أبشرك گلبي من الوفی ما ضلت بيَّ سالفة ..
ضل اخر قطعه
وأبشرك من رحت نزلت وخلصت أخر الدمعه
شكد حبك گلبي وما دره بيك ما مقسوم ..
والقسمة ... اه من القسمة
چن ريح هزت اخر ورقة
چن مطر وطفت اخر شمعة
هو امل وراح ...
هو گلب وانكسر ..
هو جسد طالعه منَ الروح.
مااجذب .. احبك واشتاقلك
وكل مااشوفك احن واذكرك ..
وتاخذني الذاكره ليوين
لأاول يوم حبيتك
وارد ..
وامدلك ايدي التصافحك
وتردني خايب منكسر
چنك بيوم ما شايفني
وارد واباوعلك وابتسم
وتعبرني ....
واكول ميخالف بعدة ما مذكرني .
ابشرك يالرحت خلصت كل دموعي
ابشرك ايدي المتعودة تتلمس ايدك
وتتأمل تفاصيلك ..
كصيتهن .
عل عموم ،...
اني مو اول بشر ينعاف
ولا اول بشر مشتاك
هي مسأله وقت وانساك
شلي بهواك ..؟
اشو بعدني اتنفس
والدنيا مليانه بهوی غير هواك
وبيها اليحبون والي يوافون
من صدك
بس اني بعدني هايمة بهواك
بعده طيفك ما تاركني
خايفة اكول احبك ..
وتضحك عليَّ ..
ف راح اتظاهر نسيانك .
#Maryam
أنت تقرأ
خواطري
Romanceفي مدينة تملؤها الضباب ليلاً في مدينة تملؤها العتمة نهاراً في مدينة تملؤها الغبار شتاءً في جو مدينة بارد كَالزمهريرِ صيفاً واحر مِنَ الجحيمِ شتاءاً. هذهِ ليست مدينة مهجورة ... لَكنها مُحتلة، يائسة ... مدينة لايزورها الكثير ... عّلی الرغم من أني أرا...
