تنظر نور بفزع عندما يقترب منها لتصرخ برعب و هى تحاول ترك الفراش ليتقدم منها الرجل بسرعه و هو يغلق فمها بيديه
: اهدى فى ايه انا نادر انتى نسيتيني و لا ايه
لتهدأ نور بين يديه التى ما زالت تغلق على فمها ليبتعد نادر و هو يضحك بقوه و هو يتذكر وجهها المرتعب
نادر بضحك : انتى مشوفتيش وشك كان عامل ازاى
نور بهدوء : ادم فين !
نادر و وجه يعود للبرود : ادم راح يشوف حاجات فى الشركه و قالى ابقي اجى اطمن عليكى علشان لو حصل حاجه
لتومئ له نور بهدوء و هى تنظر امامها بشرود ، ليعم الهدوء للحظات لينهض نادر و هو يتجه لباب الغرفه
نادر : انا هروح اتصل بأدم
ليذهب فى اتجاه الباب و قبل ان يخرج يلتفت لنور
نور بجمود : هى فين رهف ؟ من ساعة مفوقت و هى مجتش
نادر : هى جاتلك الصبح و مردتش تزعجك
لتنظر له نور بهدوء شديد لينظر لها نادر باستغراب فهى لم تكن هكذا من قبل فكما قال ادم ان اخر ما تتذكره هو خطوبتها هذا يعنى انها لا تعرف اى شئ مما فعله ادم لها ، فلماذا تتصرف بهذا البرود فهو يتذكر انه كان على علاقه جيده بها فهو كان مثل الاخ لها كما كانت تقول له فلماذا تتصرف هكذا !
لينصرف بهدوء و يغلق باب الغرفه
............................................
فى مكان اخر
يجلس ادم ببرود فى مكتبه و هو يملى الاوامر للحارس خاصته
ادم : انا عايزك تراقبه كويس لما تعرف انه هيسلم الشحنه تتصل بالبوليس علطول سامعنى
الحارس و هو يقف امامه باحترام و هو ينظر لاسفل
: امر حضرتك
ليامره ادم بالانصراف ، لينصرف الحارس بطاعه
لينظر ادم امامه و هو يبتسم بخبث على خطته التى سوف تجعل رفعت تحت اقدامه لينتقم منه على ما فعله بحبيبته و روحه و قلبه ليقاطع شروده صوت الهاتف و هو يرن ليرى اسم نادر يضئ الهاتف ليمسكه بسرعه
ادم بقلق : نور كويسه ؟ !
نادر بهدوء : اطمن هى كويسه لسه من شويه فاقت و بتسأل عليك
ادم : خلاص انا جاى اهو انا عارف انى تعبتك معايا بس كان لازم اخلص حاجات كده
نادر : لا عادى نور اختى بس كنت عاوز اقولك على حاجه
ادم : فى ايه !
نادر بتردد : خلاص لما تيجي هبقي اقولك حاجه مش مهمه
ادم : خلاص ماشي
ليغلق ادم الهاتف لينظر نادر لرواق المستشفى بهدوء و هو يلوم نفسه على ما كان سوف يقوله لادم فهو كان سوف يخبره بتصرف نور الغريب .
أنت تقرأ
عذاب الحب ( Torment of love )
Romanceتركض بأسرع ما لديها وهى تبكى بشده فهى رأت حبيبها وهو يقتل رجل باستمتاع شديد ، تركض وصوت صياح ادم يزيد من خلفها ، ادم ( بصياح ) : نور مش هتعرفى تهربي منى
