك .. فصمتت اسيل وتركته وخرجت بسرعه فتعالت صوت ضحكات عمار في الداخل مما جعل قلب اسيل يدق بقوه حتي وصلت الي غرفتها.. ايهم بضحك: واخيرا لقينا اللي يسكتها الهبله ديه .. سلمي بضحكه بلهاء: ايه اللي كان بيحصل هنا .. غيث بهدوء: طب يالا بره يا حلوين كده مش عزبه ابوكم هي يالا .. فلم يتحركوا غيث بحده: برررره .. فخرجوا بسرعه وخوف اما قدر كانت تضحك بشده غيث بهدوء وابتسامه: حضري هدومك عشان هنسافر كلنا بليل .. قدر بإبتسامه: حاضر بس انا معنديش هدوم هنا .. غيث بضحكه: في هدوم جديده موجوده في الأوضه بتاعتك اللي هي جنبي ديه اودتك .. قدر بإبتسامه: حاضر بس يالا افطر انت .. ثم خرجت بينما هو نظر لمكانها وتحولت نظرته تماما غيث بحده ونظره مخيفه: وحياتك عندي يا قدري لأندمهم علي كل دمعه نزلت منك بسببهم معرفتش احميكي منهم بس غصب عني بس لو تعرفي انا ايه اللي حصلي ..ثم ضحك بألم واستلقي علي السرير لينام قليلا غيث بهدوء: فاضل وقت قليل ونروح المزرعه يا تري هتعملي ايه يا قدري مع المصيبه اللي هناك ... وفي الأسفل كانت سما تجلس ومعها يزيد في الجنينه يزيد بضحك: اي مكان فيه ورد انتي بتبقي فيه يا وردتي .. فإبتسمت هي له يزيد بهدوء: سما انا بحبك .. فنظرت هي له بشده سما بإبتسامه: عارفه .. يزيد بهدوء: تمام .. ثم نظروا الي بعضهم وضحكوا .. سما : وانا كمان بحبك يا يزيد .. يزيد : تتجوزيني .. سما : بس .. يزيد : بس ايه مش بنحب بعض .. سما بإبتسامه: مش قصدي بس ده مش قرار سريع شويه .. يزيد بصوت مرتفع: لا بصي يا روح قلبي ده احنا بقالنا فتره عارفين بعض مش تيجي دلوقتي وتشتغليلي في نظام انا معرفكش وتسرع ها .. سما بضحك: اسكت انت مجنون هههههه ..ثم بخجل: موافقه بس خطوبه الاول لحد ما الأمور تهدا .. يزيد بإبتسامه : خطوبه خطوبه مش مهم المهم انك ليا يا سمايا ..ثم ضحك واحتضنها وقرر ان يتقدم لها من اخيها مع والديه في الصباح ... وفي الداخل كانت سلمي بتتفرج علي التليفزيون فذهب ايهم وجلس بجانبها واخذ الريموت وقام بتغيير القناه .. سلمي بحده: انت بتعمل ايه رجع القناه .. ايهم : قناه ايه ده اسبونج بوب .. سلمي: وانا بحبه اقلب بقي .. ايهم : لا .. سلمي بغيظ: انت بارد علي فكره .. فنظر ايهم لها ببرود .. سلمي بحده: يخربيت برودك انا بكرهك .. ايهم بإبتسامه : وانا بحبك .. سلمي بحده: انت احم انت ايه .. فوقف ايهم واعطاها الريموت وبغمزه: انتي سمعتيني علي فكره .. فنظرت له بصدمه هل قالها نعم هو قال لها بانه يحبها سلمي بهمس: انت بتح ..ثم بسرعه:انت بتهزر ..فنظرت له وجدته مقترب منها جدا .. سلمي بخجل: ابعد .. ايهم بمكر: تؤ تؤ .. فإقترب منها اكثر وهي كادت تموت من الخجل فقام بأخذ الجاكيت بتاعه من خلفها ونظر لها وضحك بشده ثم ذهب اما هي نظرت مكانه بغيظ سلمي بغيظ: بارد اقسم بالله .. واخيرا جاء الليل وتجهز الجميع للذهاب الي المزرعه وركبت قدر مع غيث وسما مع يزيد وقام عمار بشد اسيل من زراعها وجعلها تجلس بجانبه في سيارته وقام ايهم بفعل المثل مع سلمي التي كانت تموت من الغيظ ..ثم شقوا طريقهم الي المزرعه التي ستكون ممتلئه بالأحداث " فيا تري ايه اللي هيحصل هناك وايه اللي هيحصل بين ابطالنا وايه المشكله اللي في المزرعه اللي ابطالنا خايفين منها ويا تري القدر مخبي ايه لأبطالنا ولغز روايتنا مين اللي قتل عائله قدر وغيث .....انتظروا" متنسوش الكومنت والتصويت
قدر وغيث
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
يزيد وسما
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
المجانين عمار واسيل
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
ايهم وسلمي
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
