عشقت الصعيدي الجزء الاول والثاني بقلم هاله محمد

البارت الثامن والثلاثون الجزء الثاني

#عشقت_الصعيدي

#هاله_محمد

#البارت_الثامن_والثلاثون_الجزء_2

لم يستطيع الراحه هب من مكانه وذهب الي غرفه عمه حتي يتحدث معها أطرق الباب دلف حين سمع الرد
دخل عز وجد عمه جالس علي كرسي في زاويه غرفته نظر علي الفراش وجد زوجته نائمه في ثبات عميق امسكه عمه من يده ودلف الي البلكونه سأله عن حاله وبعد العناق
هشام بهدوء : جدك قال إنه هيجوزك ورد
جحظ عز بعينيه بصدمه
اكمل هشام : فريده سمعته وده سبب حزنها
عز بابتسامه وغير استعاب : ليه جدي يقول كده وهو عارف ان ورد تبقي اختي ....اكمل بحزن.... عشان كده اول ما شفتني وانا بقرب منها دخلت القصر واكيد زعلت عشان ورد حضنتني وفكرت....اني مخبرش اعمل ايه دلوقتي
هشام الاسيوطي بهدوء وتوضيح : جدك شاف فريده لمه كنا بنتكلم وهو اللي طلب مني اعمل كده عشان قلبها يرق....وأكمل بتحزير....بس اوعي تفكر اني هغصب بنتي علي حاجه يا عز ولا هقل من كرامتها و لو حصل منك اي حاجه يا عز انا بنفسي اللي هطلقها منك وهجوزها كمان
عز بصدق : عمي اني عارف اني غلطت وجرحتها بس صدقني عمري ما حبيت حد غيرها واللي حصل كان غصب عني...وأكمل بغيره....وفريده مراتي ومش هطلقها حتي لو حضرتك طلبت مني ده
هشام الاسيوطي بابتسامه : ماشي يا عز واهي بقت جنبك اقدر بقي صالحها ووريني شطرتك

في داخل غرفه سليم الموجوده بالقصر كان يغير ملابسه بهدوء
وكانت نرمين تجلس علي حافه الفراش تفكر بشرود
حتي قطع شرودها سليم باستغراب : مالك يا حببتي قعدتي كده ليه مش هتغيري هدومك ..؟
هبت واقفه وذهبت إليه وقفت بجواره وتحدثت باستفسار : مين ورد دي يا سليم وازاي تحضن عز كده ومش عامل حساب لحد ..؟
ضحك سليم بشده : هههههه‍
نرمين باستغراب : بتضحك ليه...؟ وبعدين بقي بصراحه ليها حق فريده تزعل انت عارف لو انا وهي حضنتك كده قدامي
وضع يده علي الأخري ونظر لها بتمعن وهز رأسه وتحدث : لو انتي صحيح كنتي هتهملي ايه يا روحي....؟
تحركت نرمين من مكانها وتحدثت بغيره : ولا اي حاجه كنت هدبحك وهحطك في كياس يا قلبي وهي بقي كنت هجرجرها من شعرها وهنسيها اسمها
سليم بصدمه : هتدبحيني وتحطيني في كياس عشان حضنتها بس
هزت راسها وهي تضم شفتيها بابتسامه : اه عشان حضنتها بس
سليم بخوف مصطنع : اني اقدر بردوا احضن واحده غيرك ...وأكمل بهدوء.... بس اللي متعرفوش أن اللي حضنت عز دي تبقي ورد أخته
نرمين بعدم فهم : أخته ...؟ أخته ازاي انا اول مره اشوفها
سليم بتوضيح : اسمعي يا ستي............
حكي سليم لنرمين كيف تكون ورد شقيقه عز
نرمين باستيعاب : يا نهار دي حكايه غريبه بس حزينه جدا ....كادت أن تخرج.... انا لازم اقول لفريده عشان اكيد ز.....قطع كلامها سليم عندما جذبها من يدها إليه قبل أن تتحرك
سليم بسرع : رايحه فين انتي هبله ..!
نرمين باستغراب : رايحه لفريده وليه هبله ...؟
سليم بهدوء : حببتي طلامه فريده متعرفش أن ورد اخت عز لحد دلوقتي يبقي اكيد في حاجه ومينفعش احنا ندخل عز هو اللي لازم يقولها
نرمين باقتضاب : يعني ايه يا سليم....؟
سليم بحسم : يعني زي ما قلتلك متدخليش في اي حاجه اوك يا حببتي....طبطب علي خدها وتركها ودلف الي الحمام
وقفت مكانها بضيق واستغراب وتحدثت : انا مش عارفه ليه مصعبين الامور اوي كده هيجري ايه لمه اروح انا واقولها ...؟