الملاك المضيء

اقتباس

لماذا لا يشتاقون مثلنا..ألا يُوجد في مدينتهم ليل!🖤

*****
كانت تجلس ف غرفتها وتتذكر أحداث اليوم وكيف كان يعاملها سليم بحنيه طاغية......او عن اختياره لفستان زفافها الذي حاز علي إعجابها من رقته....مثلما فاز بقلبها ف هو مالك فؤادها وروحها ومن غيره من سلب عقلها بنظره منه اوقعتها اسيره له....وبعد يومين فقط!! سوف يصبح ملكها.

تنهدت نور بهيام وهي تحلم بحياتها معه فيما بعد... ولكن قطع أحلامها الورديه رنين هاتفها وهو يعلن عن مكالمة واردة من "سليم"

أجابت نور بلهفه:انت لسه صاحي
سليم بجديه:اعملي حسابك الفرح بكرا انا كلمت بابا وهو وافق
نور بدهشة:بكرا ازاي يا سليم فاضل حاجات كتير لسه مخلصتش وفيه هدوم نقصاني
سليم بحده:ال انا قولته هو ال هيتنفذ خلاص يا نور
نور:حصل اي يا سليم لكل دا انت فيه حاجة مزعلاك
سليم:انتي بتخونيني يا نور

صمتت نور لدقائق وهي تحاول أن تستوعب ما قاله لتو هل هذه مزحة هل يحاول ان يجعلها تضحك ام ماذا....!؟
نور بصدمة:انت بتقول اي يا سليم
سليم بغضب:عرفت يا هانم انك بتخونيني بتضحكي عليا وتمثلي الحب
نور بضحك هيستري:انت مستوعب انت بتقول اي صح مين دي ال بتمثل الحب انا كنت لسه معاك انهاردة يا سليم وبنختار فستان الفرح اي ال حصل ف ساعتين خلوك متغير كدة وبتقول ال بتقوله دة
لم تسمع نور اي رد منه ولكنها كانت تسمع صوت همهمات حاولت أن تكتشف لمن هذا الصوت ولكنها فشلت حتي وجدت صوت سليم يعود مرة اخري ولكن حاله تبدل ف لحظات لقد عاد يعاملها بحنيه مرة اخري وحب
سليم بحنيه:خلاص يا نوري نامي وبكرا نتكلم
نور بدهشة:هو انت بتلعب معايا يا سليم انام ازاي وانت بتقولي بكرا فرحي بعد ما كان بعد يومين من انهاردة اي ال حصل غير رأيك
سليم بحب:خلاص يا روحي نامي وبكرا افهمك كل حاجة....!!!

*****

#الملاك_المضئ

بقلمي/menna esam